Apr 30, 2017

Kreu i PDSH-së, Menduh Thaçi takoi Hojt Li

Kryetari i Partisë Demokratike Shqiptare (PDSH), Menduh Thaçi, sot në Shkup zhvilloi takim me Zëvendës Ndihmës Sekretarin Shtetëror në Departamentin Amerikan të Shtetit për Evropë dhe Euro – Azi, Hojt Brajan Ji.
Në takim u bisedua për krizën dhe zhvillimet e fundit në vend, si dhe ecurinë e reformave që Maqedonia duhet ti përmbush drej proceseve të integrimit në NATO dhe BE.
Kryetari Thaçi falenderoi përfaqësuesin e lartë amerikan për mbështetjen e vazhdueshme që SHBA e japin për zhvillimin e proceseve demokratike dhe për integrimin e vendit në strukturat euro-atlantike.
Partia Demokratike Shqiptare si opozitë që është do të jetë konsttuktive dhe do të përkrah çdo nisnë institucionale që ka të bëjë me avancimin e të drejtave të shqiptarëve, reformat e mirëfillta si dhe debllokimin e proceseve integruese në NATO dhe BE.

BDI demanton kronikën e Alsat-m, e quan tendecioze dhe spekulative

Grupi Parlamentar i Bashkimit Demokratik për Integrim demanton në tërësi kronikën e sotme propaganduese të televizionit Alsat ku apostrofohen deputetët e BDIsë se nuk qenkan sulmuar nga protestuesit dhe e vlerëson si kronikë tendencioze, nxitëse dhe tërësisht spekulative.
Pa deputetët e BDIsë nuk mund të kishte Kryetar të ri të Parlamentit dhe ata qëndruan në Kuvend gjer në evakuimin e përbashkët nga ana e forcave policore ndërsa në ndërmjet kohë ndihmuan shumë deputet të tjerë të LSDMsë dhe ju zgjatën dorën edhe policëve nga të cilët shumica ishin shqiptar.
Fushatatat e tilla të përpunuara dhe senzacionalizmi manipulativ tenton të krijon pasqyre të rreme të ndodhive në Kuvend, por Grupi parlamentar i BDIsë është i përcaktuar në një vijë me politikat partiake të udhëhequra nga Kryetari Ali Ahmeti për një shumicë të re parlamentare dhe qeveri reformuese andaj dhe nuk do të devijohet nga fushatat e tilla joprofesionale. 

Si e luste myftiu shqiptar Zotin për Gruevskin? (VIDEO)

Sylejman Rexhepi, myftiu shqiptar në Maqedonisë, e pati lutur zotin ta ruaj kryeministrin maqedonas në largim Nikolla Gruevskin.
Në një video të publikuar më 31 janar 2017, myftiu këtë lutje e bën në gjuhën maqedonase, njofton Klan Kosova.
“Ti lutem të lartëmadhëruarit, Allahut, Zotit në emrin tim dhe tuajin – Allahu ta bekojë kryeministrin Nikolla Gruevski”.

Apr 28, 2017

Kryetari i PDSH-së, Menduh Thaçi uron Presidentin e Shqipërisë Ilir Meta

Kryetari i Partisë Demokratike Shqiptare z.Menduh Thaçi realizoi bisedë telefonike me z.Ilir Meta, Presidentin e posazgjedhur të shtetit Shqiptar. 
Zoti Thaçi e uroi Zotin Ilir Meta me rastin e zgjedhjes në postin e Presidentit të Shqipërisë dhe shprehu besimin se Presidenti Meta do të kontribuojë në avancimin e standardeve demokratike si dhe do të promovojë politika të mirëkuptimit dhe dialogut jo vetëm brenda Republikës së Shqipërisë, por edhe në trojet tjera ku jetojnë shqiptarët.

Autoblindat policore drejt Tetovës

Një numër i madh i autoblindave janë parë duke u futur në Tetovë, raporton tetova1.
Nuk dihet shkaku i defilimit të tyre, por që kanë krijuar panik te qytetarët pasi vijnë ditën pas një nate të përgjakshme në Shkup.
Autoblindat janë fotografuar në hyrje të qytetit nga qendra Palma Mall, megjithatë nuk ka një konfirmim nga policia se pse të njëjtat ndodhen në Tetovë.

Apr 26, 2017

KRITICIENTËT HIPOKRITË TË MULLA SULËS

Kritikuesit hipokritë e kundërshtojnë Zekerija Idrizin për moralin e tij të diskutueshëm. Por me çka garantojnë se ky që u pensionua tani kishte moral më të mirë familjar se sa Zekerija Idrizi! Pse nuk e kundërshtuan myftiun pararendës tashmë të pensionuar? Nuk ka kurrfarë logjike përveç logjikës me të cilën ftohet Mulla Sula në lidhje të kontratës: vazhdimësi të papenguar të rrënimit të BFI-së në kundërshpërblim me eliminimin e Zekerija Idrizit nga mundësia për të qenë myfti i Shkupit

