Translate

Thursday, November 30, 2017

Muhamedi a.s. reformatori më i madh i njerëzimit

“Dhe, Ne (o Muhamed) ta kemi ngritur lartë famën tënde.”(Kuran;94:4)
Dita e Mevludit ( ditëlindjes së Muhamedit a.s) është ditë më madhështore e botës Islame, por gjithashtu për mbarë njerëzimin! Lindje kjo që fillimisht orientoi njeriun drejt një besimi të vërtet dhe të pastër në Krijuesin e botërave, Allahun Fuqiplotë! Ajo konsiderohet pikënisje e ndryshimeve në aspektin e reformimit të shoqërisë, riorganizimit dhe ndërtimit të vlerave pozitive, tolerancës ndërshoqërore dhe respekti ndaj atij që mendon ndryshe. Lindja e tij largoi injorancën duke i hartuar konceptin e dijes, shkencës, ngritjes dhe zhvillimit shoqëror. Muhamedi a.s ishte dhe do të mbetet emri, vepra, morali, krenaria, reformatori më i madh i njerëzimit. Ai mbjelli themelet e drejtësisë, moralit, konceptin e së mirës duke penguar dhunën, padrejtësin, të keqen dhe zullumin në shoqëri.
Na qoftë për hajr ditëlindja e Muhamedit a.s!
H. Ibrahim ef. Shabani
Kryetar i Nismës për Reforma në BFI e RM

Tuesday, November 28, 2017

URIME FESTA E FLAMURIT

"Jemi një popull me tre fe, por na bashkon një gjuhë, një gjak dhe një atdhe".
Dita e shpalljes së pavarësisë 28 Nëntori, është një ndër ditët më të ndritshme dhe ndër më të mëdhatë të rilindjes sonë kombëtare, në gjithë historinë tonë. Liria e arritur, është vlera dhe pasuria më e çmuar e shoqërisë njerëzore e cila nuk falet e as dhurohet, por fitohet me shumë punë e përpjekje, gjak dhe vuajtje brezash, ndaj heronjtë dhe dëshmorët shqiptarë me heroizmin e tyre u bën pasuri kombëtare dhe janë më meritorët, për gjatë gjithë historisë për të tashmen dhe të ardhmen e kombit tonë.
Shpallja e pavarësisë së Shqipërisë, është ndër datat më kryesore të lirisë të kombit shqiptarë e cila pas një periudhe mjaft të gjatë nuk shuajti shpresat tona për të arritur në krijimin e dy shteteve tanimë të pavarura.
Ndaj edhe me shumë të drejtë, të gjithë shqiptarët e të gjitha trojeve etnike, e festojnë me krenari 28 Nëntorin, Festën e Pavarësisë si Ditëlindjen e kombit, këtë ditë të nderimit dhe mirënjohjes së pakufishme ndaj të gjithë atyre që bën gjithçka mundën për kombin, të cilët dhanë edhe jetën për arritjen e lirisë dhe pavarësisë.
Ne festojmë dhe kremtojmë këtë datë historike, edhe me shpresën tonë të madhe për rishikim të padrejtësive ndaj shqiptarëve dhe aktualizimin e kërkesës sonë të drejtë, që festat e ardhshme ti festojmë si Komb i Bashkuar.
Krenari kombëtare që nuk shuhet kurrë,ajo eshte e ndezur dhe jeton ne cdo zemer shqiptare,ndaj dhe flamuri yne kombetar,valon i lire dhe do te valoje perhere,ne token tone arberore,por dhe kudo ku gjindet shqiptari.Flamuri kombetar eshte i pranishem ,ne te gjitha gezimet tona familjare dhe ne cdo feste shqiptare.E kemi per nder e krenari ,qe jemi shqiptare dhe kemi pse krenohemi,per historine tone te lavdishme shekullore.
Urime edhe një herë të gjithë shqiptarëve 28 Nëntorin,i cili siç na bashkon në festë, urojmë të na bashkojë edhe në një shtet,pavarësia e të cilit atëbotë ishte shpallur si tërësi për të gjitha trojet tona të pastra etnike.
Me rastin e 28 Nëntorit, Festës së Flamurit, Ju shpreh urimet e mia të përzemërta.
Dita e 28 Nëntorit është Ditë e Flamurit dhe e Pavarësisë shqiptare, e cila u përgjysmua.
- Dita e Flamurit,
- Dita e Pavarësisë së Shqipërisë,
- Ditëlindja e Heroit Adem Jashari, le të na bashkojë në realizimin e aspiratës sonë shekullore në evitimin e padrejtësive shekullote të ushtruara ndaj nesh si popull shqiptar
Jemi një popull me tre fe, por na bashkon një gjuhë, një gjak dhe një atdhe.
Urime për shumë vite 28 Nëntori
Respekte:
Kryetar për Reforma në BFI e RM
Haxhi Ibrahim ef. Shabani

