Oct 10, 2017

A do të aktivizojë Spanja “nenin 155” për Kataluninë?

Një det me bluza të bardha të shtunën (07.10) në Barcelonë. Ky ishte simboli i paqes në sheshin Plaça Sant Jaume në qendër të Barcelonës.
Mijëra vetë iu bashkuan një thirrjeje anonime për protestë. Qëllimi i protestuesve ishte që të dyja palët si kryeministri, Mariano Rajoy dhe presidenti i Katalonjës, Carles Puigdemont të zhvillojnë dialog mes tyre.
“Të dyja palët duhet të ulen me njëra-tjetrën dhe të bisedojnë, kështu nuk vazhdohet më“, u shpreh një protestues. Ndërsa një tjetër thekson, se “sikur të kisha parë një flamur katalonas apo spanjoll do të isha larguar menjëherë”.
Vetëm flamuj të bardhë shiheshin në protestë me mbishkrime: “Na lini të flasim”. Një protestuese e re u shpreh se “kjo është një lëvizje popullore, dhe jo partiake”.
Shumë vetë janë të shqetësuar se çfarë do të ndodhë, nëse presidenti Puigdemont të martën shpall pavarësinë.
A do të aktivizojë Spanja nenin 155 dhe do t’i heqë autonominë Katalunisë? Si do të reagojnë përkrahësit e separatistëve? Do të ketë dhunë?
Të gjitha këto janë shqetësimet e pjesës tjetër të katalonasve, krahas separatistëve.

Në emër të "Besës" për mashtrime të mëdha klasike

Pa'besa dhe mashtrimi i madhe që ju bëhet qytetarëve Kumanovarë në emër të së drejtës dhe vlerave kombëtare nuk kanë fund. Vallë, edhe për të satën herë Kumanova dhe qytetarët e saj duhet të jenë pjesë e çdo testi dhe manipulimi?! Tani me këta qytetarë mundohet të manipulon ashiqare Lëvizja Besa përmes strukturës së saj. Pikërisht këta mundohen t'ua fshijnë kujtesën kolektive qytetareske dhe ti detyrojnë qytetarët të mendojnë se këta janë parti e re politike si dhe për herë të parë marrin pjesë në zgjedhje lokale, andaj qytetarët Kumanovarë detyrimisht duhet t'i përkrahin pavarësisht çka ofrojnë edhe nëse nuk e realizojnë. Kjo i ngjanë fjalës së "hoxhallarëve": "Mos na kshyrni se çka bëjmë e si veprojmë, por ndëgjoni çka ju flasim". Kjo sjellje flet se kjo strukturë e degës në Kumanovë ka hile të mëdha dhe është mashtimi i rradhës që u servohet qytetarëve në emër të Besës. Kjo struktur dikur ishin që të gjithë në BDI për 15 vite në të gjitha ciklet zgjedhore, arritën të marrin gjithçka dhe asnjëherë të mos bëjnë asgjë përpos që vrasin, mashtrojnë dhe grabisin popullin. Nuk ju pengoj as një rastë apo proces i montuar politik kundër popullit të vet, burgosja dhe nëpërkëmbja e nderit të familjes shqiptare, andaj sot dalin me listë për këshilltar komunal pa fije turpi. Një nga ata është Florim Ymeri me detyrë si policë kufitar i dënuar me burg për mitmarrje tashë në liri me kushtë. Kjo është pa besa që ju bëhet Kumanovarëve me një metodë më ndryshe përmes njerzëve që u kanë marr 'haraç' vëllezërve tanë gurbetçarë. Ky korrupsion duhet të vazhdon tani edhe në kshillin komunal, andaj përpjekja e ndrimit të partive politike është mashtrim i ri për këta qytetarë që po sprovohen vazhdimisht. Për këta njerëz vlen proverba popullore: "Ujku qimen e ndryshon, por zanatin nuk e harron". Turp për këta që thirren në emër të Besës për një pa besë të re./sotinfo/