Nga Zeqie Veseli
Kohëve të fundit, po vërehet një shtim i kriticientëve dhe një shtrirje shumë e gjërë e fushatës logjike kundër uzurpatorit të postit të reisit në BFI, Sulejman Rexhepit, alias Mulla Sulës. Shkas u bë vendimi i tij për ta sjellë në krye të Muftininisë së Shkupit, ish-imamin në diasporë, Zekerija Idrizin. Të gjithë armiqtë e Zekeria Idrizit u ngritën në këmbë duke e marrur si pretekst për ta sabotuar Mulla Sulën. Thanë, nëse e sjell Zekerija Idrizin në krye të kësaj Muftinie, atëherë diaspora distancohet nga BFI-ja dhe i ndalojnë të gjitha fitrat dhe kontributet e tjera fetare!
Mulla Sula vendosi imamëve të Shkupit tia sjellë një teolog tashmë të degraduar deri në palaço, në vend të një myftiu që iku i i turpëruar e i degraduar deri në besharet të bahçes. Mulla Sula po tenton që ta ruaj këtë kontinuitet të myftinjëve kukull, kurse do kriticientë shum të vonuar dhe tepër hipokritë i hidhen në qafë!
Po çka paskan pritur këta kriticientë hipokritë prej njeriut i cili tash e tri vite zbërthehet me fakte e me argumente si njeriu më shkatërrimtar i Islamit në Maqedoni? Çka paskan pritur këta kriticientë hipokritë prej Mulla Sulës i cili tashmë BFI-në dhe organet e saj i ka shndërruar në firmë private personale. Askush nuk ka të drejtë që tjetrit ti përzihet në firmën private dhe ta shantazhojë! Çka paskan pritur këta kriticientë hipokritë prej Mulla Sulës i cili tashmë është shndërruar në prototip i hajnit, i zhvatësit dhe i kriminelit në krye të një institucioni fetar islam. Janë botuar mbi treqind shkrime, me fakte e me argmente, me dokumente e me fotografi, studime e platforma për ta nxjerrur BFI-në nga këthetrat e Mulla Sulës, ndërsa këta kriticientë të sotshëm flenin gjumin e djallit dhe luteshin që Zoti ta bëjë sa më shumë llugë! Ku ishin këta kriticientë kaq të fortë e kaq të vendosur që asnjë herë nuk ngritën zërin kundër mediave të vendit për faktin që kurrë nuk e hulumtuan krimin në BFI, vjedhjet në BFI, nepotizmin në BFI dhe shndërrimin e saj në çerdhe të kiminalitetit nga ana e Mulla Sulës
Dhe, ja, sakaq na shpërthyen këta kriticientë! Po me çfarë preteksti shpërthyen?! Me vendimin e Mulla Sulës për ta sjellë Zekerija Idrizin në krye të Muftinisë së Shkupit! Pra, nuk merren me shkeljet ligjore, procedurale dhe me anashkalimin e të gjitha rregulloreve që dalin nga Kushtetuta e BFI-së për zgjedhje të organeve të saj! Mënyra se si ka vendosur Mulla Sula, nuk ka të drejtë askush ta kundërshtojë, sepse ai këtë vendim e ndërmerr në firmën private të tij, në BFI, të cilën, pikërisht për shkak të përgjumjes së këtyre kriticientëve tashmë të vonuar, e bëri pronë private të veten.
Fenomeni Zekerija Idrizi është nusprodukt i të gjitha krimeve të Mulla Sulës! Është dukuri e shëmtuar e fundit që shkaktohet nga Mulla Sula dhe, dorën në zemër, shumë më pak e rrezikshme se sa dukritë e mëparshme për të cilat Mulla Sula me plot të drejt e meriton epitetin MURTED! Të ngritesh sot dhe ta kritikoshë Mulla Sulën për përtëritjen e jaranisë së hershme me Zekerija Idrizin nuk është fare islamike, sese, me këtë gjest sikur po bëhet një përpjekje e djallëzuar për ta amnistuar Mulla Sulën prej të gjitha veprimeve të tij antiislame me të cilate ka stërmbushur kupën e haramit.
Fare në fund, kjo kritikë po afrohet si një kontratë në mes të kriticientëve hipokritë dhe Mulla Sulës; sikur po i përcillet mesazhi Mulla Sulës se, bëj çfarë të duash, vazhdo me shkatërrimin tënd mbi BFI-në, nuk do të të prekim kurrë, por ama gomarin mos e vë në ballë të karavanit të deveve!!!
Kritikuesit hipokritë e kundërshtojnë Zekerija Idrizin për moralin e tij të diskutueshëm. Por me çka garantojnë se ky që u pensionua tani kishte moral më të mirë familjar se sa Zekerija Idrizi! Pse nuk e kundërshtuan pararendësin! Nuk ka kurrfarë logjike përveç logjikës me të cilën ftohet në lidhje të kontratës Mulla Sula: vazhdimësi të papenguar të rrënimit të BFI-së në kundërshpërblim me eliminimin e Zekerija Idrizit nga mundësia për të qenë myfti i Shkupit.
Ose, tashmë këta kritikues e dinë nga vetë Sulejman Rexhepi se BFI-ja nuk ekziston tashmë porse jeta fetare islame në vend zhvillohet në kuadër të politikave lokale, ndaj dhe e lejojnë të kullosë Mulla Sulën në BFI por nuk lejojnë që të prihen nga Zekerija Idrizi. Ky qëndrim pra është, në fakt, kulmi i hipokrizisë së këtyre kriticientëve shumë të vonuar. Mulla Sula tashmë e ka provuar përkrahjen e këtyre kriticientëve hipokritë, të gjithë, në çastin kur duhej ta shtyjnë tutje, ia zgjatë dorën dhe e nxorën nga balta imorale ku ishte futur. Çka kanë tani që i kërcënohen?
Jo që është e pakuptimtë por edhe shumë e ulët qasja në reagime kundër Mulla Sulës. Ai që moti është dashur të harrohet si nocion dhe jo të merremi akoma me këtë njeri sklerotip. Ai tashmë me përkrahjen historike që ia dhanë këta kritikues hipokritë para dy-tre viteve, me kismet, po ua sjell në krye të Myftinisë së Shkupit, Zekerija Idrizin. Ju mbetet vetëm ta pranojnë këtë vendim dhe me përulësi tia puthin dorën e kriminalizuar Mull Sulës. Të nderuar kritikues të vonuar, kur lejoni Sulejman Rexhepi të jet në postin e Reisit, pse të mos lejohet Zekirja Idrizi në postin e Myftiut!

Strategjia e Thaçit për daljen nga kriza politike

Kreu i PDSH-së, Menduh Thaçi pritet që me dy deputetët e tij ti jap përkrahje qeverisë së zgjedhur nga Zoran Zaev, por ajo do të ketë afat, në rast se nuk përmbush detyrimet që do të ketë përpara.
Siç mëson INA, Thaçi këtë ja ka thënë diplomatëve të njohur perëndimor, duke i garantuar përkrahje një qeverie properendimore.
Këtë mbështetje kreu i PDSH e ka nënvizuar edhe në debatet e fundit, edhe përmes përfaqësuesve të tyre politik. Me këtë LSDM për formimin e Qeverisë do të ketë edhe dy votat e PDSH në Kuvend, duke siguruar 69 deputetë. (INA)

Mbyllet gazeta “Utrinski Vesnik”

Pas thuajse dy dekadave punë, të shtunën gazeta “Utrinski Vesnik” do ta botojë numrin e saj të fundit.
Kryetari i Sindikatës së gazetës, Lubisha Stankoviq, në profilin e tij të “Facebook-ut”, e kumtoi lajmin për shuarjen e
gazetës. “Pas plot 18 viteve, falë menaxhimit të keq të Sërgjan Kerimit, të shtunën, do të shuhet “Utrinski Vestik”. Duhet që të mbahet mend emri i atij që do ta varrosë gazetën”, shkruajti Stankoviq. Sipas informatave të deritanishme, gazetat “Utrinski” dhe “Vest” do të bëhet ueb-portale me disa atë punësuar, ndërkaq punëtorët e tjerë do të ngelen pa punë. “Utrinski”, është njëra ndër gazetat e cila është botuar nga Media Print Maqedoni (MPM), gazetarët e së cilës kanë bërë greve pasi që nuk u janë paguar rrogat. Ata kanë kërkuar takim me drejtorin, Kerim, por dera e tij ka qenë e mbyllur për gazetarët. Në ndërkohë është hapur ndërmarrje e re simotër, me emrin e ngjashëm “Media Print SHPK”, e cila publikoi disa shpallje për punësim të gazetarëve dhe redaktorëve. Ndërmarrje e re është në pronësi të Aleksandar Dinev, i cili është pjesë e menaxhmentit aktual të MPM-së.

Apr 25, 2017

Bogoevski sërish flet Ahmetin e Xhaferin!

Pas dënimit të “Magjar Telekom” për afera korruptive në Maqedoni dhe në Malin e Zi, një prej atyre të cilët u përfshinë në këtë çështje, ka deklaruar se tashmë çështja është mbyllur.
Gjatë një interviste për portalin “SDK“, ka deklaruar se funksionarë të cilët janë në pushtet, në vitin 2005 u janë dhënë ryshfet nga “Magjar Telekom” përmes afaristit grek, Dimitris Kondominas.
Ai rrëfen në Neë York se të përfshirë janë edhe Vllado Buçkovski, lideri i BDI-së, Ali Ahmeti, si edhe zv. kryeministri i mëhershëm, Musa Xhaferi.
Sipas tij, në tre raste ata janë paguar nga 2.5 milionë euro.
Sllobodan Bogoevski konsideron se padia e Ali Ahmetit dhe Musa Xhaferit tashmë është e pakuptimtë, duke theksuar se me padinë, Ahmeti dhe Xhaferi bëjnë trysni ndaj një dëshmitari në një proces gjyqësor.
Kujtojmë se seanca ndaj Bogoevskit është caktuar më 27 maj në Gjykatën themelore Shkupi 2.
Përndryshe, Komisioni Amerikan për letra me vlerë publikon se ish drejtorët e “Magjar Telekomit” Eleg Shtraub dhe Andras Balog janë pajtuar që të paguajnë gjobë në të holla, ndërsa ndaj tyre është shqiptuar edhe dënim me ndalesë për kryerje të detyrës zyrtare si drejtorë ose të punësuar në shoqata aksionare për 5 vitet e ardhshme.