Friday, November 3, 2017

AZEM SADIKI ME FAQEBARDHËSI VAZHDON MANDATIN

Edhe oficialisht nga Komisioni Komunal Zgjedhor me vendimin e qytetarëve të Komunës së Studeniçanit e fillova mandatin e ri 2017-2021. Zoti i Lartëmadhëruar na ndihmoftë.
Falemnderit popull i Karshiakës.
Vazhdojmë faqebardhë dhe vetëm drejt. Në vazhdim ju sjellim gjithashtu edhe foto nga vizitat që po i bëhen Azem Sadkit nga qytetarët e Komunës së Studenicanit.


 



Tuesday, October 10, 2017

A do të aktivizojë Spanja “nenin 155” për Kataluninë?

Një det me bluza të bardha të shtunën (07.10) në Barcelonë. Ky ishte simboli i paqes në sheshin Plaça Sant Jaume në qendër të Barcelonës.
Mijëra vetë iu bashkuan një thirrjeje anonime për protestë. Qëllimi i protestuesve ishte që të dyja palët si kryeministri, Mariano Rajoy dhe presidenti i Katalonjës, Carles Puigdemont të zhvillojnë dialog mes tyre.
“Të dyja palët duhet të ulen me njëra-tjetrën dhe të bisedojnë, kështu nuk vazhdohet më“, u shpreh një protestues. Ndërsa një tjetër thekson, se “sikur të kisha parë një flamur katalonas apo spanjoll do të isha larguar menjëherë”.
Vetëm flamuj të bardhë shiheshin në protestë me mbishkrime: “Na lini të flasim”. Një protestuese e re u shpreh se “kjo është një lëvizje popullore, dhe jo partiake”.
Shumë vetë janë të shqetësuar se çfarë do të ndodhë, nëse presidenti Puigdemont të martën shpall pavarësinë.
A do të aktivizojë Spanja nenin 155 dhe do t’i heqë autonominë Katalunisë? Si do të reagojnë përkrahësit e separatistëve? Do të ketë dhunë?
Të gjitha këto janë shqetësimet e pjesës tjetër të katalonasve, krahas separatistëve.

Në emër të "Besës" për mashtrime të mëdha klasike

Pa'besa dhe mashtrimi i madhe që ju bëhet qytetarëve Kumanovarë në emër të së drejtës dhe vlerave kombëtare nuk kanë fund. Vallë, edhe për të satën herë Kumanova dhe qytetarët e saj duhet të jenë pjesë e çdo testi dhe manipulimi?! Tani me këta qytetarë mundohet të manipulon ashiqare Lëvizja Besa përmes strukturës së saj. Pikërisht këta mundohen t'ua fshijnë kujtesën kolektive qytetareske dhe ti detyrojnë qytetarët të mendojnë se këta janë parti e re politike si dhe për herë të parë marrin pjesë në zgjedhje lokale, andaj qytetarët Kumanovarë detyrimisht duhet t'i përkrahin pavarësisht çka ofrojnë edhe nëse nuk e realizojnë. Kjo i ngjanë fjalës së "hoxhallarëve": "Mos na kshyrni se çka bëjmë e si veprojmë, por ndëgjoni çka ju flasim". Kjo sjellje flet se kjo strukturë e degës në Kumanovë ka hile të mëdha dhe është mashtimi i rradhës që u servohet qytetarëve në emër të Besës. Kjo struktur dikur ishin që të gjithë në BDI për 15 vite në të gjitha ciklet zgjedhore, arritën të marrin gjithçka dhe asnjëherë të mos bëjnë asgjë përpos që vrasin, mashtrojnë dhe grabisin popullin. Nuk ju pengoj as një rastë apo proces i montuar politik kundër popullit të vet, burgosja dhe nëpërkëmbja e nderit të familjes shqiptare, andaj sot dalin me listë për këshilltar komunal pa fije turpi. Një nga ata është Florim Ymeri me detyrë si policë kufitar i dënuar me burg për mitmarrje tashë në liri me kushtë. Kjo është pa besa që ju bëhet Kumanovarëve me një metodë më ndryshe përmes njerzëve që u kanë marr 'haraç' vëllezërve tanë gurbetçarë. Ky korrupsion duhet të vazhdon tani edhe në kshillin komunal, andaj përpjekja e ndrimit të partive politike është mashtrim i ri për këta qytetarë që po sprovohen vazhdimisht. Për këta njerëz vlen proverba popullore: "Ujku qimen e ndryshon, por zanatin nuk e harron". Turp për këta që thirren në emër të Besës për një pa besë të re./sotinfo/