Apr 21, 2017

OPINION: KONAKU selia alternativë e Sulejman Rexhepit

Nusja u përcoll me të gjitha nishanet, me një drekë të rrastë, me mish të pjekur e me pije të butë, kurse tërë kjo ndejë, ngjashëm si ndejat e tjera, iu faturua arkës së BFI-së. Myslimanët fukara të vendit paguajnë, Mulla Sula me këlyshët e vet manjet. Kështu do të shkojë deri sa do ti ec kungulli mbi ujë 

Shkruan: Vedat Fazliu
Sulejman Rexhepi, alias Mulla Sula, ashtu siç e ka filluar karrierën ashtu edhe do ta përfundojë, ndonëse pak në mënyrë më të avansuar, më moderne. Karrierën e ka nisur nëpër male, në gjueti pas derrave të egër, duke uluritur e kuisur në vend të zagarëve me qëllim për tia çuar gjahun te këmbët inspektorëve dhe njerëzve të shërbimeve policore maqedonase, deri sa këta e përgatisnin për klerik të tyre që do ta infiltronin më vonë në organet e BFI-së.
Me mish gjahu e me pije të dyshimtë (vë dorën në zjarr që vetë nuk ka pirë kurrë!!!) në logun e gjyetarëve është kuvenduar e planifikuar se si ti dilet në krye me teologët e mirëfilltë dhe si të arrihet deri te degradimi i çdo aktiviteti të shëndoshë islam e kombëtar. Ky ka qenë aktiviteti fillestar i Mulla Sulës i cili pastaj, nga zyret policore të sektorit të pasaportave do të avansohet deri në kryetar të BFI-së. Këtë e pohon edhe vetë Mulla Sula nëpër memoaret e tij tashmë të publikuara në versionin online.
Po në këtë atmosferë, ndonëse jo tashmë në natyrë por në objekt të mbyllur, është duke e përfunduar karrierën Mulla Sula. Me paratë e fitrit e të zeqatit të myslimanëve të vendit, me paratë e vjedhura nga ato të tubuara për ndihmë vëllezërve nga Hasanbegu pas vërshimës katasrtrofale, si dhe me shumë para të përvetësuara pas aksioneve të ndryshme fetare e vullnetare me bazë finansiare, Mulla Sula ka marrë një lokal i cili është në bahçe të babës, pa kurrfarë leje paraprake. Ia ka vënë emrin KONAKU dhe, duke hëngër e pirë, duk u rënë kapsllëk e duke plasur nga tengopja, nën tingujt e lloj-lloj muzike i qanë hallet fetare e kombëtare. Aty pret e përcjell njerëz. Tamam zyrë alternative e Rijasetit të BFI-së.
Vizitë zyrtare e përgjegjësit për punë të jashtme në Dijanetin e Turqsë të cilën e realizoi në KONAK
Mulla Sulës nuk i vihet në selinë e BFI-së, sepse aty nuk ka ushqime, nuk ia përgatit askush mishin e kurbanëve, nuk ia përgatit ato pije kofeine të nxjerra nga kutitë e ndihmave humanitare të arritura nga Dijanet Vakfi i Turqisë. Këtë kënaqësi ia jep vetëm KONAKU. Pa dyshim, Allahu xh.sh. e ka bindur se është i paligjshëm, se është reis i dhunshëm, se nuk e meriton me nderë kolltukun e Reisit, prandaj gjithnjë e më shumë është duke u fshehur në ato pisha të shpeshta të KONAKUT të tij. Të gjithë takimet formale e jo formale, zyrtare e gjysëm zyrtare, takime pune e miqësie, të gjitha është duke i realizuar jasht çdo sensi, jasht çdo bontoni e protokolli.
Takimi i fundit i Sulejman Rexhepit, me një zyrtar të lartë është realizuar në restorantin kotec, të denjë për gjyetarët e stërlodhur, KONAKU. Këto ditë aty ka pritur Drejtorin e departamentit për punë të jashtme në Dijanetin e Turqisë, zotëri Erdal Atalaj. Përderisa mysafirët e lartë që priten në selinë e Rijasetit gjejnë mënyra për ti dorëzuar ndonjë dhuratë kompatabile, bie fjala ndonjë Kuran, ndonjë pikturë me objekt xhamie apo objekt nga trashëgimia kulturore islame, zoti Erdal e falënderoi për mikpritje Mulla Sulën duke ia dhënë po një dhuratë kompatibile me selinë e pritjes. Natyrisht që, përveç filxhanave që turqit i përdorin për kafe turke kurse kinzët për raki orizi, nuk pati se çfarë ti dhurojë. Nga protokolli i Drejtrit turk thonë se në moment të fundit, pasi është mësuar vendtakimi, është ndërruar edhe dhurata, duke ia dhënë një komplet filxhanësh madje edhe duke e faktuar këtë gjë përmes fotografimit të përbashkët para kafenesë që tashmë po shërben si selia alternative e Mulla Sulës. Takimi zyrtar është realizuar sipas protokollit sportiv të Mulla Sulës, ashtu siç mund të rrihet nëpër mejhane, ndonëse zyrtari turk nuk ka lëvizur për asnjë milimetër nga protokolli i tyre për takime të rangut të lartë. 
Erdhi dhunshëm iku turpshëm
Dikur profesor i nderuar i gjuhës arabe, Rexhep Jusufi, në pleqëri pranoi të futet në skemat e nëntokshme të Sulejman Rexhepit dhe të bëhet myfti i tij që erdhi pas masave të dhunshme që i ndërmori Mulla Sula si dikur Millosheviqi nëpër institucionet nacionale të shqiptarve të Kosovës. Organet e dhunshme e luanin rolin e prezervatimit për një përdorim dhe hidheshin në pleh. Po këtë rol e pranoi edhe Rexhep Jusufi duke u bërë myfti i Mulla Sulës për Shkupin, me shpresë se përmes tij do ti realizojë tashmë interesat e njohura e shumë të dobëta të Mulla Sulës. Natyrisht, të gjithë, madje edhe ata që e votuan, kishin konstatuar se njeri me karakter më të dobët nuk kishin parë se sa Rexhep Jusufin të cilin dikur e kishin konsideruar si profesor të pathyeshëm.

Dy vite më vonë, Rexhep Jusufi do të ik turpshëm. Rexhep Jusufit do ti përgatitet një lamtumirë në shenjë mirënjohje për rolin negativ që e lozi dhe u çua në pension. U përcoll turpshëm e me shumë turp. Jo nga zyrja e Reisit, jo nga zyrja e Myftinisë së Shkupit, jo nga klasat e Medresesë Isa Beu ku ishte profesor mbi njëzet vjet, por, ceremoninë e përcjelljes ia përgatitën te KONAKU i Mulla Sulës, në restorant, tamam siç e përcjell baba bijen nuse! Nga restoranti sot përcillen vetëm nuset. A mos është ky mesazh i Mulla Sulës se Rexhep Jusufi më në fund përfundoi si nuse e Mulla Sulës! Turp i madh për këtë nuse, Rexhep Jusufin, turp për Mulla Sulën, turp për të gjithë pjesëmarrësit në këtë dasëm nusërie, turp për të gjithë myslimanët e vendit për katandisjen në moçal derrash të organeve përgjegjëse të jetës fetare islame në vend. Një ditë të gjithë do të përgjigjen për këtë degradim të jetës fetare, të cilin mund ta bëjnë vetëm ata që janë të denjë për antibesim.
Nusja u përcoll me të gjitha nishanet, me një drekë të rrastë, me mish të pjekur e me pije të butë, kurse tërë kjo ndejë, ngjashëm si ndejat e tjera, iu faturua arkës së BFI-së. Myslimanët fukara të vendit paguajnë ndërsa Mulla Sula me këlyshët e vet manjet. Kështu do të shkojë deri sa do ti ec kungulli mbi ujë!

Apr 20, 2017

PPS kërkon hyrje alternative në Telekom

PPS-ja gjatë javës së ardhshme do të ketë takime me anëtarët e bordit të Dojçe Telekom, kompania që ka një pjesë të pronësisë të Telekomit të Maqedonisë. Këtë informacion për TV21 e konfirmuan nga PPS-ja, të cilët nuk dhanë më shumë detaje se kush janë gjermanët me të cilët do të takohen, ndërsa mbledhja do të mbahet para festave të muajit maj. Takimi me kërkesë të PPS-së vjen pasi që katër herë nuk arritën të sigurojnë vendim nga Gjykata për të kryer kontrolle në Telekomin e Maqedonisë, në suaza të dy pistave të hetimeve. Avokati Zvonko Davidoviq vlerëson se është në interes të përbashkët të dihet se cilët qytetarë janë përgjuar dhe nëse për ato përgjime ka pasur urdhër nga Gjykata.
“Në këtë mënyrë, një herë e për gjithmonë, do të zbulohet e vërteta se kush ka përgjuar. A ka përgjuar DSK-ja, a ka pasur urdhër apo jo, dhe a ka vazhduar përgjimi pasi kanë skaduar urdhrat nga Gjykata. Kjo është shumë e rëndësishme që të ndërmerren masa për të ndaluar veprime të këtilla në të ardhmen”, tha Zvonko Davidoviq, Avokat.
Sipas ish-prokurorit, Jovan Trpenovski, PPS-ja duhet të gjejë një zgjidhje alternative që të hyjë në Telekomin e Maqedonisë, për shkak se nga gjykata nuk mund të sigurojë urdhër për hyrje për kryerjen e kontrollit.

LR-PSHD, LSDM dhe VMRO bëhen bashkë

LR-PDSH e mbështetur nga LSDM ka votuar për shkarkimin e Kryetarit të këshillit komunal të Strugës, Abdulla Qazimovski, raporton SHENJA.
Nga LR PDSH kanë propozuar që përkohësisht me seancën të udhëheq këshilltari i LSDM-së Risto Qushko. Ky propozim i LR PDSH-së është mbështetur edhe nga VMRO-DPMNE dhe LSDM.
Për shkarkimin e Qazimovskit të përmbajtur kanë votuar nga VMRO dhe BDI.
Kryetari aktual i zgjedhur do të kryesojë me seancë deri sa të propozohet dhe të caktohet kryetari i ri.
Ende nuk ka propozim tjetër se kush do të udhëheq me këshillin komunal të Strugës. /SHENJA/

Apr 12, 2017

Selmani: Gruevski erdhi në pushtet me ndihmën e LSDM

Naser Selmani kryetar i SHGM-së, thekson se kjo që po bëhet është vetëm për të shpëtuar kokat e VMRO-së, Gruevski kërkon të aminstojë sistemin për aq vite që ka udhëhequr, shkruan Almakos.
“Gruevski nuk kërkon të amnistojë veten dhe miqtë e tij por edhe gjithë sistemin që i mundësoi të qeverisë 12 vjet.
Maqedonia sipas Selmanit ideja e nacionalistëve maqedonas është që të aktrojnë demokraci por duan që të qeverisin.
Selmani thotë se kriza politike nuk zgjidhet deri sa shumica e re parlamentare nuk e mer mandatin në duart e veta”.
Ne përballemi me dy koncepte , koncepti i parë ai i ëndrrës europiane dhe i dyti ai sovjetik. Gruevski përfaqëson unitet pushtetesh, jo të drejta të qytetarëv por padroni do tregojë kufijtë e lirive dhe të drejtave të njeriut. Kjo nuk është loje naive, dhe se sa janë serioz dhe të sinqert nga ana tjetër LSDM mbetet të shikohet.

EKSKLUZIVE:SULEJMAN MUTLLUXHAN, ARTISTI PËR TË CILIN U DETRONIZUA BFI NË RM

Sulejman Mutlluxhan, ka një brengë të rëndë që nuk po e lë rehat. Emri i tij përfolet si shkaktar për dridhjen dhe për ardhjen në këtë derexhe të papëlqyeshme të BFI në RM. Ky artist ka vendosur që ekskluzivisht për 1KlikLarg, të flasë, të rrëfehet me shpresë e me lutje deri te Zoti Fuqiplotë që të japë kontributin modest në tejkalimin e problemeve dhe në kthimin në binarët e veta të BFI-së si i vetmi Institucion fetar islam në Maqedoni 

Sulejman Mutlluxhan, Sulejman Rexhepi dhe Himmet Avci, 2011
Një artist me prejardhje shqiptare, që mbaroi muzikën klasike, që më vitin 1977 do të shkojë në Vijenë për të studiuar operën dhe që, për fatin e tij të keq, po atë ditë, sapo arriti në aeroport, për shkak të atentatit që ermenët ndërmorën kundër ambasadorit turk, nuk do të arrijë kurrë të gjejë valixhen e vet me çrast do ti humb të gjitha dokumentet e udhëtimit, dhe, për mbijetesë do të përfundojë rrugëve duke pjekur e shitur geshtena. Artisti që shet gështena! I dashur e i respektuar nga të gjithë, baba i pesë vajzave. Pas shumë peripecive do të bëhet një bisnesmen i suksesshëm. Do të hap agjenci turistike si dhe do të merret me bartjen e haxhilerëve nga perëndimi. Gradualisht këtë aktivitet do ta shtrijë edhe në Qipro, ku për merita të veçanta në organizimin profesional të haxhit, do të dekorohet prej Kryeministrit qipriot, Bylen Arënçi. Një prej mijëra artistëve e bisnesmenëve të rreshtuar nën amblemën e Partisë së Kryetarit të shtetit turk, Rexhep Taip Erdogan. Thjesht, një artist, mbi të gjitha, një njeri i dashur e humanist, i suksesshëm përballë sfidave të ndryshme të jetës.
Megjithatë, Sulejman Mutlluxhan, ka një brengë të rëndë që nuk po e lë rehat. Emri i tij përfolet si shkaktar për dridhjen dhe për ardhjen në këtë derexhe të papëlqyeshme të BFI në RM. Ky artist ka vendosur që ekskluzivisht për 1KlikLarg, të flasë, të rrëfehet me shpresë e me lutje deri te Zoti Fuqiplotë që të japë kontributin modest në tejkalimin e problemeve dhe në kthimin në binarët e veta të BFI-së si i vetmi Institucion fetar islam në Maqedoni.

Z. Sulejman, pse e keni këtë brengë të një detronizuesi të BFI-së kur në këtë Institucion askush nuk ju njeh dhe për askë nuk paraqet asgjë emri i juaj?!
Jo jo, më njohin, madje shumë mirë. Me disa persona njihemi aq gjatë sa edhe kemi krijuar dosje të miqësisë. Reisi, Sulejman Rexhepi, nuk mund të mos më njohë kur në kabinetin e tij, në prezencë të miqve, në dorë ia kam lëshuar 20 mij euro për një shërbim që duhej të kryhej. Më tutje, Reisi, Sulejman Rexhepi si dhe, banditi i tij, Mustafa Dauti, nuk mund të mos më njohin kur Organizatës Humanitare, në të cilën të drejtën e nënshkrimit e ka ekskluzivisht Sulejman ef. Rexhepi, ua kam donuar një xhip, një furgon për bartjen e ndihmave humanitare si dhe shumë ndihma të ndryshme humanitare.