Sunday, September 24, 2017

MULLA SULA SI NJË ZEVZEK I HUTUAR

I xhindosur deri në çmendi, Mulla Sula sillet tamam si Ivica Daçiqi gjatë Ansamblesë së këtoditshme të Kombëve të Bashkuara, tek i afrohet Presidentit Amerikan, Donald Trampit për një nënshkrim. Sa për të dëshmuar se amerika është me Daçiqin, apo!!!
Zevzeku, Mulla Sula i xhindosur, dy gurë bashk nuk i lë vetëm e vetëm për të dekoruar figura politike që kanë sado pak ndikim në organet e gjyqësorit e që do ta shpëtojnë nga një sërë procedurash gjyqësore të cilat në kushte normale do ta mbyllnin në biruc që moti!
Mulla Sula thotë që së shpejti do t’ia japë dekoratën Kryetarit të Parlamentit, Talat Xhaferit, edhe atë gjatë inagurimit të objektit të ri të Medresesë për femra në Gostivar. Natyrisht që aty z. Talat Xhaferi do të shkojë dhe do ta marrë atë dekoratë. Do të shkojë për shkak se do të jetë në fushatë ku do ta ndihmojë mikun e vet për kryetar të Gostivarit, Nevzat Bejtën, në të cilën fushatë me dy këmbë është futur edhe Mulla Sula, kurse do ta marrë atë shpërblim sepse i duhet për satisfakcion moral. Qëllimi i refuzimit në akademinë solemne u arrit! Z. Xhaferi nuk deshti që të bëjë dëm politik, kurse efektin politik do ta arrijë tek kur do ta marrë dekoratën me rastin e inagurimit të Medresesë.
Mulla Sula kahdo që të sillet, kunxhin e ka pas vete. Kot e ka, nuk mund t’i shpëtojë, sepse është futur në vorbullën politike ku kunxhi ta ndjekë gjithnjë pas, derisa ta mbështesë mirë për muri të vorbullës.
Por assesi nuk mund ta justifikojë motivacionin e këtij dekorimi siç nuk mund ta mohojë as aktivitetin propagandistik të “Skopsko Pivo”. Kryetari i Kuvendit nuk do të dekorohet publikisht, në një akademi solemne nga një individ kundër të cilit ka të ngritur procese gjyqësore për vepra kriminale, por, Kryetari i Kuvendit mund ta pranojë një “dekoratë” qoftë kjo edhe me titullin “Myfti Vebi Dibra” nga një njeri i cili kësisoj mundohet që t’i fsheh gjurmët e veprimtarisë së vet prej krimineli ordiner. Devalvim total i dekoratës, i dekoruesit dhe i të dekoruarit!

VELIJAJ: SHEFI I PROKURIMIT NË MPB KËRKOI 100 MIJË EURO PËR SHTIMIN E FAQEVE TË PASAPORTËS

Secila kërkesë e përfaqësuesve të kompanisë austriake, OeSD realizohej nga zyrtarët e Ministrisë së Punëve të Brendshme. Sipas Natali Velijajt, kjo bëhej në këmbim të ryshfetit. Mes tjerash përmend një yll të mistershëm në pasaportat e Kosovës që ishte futur jashtë marrëveshjes së dizajnit. Për pranimin e pasaportave, austriakët sipas Velijajt kishin paguar 7 mijë euro ryshfet. Ajo thotë se EULEX-i kishte larguar nga rasti prokuroren Drita Hajdari kur ajo kishte nisur të hetonte austriakët dhe shoferin e Kadri Veselit, Bashkim Shalën.