Që kur njiheni me këta dy persona që i apostrofuat. Si u njohtuat?
Që nga viti 2008 e deri më vitin 2013 emri im në Turqi, Bullgari e në Qipro ishte bërë mjaft i njohur, kjo për faktin që firma ime me shumë sukses po organizonte haxhin. Më vitin 2011 deshta të depërtoj edhe në Maqedoni me këtë synim. Përmes miqve të ndryshëm, përmes lidhjeve të ndryshme që i kisha me bashkëatdhetarët e mi nga Maqedonia, e më së shumti përmes myftiut të Manastirit, Pëllumb ef. Veliut, kah fundi i muajit shkurt të vitit 2011 u pranova në kabinet nga ana e Reisit, Sulejman ef. Rexhepit. Më priti shumë ngrohtë, biseduam gjërë e gjatë për qëllimin e vizitës sime, për përpjekjet e mia për organizim teknik të haxhit si dhe për marrjen e vizave që do të teprojnë për haxhilerët turq. Në takimin e parë nuk më refuzoi efendi Rexhepi, madje më dha shkëndija shprese se, pasi ta shqyrtojë këtë çështje me Mexhlisin, do tia arrijë që të më përgjigjet pozitivisht. Po në këtë vit, në javën e fundit të qershoit, sërish më priti Sulejman ef. Rexhepi të cilit ia kërkova transportimin dhe vendosje e haxhilerve në vendet e shenjta. Kisha bërë përgatitje të shumta për një haxhillëk të mbarë për haxhinjtë nga Maqedonia dhe për një levërdi shumë të mirë për BFI-në. Thjesht, i gëzoja faktit që Zoti më dha mundësinë që të kontribuoja sado pak për bashkëatdhetarët e mi, për shqiptarët dhe myslimanët e shtetit tim prej nga kisha migruar në Turqi. Pas tre ditësh sërish u takuam në kabinetin e tij dhe me vete kisha 30 mij euro për ti lënë kapar. Megjithatë, edhe kësaj radhe Reisi më tha se duhej të vendoste Mexhlisi. Megjithatë ma la mundësinë që edhe një herë të takoheshim. Erdha në muajin gusht të po të njëjtit vit dhe, kësaj radhe efendi Rexhepi më tha se arabët po bëjnë probleme të mëdha dhe se për këtë vit ishte e pamundur që të ma linte në dorë organizimin teknik të haxhit të vitit 2011. Në këtë vit, Sulejman Rexhepi e kishte organizuar haxhin me njëfarë Sedat Ukov!
Më sipër zunë ngoje edhe emrin e Mustafa Dautit, të cilit ju i drejtoheni me banditi i Sulejman Rexhepit! Opinioni shqiptar në Maqedoni e njeh si kryetar i Organizatës Humanitare Hilal! Nuk po ju duket se po e ofendoni një njeri human?!
Te Mustafa Dauti gjithçka mund të ketë por humanitet dhe sinqeritet absolutisht jo! Si u njoha me këtë njeri? Përmes kontakteve të ndryshme arrita të njohtohem me një imam nga Maqedonia në Zvicër, Imran Ahmeti nga Kumanova! Më thirri në Zvicër për një bisnes dhe atje erdhi e më takoi me Mustafa Dautin. Sakaq mu hodh Mustafa duke më thënë se, si kryetar i Organizatës Humanitare HILAL gëzon besim të plotë te Reisi Sulejman Rexhepi dhe se është në gjendje të më sigurojë tepricë vizash deri në 500 viza. Madje edhe çmimin ma ndau, 1000 euro për vizë. Këtu ma përmendi emrin e një njeriu i cili qenka shumë i rreptë dhe, i cili, qenka kryesori për organizimin e haxhit. Më foli për sekretarin e BFI-së, për Afrim Tahirin, të cilin Mustafa e paska shokë të ngushtë dhe komshi, prandaj edhe e paska shumë të lehtë për ta bindur që mos të më bëjë probleme! Më ftoi dhe unë i shkova në Shkup. Me të parën ma ngriti çmimin e vizave në 1200 euro. Unë veçmë kisha dhënë paradhënie për aeroplanët si dhe për rezervimin e hoteleve. Vizat e mia sërish i mori dhëndri i Sedat Ukovit, Mehmet Nazif Balta?!

Mendoni se Mustafa Dauti luan pas shpinës së Sulejman ef. Rexhepit?
Nuk kam fije dyshimi në këtë! Në mes të muajit janar të vitit 2013, më kërkon 3500 euro sepse ai bashkë me Afrim Tahirin do të shkonin në një seminar në Turqi dhe se për këtë nuk paskan mundësi finansiare. Më bindi se është mirë që ta sponsoroj këtë seminar, sepse kjo do ta detyronte pastaj Afrim Tahirin e egër të zbutej dhe të më pranonte në takim! Po atë ditë, përmes Western Unionit ia dërgova Mustafa Dautit 3500 euro. Mustafa Dauti jo një herë është nisur në Turqi, në resortin tim për pushime verore në Antalia, duke më bindur se po vjen me Afrim Tahirin dhe se atje do të takoheshim për tu marrur vesh rreth organizimit të haxhit. Kur vinte, vinte vetëm me familjen e vet duke gënjyer se në momentin e fundit Afrimin e kthyen nga aeroporti sepse doli një problem i madh në BFI. Dhe tri herë ka ardhur edhe familja e Pëllumb Veliut, të gjithë në llogari të shpenzimeve të mia. Po shpenzoja vetëm ta takoja Afrim Tahirin, me të cilin assesi të njiheshim dhe ta zbusja që mos të më pengonte në bisnes. Më vonë do të dalë puna se të gjithë kishin punuar prapa shpinës së Afrim Tahirit, të cilin të pandershmit e kishin përdorur si kurth për të më rjepur mua. Këtë që po e them mund ta dokumentoj në çdo kohë, para cilitdo gjyq në botë.
Në muajin mars të vitit 2013 më thërret Mustafa Dauti dhe më bind që urgjentisht të vija po atë ditë, sepse do të takoheshim me Afrim Tahirin. U nisa por, Afrimi nuk dilte askund. Më nxori jasht Shkupit Mustafa dhe duke pirë kafe më thotë që Organizata e tij HILAL ka nevojë urgjente për një xhip, për një furgon madje edhe për një kamion për transportim të ndihmave humanitare. Xhipin ua solla pas disa ditësh, madje e renovova, dhe e solla të ngarkuar me produkte ushqimore. Çuditërisht, pranimin e xhipit nuk e bëri OH HILAL por personalisht Mustafa Dauti. Mua mu duk punë e dyshimtë por ai më bindi se qenka shumë problem, me ligjet e vendit, të bëhej një gjë e tillë në emër të organizatës, edhe pse të drejtën e nënshkrimit e kishte ekskluzivisht Sulejman ef. Rexhepi. Pastaj më tha se Sulejman efendi Rexhepi dhe Afrim Tahiri të falëderojnë shumë dhe nuk kanë mundësi të të takojnë. Ika! Pas disa ditësh, e marr në telefon Mustafën dhe i them se e gjeta një furgon Ford Tranzit për bartjen e ndihmave humanitare. Furgoni më kushtoi shumë shtrenjt, sepse deri sa e solla nëpër Serbi, policët serbë më ropën disa herë. Erdhi Mustafa dhe sërish e bëri pranim dorëzimin në emër të vetin, jo në emër të OH HILAL. Plus kësaj radhe ia dhashë edhe 1500 euro në dorë sepse aq bëkan shpenzimet doganore. Sërish Afrim Tahiri nuk pati mundësinë të më takojë sepse, Mustafa Dauti kishte plotë justifikime! Mustafa Dautit i donova mjete transporti në vlerë prej mbi 15 mij euro për aktivitete humanitare, kurse më vonë do të marr vesh se mjetet e donuara i ka shitur! Saktësisht dihen të gjitha! Për të gjitha këto, dhe për çdo vizitë timen në Shkup, isha i shoqëruar nga miku im Himmet Avci i cili është dëshmitarë i ngjarjeve.
Po ky farë matrapazi, Mustafa Dauti, me leje të Reisit, më merr në telefon dhe më thotë se kësaj radhe paskan vendosur që haxhinjtë me autobus ti dërgojnë me mua dhe me Imran Ahmetin, imamin e Zvicrës, por që, prej Jordanisë e tutje duhet të kemi aeroplan. Kërkojnë që tua sponsorizoj regjistrimin e firmës në emër të Mustafa Dautit, dhe unë ju jap 2000 euro kurse e tërë porocedura e regjistrimit paska kushtuar jo më shumë se 250 euro. Më thonë se i paskan siguruar 150 haxhinj dhe se unë duhej të rezervoja aeroplanë si dheHOTEL për këta haxhinj. Në fund, matrapazi më vjen me vetëm 19 haxhilerë. Sërish më keqpërdori në emër dhe me dijen të Sulejman Rexhepit, kurse me Afrim Tahirin akoma nuk isha njohur. Fatkeqësisht, atë vit sipas Mustafës, arabët nuk paskan shprehur dëshirë që të japin viza për turqët dhe se, Mustafa, meqë paska shokë shumë mafiozë, do ti hidhen arabëve në hotel dhe me dhunë do tua marrin vizat. Më luti që të bëj gajret dhe më siguroi se Reisi Sulejman Rexhepi do të pensionohet më vitin 2014 kurse më vitin 2015 reis do të bëhet Afrim Tahiri dhe atëherë me garancë të qind për qind haxhin në Maqedoni do ta marr unë dhe askush tjetër, kurse vetë Mustafa Dauti do të jetë ndihmës reisi! Për këtë më tha që duhet ta ndihmojmë BFI-në me, një herë 10 mij euro e herën e dytë me 30 mij euro. Natyrisht, kësaj radhe nuk e hëngra, i thashë nuk jap pa mu drejtuar vetë Reisi, kurse ai nuk ma kërkoi këtë shërbim!
Ja pra, si u bëra sebep i një dridhje të madhe në BFI, e cila patjetër që duhet të pastrohet prej fëlliqësirave. I shkrova sekretarit të BFI-së Afrim Tahirit – dy herë në maj dhe një herë në qershor të vitit 2014, dhe e njohtova me gjithçka që kisha bërë në emër të tij. Ai më tha se po punon për të më ballafaquar me Sulejman Rexhepin dhe Mustafa Dautin, kurse më vonë, pasiqë pret mbi dy javë përgjigje për tu ballafaquar, Reisi ia ben me dije se ballafaqim nuk do të ket! Kjo e bën Afrim Tahirin, që në shenjë revolte, të japë dorëheqje si dhe ta nisë një Lëvizje për reforma në BFI.
Kam marrur vesh se janë edhe nëpër prcedura gjyqsore. Natyrisht që pres të ftohem edhe unë si dëshmitar dhe, mezi pres të dëshmoj dhe të ballafaqohem me ata tipa që janë katasrofa e myslimanëve të Maqedonisë./1kliklarg.com


Apr 10, 2017

BDI ka rënë në 6-7 deputetë, ekspertët analizojnë anketën e institutit amerikan

BDI, VMRO-DPMNE dhe LSDM po përballen me rënie të besimit te votuesit në periudhën paszgjedhore, shkruan gazeta e përditshme Utrinski Vesnik, duke analizuar rezultatet e anketës së fundit të institutit amerikan NDI lidhur me rejtingun e partive politike në Maqedoni.
Analizat e kësaj ankete tregojnë se rënie më të madhe dhe më e qartë vërehet tek BDI-parti e cila konsiderohet kyçe për formimin e qeverisë së re.
“Edhe pse BDI e ka iniciuar platformën e cila u imponua më pas si argument me të cilin presidenti Gjorge Ivanov e arsyeton vendimin e tij që të mos e japë mandatin, rezultatet e anketës sinjalizojnë se ai dokument nuk ka ndikuar në përmirësimin e rejtingut të partisë. Te trupi i përgjithshëm votues BDI ka shënuar rënie prej 19.5 për qind, përkundër rritjes prej 3.4 për qind, që do të thotë se partia shënon ‘minus’ 16.1 pikave procentuale, përkundër përkrahjes konstante prej 21.3 për qindëve”, analizon Utrinski. Te VMRO-DPMNE- vërehet rënie prej 4.8 pikave procentuale, kurse te LSDM rënie prej 3 pikëve procentuale.
“Përkrahje konstante në periudhën paszgjedhore vërehet vetëm te Besa, siç vlerësohet, me siguri për shkak të pozitave konzistente të kësaj partie në proceset paszgjedhore. Partia e cila dha përkrahje që LSDM ta marrë mandatin për formimin e qeverisë ka humbur 8.1 për qind besim, kurse ka fituar përkrahje të rritur prej 8.5 për qind, deri sa 26.4 për qind kanë thënë se përkrahja për Besën është e pandryshuar pas zgjedhjeve”, shkruan Utrinski.

Thaçi: BDI-ja nuk meriton të jetë pjesë e Qeverisë së ardhshme

Në një intervistë ekskluzive për TV Lajm, kryetari i Partisë Demokratike Shqiptare, Menduh Thaçi qartëson dilemat se a ka pasur takim në mes tij dhe Zaevit, dhe se a meriton BDI-ja të jetë pjesë e Qeverisjes së ardhëshme.
Thaçi e pranon se pjes të fajit për mos largimin e BDI-së nga pushteti kanë edhe partitë opozitare, Besa, Aleanca duke mos përjashtuar këtu edhe partinë që ai udhëheq.
“Takim në nivel të liderëve nuk ka pasur, por takime në nivele më të ulta ka pasur dhe vazhdojmë të kemi, e kemi pas një bashkëpunim patjetër ta quaj shumë korrekt, gjatë procesit zgjedhor, sa e dini kemi qenë dy partitë kryesore opozitare që u deshtë të garantojnë prej në vendvotim procesin zgjedhor. Nuk është kjo çështje inati, unë mendoj se problem i shqiptarëve nuk është Zaevi, por është Ali Ahmeti dhe Bashkimi Demokratik për Integrim. Shum kur i frym kësaj duket se pak e personalizojmë, por jaqë faktet janë aty. Sipas meje do të ishte mos njohuri elementare politike që të lejojmë Menduh Thaçi tja jep nënshkrimin Ali Ahmetit i cili 15 vite nuk ka bërë asgjë për shqiptarët dhe tash Brenda 7 ditëve ti bëj këto pikat e platfomës apo siçe quajnë ata dekleratës së përbashkët.
Domethënë po e përsëris edhe një her qëndrim jonë është se BDI-ja, nuk meriton të jetë pjesë e Qeverisë së ardhëshme të shtetit dhe ti përfaqësoj shqiptarët në pushtetin ekzekutiv. Është faji i forcave opozitare Besës, PDSH-së dhe Aleancës që nuk arritëm të basshkëveprojmë prej fillimit”, deklaroi Thaçi

LSDM edhe sot kërkon të kalohet në pikën e zgjedhjes së kryetarit të Kuvendit

LSDM edhe sot kërkon që të kalohet në pikën e 4 të rendit të ditës. Deputeti i LSDM-së Oliver Spasovski kërkoi edhe një herë që në bazë të nenit 78 alinea2 e Rregullores së Kuvendit të ndërpritet diskutimi për pikën e 3 të rendit të ditës dhe të kalohet në pikën e katërt ku duhet të zgjidhet kryetari i kuvendit, pasi atë e kërkojnë shumica e deputetëve në kuvend.
Kjo nuk u pranua nga kryesuesi i Kuvendit Trajko Veljanovski i cili i referohet nenit 80 të rregullores alineja 2.