Një grup punues kishte përcaktuar dizajnin e pasaportave biometrike të Kosovës. Detajet e saj dhe shenjat e sigurisë nuk vërehen me sy.
Por, një kontingjent pasaportash me një yll në kartën e të dhënave ishte sjell nga kompania austriake OeSD. Natali Velijaj, ua kishte tërhequr vërejtjen austriakëve për këtë detaj që nuk ishte i miratuar në grupin punues në të cilin ishin pjesëmarrës, Blerim Rexha, Blerim Camaj, Bekm Hoxha, etj.
Austriakët sipas Velijajt, kishin zgjedhur mënyrë tjetër që këto pasaporta të pranoheshin – ryshfetin.
Për secilin furnizim që nuk ishte i paraparë me kontratë, austriakët sipas Velijajt u jepnin ryshfet zyrtarëve të Ministrisë së Punëve të Brendshme. Një kontingjent prej pesë mijë kopjesh të pasaportave i kishte sjellë kompania në Kosovë. Ato pasaporta do t’u shpërndaheshin ambasadave të huaja, pikave doganore, shteteve të tjera për t’i njoftuar me dukjen dhe përmbajtjen.
Pjesa e mbetur duhej të shkatërrohej. Por, edhe për këtë ishin kujdesur austriakët: jepnin ryshfet që asgjë të mos u shkonte dëm atyre.
Në pjesën e tretë dhe të fundit të intervistës, Natali Velijaj ka folur për detaje teknike të menaxhimit të kontratës dhe furnizimit me pasaporta.
Kërkesat e austriakëve plotësoheshin gjithmonë
Velijaj zbulon tendencat për rritjen e numrit të faqeve të pasaportave në këmbim të ryshfetit, deri tek përfshirja e Ministrisë së Punëve të Brendshme në kontrabandë për llogari të kompanisë OeSD.
Mes tjerash, ajo shpjegon se si ishte bërë pranimi i makinave që mund të prodhonin vetëm 2 mijë e 500 pasaporta për tetë orë punë e jo 3 mijë e 700 siç parashihej me kontratë.
Bile, MPB-ja kishte lejuar që edhe dy makinat rezervë të mos silleshin fare. Krejt këto në këmbim të ryshfeteve.
Ajo tregon se në gjithë Ministrinë ka pasur kamera, pos në zyrën e Besnik Berishës dhe Bekim Hoxhës. Aty, madje nuk ka mundur askush të futet me telefon.
Ajo thotë se për t’i pranuar pasaportat me yll, austriakët ua kanë dhënë zyrtarëve të MPB-së, 7 mijë euro ryshfet. Këto para thotë se i kanë marrë Besnik Berisha, Abedin Mehmeti dhe Arben Osmani. “Unë vetë ia kom dhanë 7 mijë euro në zyrën e Besnikut”, shton ajo.
Velijaj përmend një detaj tjetër të një pagese të austriakëve për firmën e Bujar Canollit, e hapur dy ditë para deponimit të 150 mijë eurove.
“Prej atyre 150 mijë eurove, 80 mijë euro ia kom dhanë Besnik Berishës në Ministri të Punëve të Brendshme. Me mua ka qenë Bujar Canolli”, thotë ajo.
Ajo tregon se si importi i pasaportave fillimisht kishte shkuar në emër të Ministrisë së Punëve të Brendshme. Tregon se për dhjetë ditë ishte bllokuar kamioni me pasaporta në Kullë.
“Shoferi ka qenë kroat. 10 ditë kërkush nuk e ka hapë kamionin në terminal. Është dashur të ndërrohen dokumentet nga emri i MPB-së në emër të ‘Constalking EU’. Kamioni është lëshuar pasi është paguar dogana dhe TVSH-ja.
Përfshirja e MPB-së në kontrabandë për llogari të kompanisë austriake ishte konfirmuar edhe nga raporti i Auditorit Gjeneral të Kosovës.
Ministria e Punëve të Brendshme kishte regjistruar tatimin mbi vlerën e shtuar (TVSH) për pasaportat biometrike dhe pajisjet tjera të sjella në Kosovë nga kompania austriake, ani pse me kontratë obligohej ta bënte kompania OeSD.
Neni 16 i kontratës parasheh një gjë të tillë.
Raporti i Auditorit Gjeneral