Maqedoni/Enti famëkeq i statistikave plan për fshirjen e diaporës shqiptare

Agjencia famëkeqe e statistika në Maqedoni po planifikon ti fshijë nga lista  shqiptarët e diasporës, të cilët me dërgesat e tyre po e mbajnë gjallë ekonominë e falimentuar të vendit, njofton agjencia e lajmeve INA.
Nga Enti Shtetëror i Statistikave thonë për gazetën Dnevnik se gjatë regjistrimit të ardhshëm nuk do të përfshihen as shqiptarët që në gjashtë muajt e fundit kanë vizituar njëherë vendlindjen.
Sipas këtij Enti, në regjistrim do të përfshihen vetëm banorët që kanë vendqëndrim të përhershëm në Maqedoni.
Në anën tjetër, profesori Abdylmenaf Bexheti thotë se, sipas standardeve ndërkombëtare, në regjistrim duhet të përfshihen të gjitha ata shtetas të Maqedonisë që në 185 ditë e fundit para fillimit të regjistrimit e kanë vizituar njëherë Maqedoninë. (INA)

Apr 7, 2017

Erdogan: Do mbështesim intervenimin ushtarak të SHBA në Siri, ja çfarë thotë për Putinin

Presidenti Rexhep Taip Erdogan të enjten ka mirëpritur deklaratën e kolegut të tij amerikan Donald Trump, i cili  po konsideron ndërhyrjen ushtarake në Siri. Presidenti Erdogan ka folur drejtpërsëdrejti me Kanal 7 të Turqisë.
“Turqia është e gatshme të bëjë punën e vetë në akcionin e tillë ushtarak,” tha Erdogan, përcjell botasot.info.
Erdogan ka kritikuar edhe presidentin rus Vladimir Putin, për atë që akoma luan se nuk po e kupton mizerinë e regjimit të Assadit.
“Është e dhimbshme nëse ai akoma nuk e kupton për pak ditë se Assadi është pjesërisht përgjegjës për atë,” tha Erdogani.
Presidenti amerikan Donald Trump u tha disa anëtarëve të Kongresit se po konsideron ndërhyrjen ushtarake në Siri, në formë raprezaljeje kundër sulmit me armë kimike të kësaj jave.
Sulmi kimik ndodhur në qytetin sirian Idlib ndodhet rreth 90 kilometra larg nga kufiri turk. Sipas ekspertëve turk atje është përdorur armë kimike e quajtur Sarin.

QËNDRIMI PROSERB I SULEJMAN REXHEPIT NË RAPORT ME KOSOVËN DHE INTERESAT E PËRGJITHSHME KOMBËTARE

Shtetet shqiptare nuk guxojë të jenë kaq indiferent dhe ta luajnë shurdhin përballë deklaratave shokuese të Mulla Sulës të cilat i jep në cilësinë e një “personaliteti shqiptar” me relevancë por që shkojnë absolutisht në dëm të interesave të përgjithshme nacionale shqiptare.

Shkruan Haxhi Isa Xhaviti
Nëpër rrjete të ndryshme sociale po qarkullon një deklaratë shumë e rëndë e Sulejman Rexhepit, alias Mulla Sulës. Ai, kohë më parë, në një televizion lokal tetovar, përveç shumë margaritarëve të një njeriu të retarduar mentalisht, ai do të deklarojë se Arabia Saudite është donatori kryesor i ISIS-it! Po ashtu, përmes një aludimi, do të deklarojë edhe diçka shumë interesante me ç’rast do të radhitet në anën e turkofobëve! Deklarata kaq të rënda antiarabe e antiturke Sulejman Rexhepi kishte lëshuar edhe më herët! Ai kishte thënë se në Universitetetin e Medines prodhohen kuadro mercenarësh që marrin pjesë në luftërat kundër vlerave perëndimore dhe se ky popull nuk e meriton të quhet i tillë meqë është i pakulturuar dhe që nuk investon në ruajtjen e trashëgimive kulturore.
Megjithatë, retorika e Mulla Sulës kohëve të fundit është në kundërshtim të plotë me interesat e përgjithshme kombëtare! Mulla Sula e shanë Arabinë, në të cilën gjenden vendet më të shenjta për myslimanët e mbarë botës, flet kundër këtij populli dhe kundër këtij shteti i cili është pa dyshim më me ndikim në Lindjen e Afërt si dhe në shtetet myslimane të Afrikës. Arabia Saudite dhe Turqia janë dy shtete më mike të shqiptarëve dhe se ndikimi i tyre në rajon dhe më gjërë është i jashtëzakonshëm. Deklarata e fundit e Mulla Sulës që mundohet ta njollosë Arabinë Saudite si sponsore kryesore e ISIS-it, del e ashpër dhe e bluar guzhinave të politikave ruso-serbe. Mulla Sula flet si “shqiptaromadh” dhe me këtë vokabular sikur dëshiron t’ju bëjë karshillëk politikave gjeostrategjike të cilat i hartojnë institucionet e shteteve shqiptare, sidomos për të mirën e Kosovës. Sepse, Turqia haptazi është shprehur se është një pazmore e pathyeshme e shtetit të Kosovës porse do të jetë edhe sponsoruesja kryesore e ushtrisë së ardhshme shtetërore të Kosovës. Ndërsa Arabia Saudite pa dyshim që është gjeneratore e pranimit të shtetësisë së Kosovës nga shumë shtete myslimane në Lindjen e Afërt.
Ketë retorikë kaq të ashpër kundër Arabisë Saudite Mulla Sula e përdori sidmos pas vizitës që ia bëri Beogradit dhe, njohësit e mirë të retorikës politike thonë që, sulmet politike të një personaliteti juridik dhe publik kundër një shteti bëhen ose për të fshehur tragje të një vëprimtarie të dyfishtë nëntokësor, ose për interesa meskine me qëllim që të shkaktojë një dëm të përgjithshëm si reaksion kundër margjinalizimit që ia bën shoqëria. Në të dyja rastet mund të përfshihet Mulla Sula. Ky farë lideri sharlatan, pasi tashmë është zhytur në ekipin e fushatës kundër shtimit të njohjeve të Kosovës nga ana e shteteve, sidomos të atyre që aderojnë në Konferencën Islamike, pasi është vetëshpallur dhe imponuar si faktor me relevancë shumë të madhe kombëtare shqiptare, flet qëllimisht duke shpresuar në dëmin që mund t’ia shkaktojë Kosovës por edhe shqiptarëve në Maqedoni.
Opinioni i gjërë shqiptar, pra edhe institucionet shtetërore kombëtare, e dijnë fare mirë se jo fort larg Mulla Sula ishte përkrahësi më i madh i vehabistëve, ishte i vetmi person që fatin e karrierës së vet e la në duart e vehabistëve si dhe të selefistëve të Maqedonisë. Pas kthimit të tij nga Serbia, vizitë këtë që e kritikuan të gjitha institucionet kombëtare të shteteve shqiptare, Mulla Sula do të merret mësyshë dhe do të nisë një fushatë shumë të rëndë kundër një partneri strategjik të shteteve shqiptare, siç janë Turqia dhe Arabia Saudite. Institucionet e shteteve shqiptare nuk duhet ta lënë reagimin vetëm në kuadër të margjinalizimit dhe të tërheqjes së visë me të kuqe mbi emrin e Sulejam Rexhepit porse, publikisht, duhet të distancohen prej tij dhe t’ia bëjnë me dije se sa i rrezikshëm po bëhet për interesat nacionale shqiptare. Frustrimet e tij psikopatike si pasojë e margjinalizimit të tërësishëm dhe si pasojë e moshprehjes së besimit nga organet dhe nëpunësit e BFI-së, gjë që u vërejt edhe nga një studim mbi besueshmërinë ndaj Bashkësisë Islame në RM, të cilin e porositi Nisma për Reforma në BFI, në asnjë mënyrë nuk duhet lejuar që të shkaktojnë pasoja të rënda mbi interesat e përgjithshme kombëtare. Mulla Sulës përfundimisht duhet t’i tregohet vendi – ndonjë ent psiko-social të përshtatshëm për moshën e tretë me nevoja të veçanta mentale.

Apr 5, 2017

Shefi i NATO-s ka një mesazh për Ivanovin

Kryetari i Maqedonisë, Gjorge Ivanov ka marrë para 10 ditësh një letër jo të këndshme nga Sekretari i Përgjithshëm i NATO-s, Jens Stoltenberg, meqë ky i dyti ia tha të njëjtat fjalë sikur edhe zyrtarët e BE-së, se Ivanovi duhet respektuar kushtetutën për të mundësuar krijimin e qeverisë së re.
Në letrën e 27 Marsit, një kopje të së cilës e ka siguruar Zhurnal.mk, shefi i NATO-s, përkujton se ai në një deklaratë të 26 Shkurtit i ka ftuar “autoritetet e Shkupit për të përmbushur hapin tjetër në procesin demokratik dhe ftesën ndaj të gjitha palëve për të përmbahen nga deklaratat dhe aksionet”.
“Është tash përgjegjësi e krejt liderëve politike në Shkup për të respektuar rezultatin e procesit demokratik dhe përparojnë lehtë për formimin e një qeverie funksionale dhe efikase, të përqendruar në vazhdimin e reformave urgjente…” shkruan Stoltenberg.
Ai përkujton se në takimin e 14 marsit, vendet anëtare të NATO-s, “kanë shprehur shqetësim lidhur me situatën politike. Ato kanë ftuar të gjitha partitë që të veprojnë në përputhje me procedurat e pranuara demokratike dhe të respektojnë ligjin e rendin…”
“Duke rikujtuar këtë thirrje, unë pres nga ju zotëri kryetari dhe të gjitha autoritetet politike në Shkup që të përkrahin normat e mirë krijuara demokratike dhe ta respektojnë kushtetutën,” i shkruan Stoltenberg Ivanovit.
“I ftoj po ashtu të gjitha partitë që të përmbahen nga retorika përçarëse dhe që të evitojnë të ndezin tensionet etnike,” shkruan Sekretari i Përgjithshëm i NATO-s.
Përgjigja e Stoltenbergut, bëhet pasi që Ivanovi në fillim të Marsit dërgoi letër deri te anëtarët e BE-së; Kryetarit të Këshillit Evropian Donald Tusk, Stoltenbergut, Kryetarit të SHBA-ve Donald Trump dhe Kryetarit të Turqisë, Rexhep Taip Erdogan.
Ai në këtë letër ka shkruar ankesat e tij në lidhje me krizën aktuale politike në vend duke akuzuar partitë shqiptare që pas zgjedhjeve me 18 deputetët e tyre prej gjithsej 120 në Parlament, kinse ato e paskan thelluar edhe më tej krizën politike duke krijuar platformë shqiptare, siç thotë Ivanovi: me iniciativë të kryeministrit të Shqipërisë, Edi Rama.

NATO pret respektimin e shumicës parlamentare

Kryetari i LSDM-së, Zoran Zaev, dje u takua me shefin e NATO-s në zyrën e Maqedonisë, Gozard Bartol, me të cilin kanë biseduar për procesin e formimit të qeverisë së re dhe proceset e nevojshme reformuese që të hapet perspektiva drejt BE-së dhe NATO-s.
 Zoran Zaev në këtë takim ka theksuar se prioritet i qeverisë së re do të jetë anëtarësimi në NATO. Dhe se fokusi drejt perspektivës euro-atlantike do të sigurojë stabilitetin e Maqedonisë.
Në takim nga të dy palët është konstatuar se është me rëndësi të madhe zhvillimi demokratik i Maqedonisë dhe është shpresuar se shtetit do të kthehet drejt asaj rruge.
Aleanca e Atlantikut të Veriut pret respektimin e shumicës parlamentare. Kreu i Zyrës së NATO-s në Shkup gjithashtu tërhoqi vërejtjen për shmangien e retorikës nacionaliste dhe veprimeve që cenojnë marrëdhëniet ndëretnike.  Është përgjegjësi e të gjithë liderëve politik ta respektojë rezultatin e zgjedhjeve, në mënyrë që të gjejnë zgjidhje të shpejtë për zhbllokimin e procesit dhe shpejtë të formojnë një qeveri funksionale dhe efektive, të fokusuar në reformat urgjente prioritare, që do të punojë për të mirën e të gjithë qytetarëve. Aleanca dhe Sekretari i Përgjithshëm gjithashtu iu bënë thirrje të gjitha partive t’i japin fund retorikës përçarëse dhe të shmangin veprimet që nxisin tensionet ndëretnike – deklaroi Gorazd Bartol, kreu i zyrës së NATO-s në Shkup.  Përfaqësuesit ndërkombëtar përsëritën edhe një herë se Maqedonia duhet ti zgjidh vet problemet dhe përmbush kushtet e parashtruara nga BE dhe NATO në mënyrë që të mund të mbështetet tek to./Almakos

Strategjia e PDSH-së, Ohri2 dhe largimi i deputetëve shqiptar nga Parlamenti

Partia Demokratike Shqiptare ka në plan të propozoj strategjinë e quajtur Ohrit2, si kundërpërgjigje ndaj manifestit të VMRO-së, i cili parasheh majorizimin total të shqiptarëve, njofton agjencia e lajmeve INA.
Deputeti i PDSH-së, Bardhyl Dauti ne TV21 deklaroi se, deputetëve të partive shqiptare në pushtet duhet të largohen nga Paramenti i Maqedonisë dhe të bashkohen drejtë një marrëveshje të re politike, të quajtur Ohri2, e cila do të parasheh avansimin e statusit juridiko-kushtetues të shqiptarëve në Maqedoni.
Zëdhënësi i BDI-së, Bujar Osmani  deklaroi se kjo ide ndihmon planin e VMRO-së  për destabilizimin e vendit.
Ai tha se, BDI respekton vetëm marrëveshjet ndërkombëtare.
“Ne respektojmë vetëm marrëveshjet ndërkombëtare, siç është marrëveshja e Shkupit, dhe marrëveshja e Ohrit”, theksoi Osmani.
Ai tha se këto dy marrëveshje janë dy opsionet për zgjidhjen e krizës. (INA)

Apr 3, 2017

Tusk-Ivanovit: Derisa silleni kështu mos llogaritni me përkrahje nga BE-ja

Kryetari i Këshillit të Evropës Donald Tusk pas takimit me presidentin Ivanov është shprehur se Maqedonia s’ka alternativë tjetër përpos BE-së dhe zgjidhjen nga kriza politike do të duhet ta gjejë vetë Maqedonia.

“Vij me një porosi të fuqishme nga liderët dhe institucionet e BE-së, perspektiva juaj është e padyshimtë. Ju mbetet juve që të gjeni zgjidhjen për krizën politike të bazuar në demokraci. Vetëm një zgjidhje e tillë do të jetë e qëndrueshme”, është shprehur Tusk.
Njeriu i parë i BE-së ka falënderuar Ivanovin për ndihmën që ofroi Maqedonia në krizën e refugjatëve, dhe në fund i ka bërë me dije se nuk do ta ketë mbështetjen e BE-së derisa të gjendet zgjidhja e duhur për kalimin e krizës politike.
“Kur ta gjeni zgjidhjen (për zhbllokim të proceseve demokratike, v.j.) do të mund të konsideroni në mbështetjen tonë,” është shprehur Tusk.

Kryetari i PDSH-së z.Menduh Thaçi priti në takim Ambasadoren e Gjermanisë, Kristine Althauser

Kryetari i Partisë Demokratike Shqiptare (PDSH), Menduh Thaçi sot në selinë e partisë në Tetovë realizoi takim me Ambasadoren e Gjermanisë në vend, Kristine Althauser.
Në takim u bisedua për situatën aktuale, marrëdhëniet ndëretnike, si dhe pikëpamjet e PDSH-së për daljen nga kriza politike dhe përshpejtimin e procesit të integrimit euro-atlantik.
Kryetari Thaçi shprehu brengosjen për marrëdhëniet e brishta ndëretnike, situatën ekonomike si dhe për ngecjen e proceseve integruese, duke vlerësuar se përfitimet e partive nga politika ditore kanë devijuar tërësisht rrugën e integrimeve euro-atlantike të vendit, si dhe kanë acaruar marrëdhëniet ndëretnike.
Kryetari Thaçi konstatoi se në Maqedoni vazhdon avazi i vjetër i cenimi të të drejtave kolektive të shqiptarëve që në masë të madhe rrëndon akoma më shumë situatën veç më të përkeqësuar politike./Ditari.mk/