Sep 24, 2017

VELIJAJ: SHEFI I PROKURIMIT NË MPB KËRKOI 100 MIJË EURO PËR SHTIMIN E FAQEVE TË PASAPORTËS

Por, një kontingjent pasaportash me një yll në kartën e të dhënave ishte sjell nga kompania austriake OeSD. Natali Velijaj, ua kishte tërhequr vërejtjen austriakëve për këtë detaj që nuk ishte i miratuar në grupin punues në të cilin ishin pjesëmarrës, Blerim Rexha, Blerim Camaj, Bekm Hoxha, etj.
Austriakët sipas Velijajt, kishin zgjedhur mënyrë tjetër që këto pasaporta të pranoheshin – ryshfetin.
Për secilin furnizim që nuk ishte i paraparë me kontratë, austriakët sipas Velijajt u jepnin ryshfet zyrtarëve të Ministrisë së Punëve të Brendshme. Një kontingjent prej pesë mijë kopjesh të pasaportave i kishte sjellë kompania në Kosovë. Ato pasaporta do t’u shpërndaheshin ambasadave të huaja, pikave doganore, shteteve të tjera për t’i njoftuar me dukjen dhe përmbajtjen.
Pjesa e mbetur duhej të shkatërrohej. Por, edhe për këtë ishin kujdesur austriakët: jepnin ryshfet që asgjë të mos u shkonte dëm atyre.
Në pjesën e tretë dhe të fundit të intervistës, Natali Velijaj ka folur për detaje teknike të menaxhimit të kontratës dhe furnizimit me pasaporta.
Kërkesat e austriakëve plotësoheshin gjithmonë
Velijaj zbulon tendencat për rritjen e numrit të faqeve të pasaportave në këmbim të ryshfetit, deri tek përfshirja e Ministrisë së Punëve të Brendshme në kontrabandë për llogari të kompanisë OeSD.
Mes tjerash, ajo shpjegon se si ishte bërë pranimi i makinave që mund të prodhonin vetëm 2 mijë e 500 pasaporta për tetë orë punë e jo 3 mijë e 700 siç parashihej me kontratë.
Bile, MPB-ja kishte lejuar që edhe dy makinat rezervë të mos silleshin fare. Krejt këto në këmbim të ryshfeteve.
Ajo tregon se në gjithë Ministrinë ka pasur kamera, pos në zyrën e Besnik Berishës dhe Bekim Hoxhës. Aty, madje nuk ka mundur askush të futet me telefon.
Ajo thotë se për t’i pranuar pasaportat me yll, austriakët ua kanë dhënë zyrtarëve të MPB-së, 7 mijë euro ryshfet. Këto para thotë se i kanë marrë Besnik Berisha, Abedin Mehmeti dhe Arben Osmani. “Unë vetë ia kom dhanë 7 mijë euro në zyrën e Besnikut”, shton ajo.
Velijaj përmend një detaj tjetër të një pagese të austriakëve për firmën e Bujar Canollit, e hapur dy ditë para deponimit të 150 mijë eurove.
“Prej atyre 150 mijë eurove, 80 mijë euro ia kom dhanë Besnik Berishës në Ministri të Punëve të Brendshme. Me mua ka qenë Bujar Canolli”, thotë ajo.
Ajo tregon se si importi i pasaportave fillimisht kishte shkuar në emër të Ministrisë së Punëve të Brendshme. Tregon se për dhjetë ditë ishte bllokuar kamioni me pasaporta në Kullë.
“Shoferi ka qenë kroat. 10 ditë kërkush nuk e ka hapë kamionin në terminal. Është dashur të ndërrohen dokumentet nga emri i MPB-së në emër të ‘Constalking EU’. Kamioni është lëshuar pasi është paguar dogana dhe TVSH-ja.
Përfshirja e MPB-së në kontrabandë për llogari të kompanisë austriake ishte konfirmuar edhe nga raporti i Auditorit Gjeneral të Kosovës.
Ministria e Punëve të Brendshme kishte regjistruar tatimin mbi vlerën e shtuar (TVSH) për pasaportat biometrike dhe pajisjet tjera të sjella në Kosovë nga kompania austriake, ani pse me kontratë obligohej ta bënte kompania OeSD.
Neni 16 i kontratës parasheh një gjë të tillë.
Raporti i Auditorit Gjeneral  

Sep 17, 2017

Qeveria: Të gjitha institucionet shtetërore të garantojnë zgjedhje të lira dhe korrekte

Në prag të Zgjedhjeve Lokale 2017, Qeveria në seancën e saj të 26-të solli deklaratë për angazhime për zgjedhje të lira dhe korrekte dhe i mbështet parimet bazë që kanë të bëjnë me të drejtën e çdo qytetari të Republikës së Maqedonisë për të marrë pjesë në kryerjen e funksioneve publike, në mënyrë të drejtpërdrejtë ose jo të drejtpërdrejtë, përmes përfaqësuesve të përzgjedhur në mënyrë të lirë, për të votuar në zgjedhjet me votim të fshehtë dhe të kenë mundësi të barabartë për t’i nxjerrë qëndrimet e tyre politike.
Qeveria, gjithashtu, miratoi Udhëzim për mënyrën e veprimit të ministrive, organeve tjera të administratës shtetërore dhe organizatat administrative, si dhe Udhëzim për ndalesën e shfrytëzimit të sendeve të tundshme dhe të patundshme në pronësi shtetërore gjatë procesit zgjedhor, kumtoi shërbimi qeveritar për media.
Me këto udhëzime konfirmohen drejtimet për mënyrën e veprimit të ministrive, organeve tjera të administratës shtetërore dhe organeve drejtuese të funksionarëve të cilët udhëheqin me organet shtetërore, si dhe të të punësuarve në organet shtetërore gjatë zbatimit të zgjedhjeve parlamentare, presidenciale dhe lokale nga dita e shpalljes së tyre dhe gjatë procesit zgjedhor, si dhe drejtimet për mënyrën e veprimit të ministrive, organeve tjera të administratës shtetërore dhe organizatave drejtuese në lidhje me shfrytëzimin e sendeve të tundshme dhe të patundshme në pronësi shtetërore gjatë procesit zgjedhor.
“Vendosja dhe përforcimi i proceseve dhe institucioneve demokratike është përgjegjësi e përbashkët e Qeverisë, qytetarëve dhe partive politike, se zgjedhjet e lira, korrekte dhe demokratike janë faktori kyç për gëzimin efektiv të të gjitha të drejtave dhe lirive të njeriut”.
Qeveria iu bëri thirrje të gjitha organeve dhe administratës shtetërore t’i ndërmarrin të gjitha masat e nevojshme ligjore, si dhe hapat politike dhe institucionale për t’ua garantuar të drejtën e pacenueshme zgjedhore secilit qytetar.
Me Deklaratën e sjellë, Qeveria, iu bëri thirrje edhe të punësuarve në organet e administratës shtetërore të paraqesin raste eventuale të presionit deri te organet shtetërore dhe nëse konfirmohet keqpërdorim, do të ndërmerren masa të duhura.
Me këtë, Qeveria e Republikës së Maqedonisë angazhohet se do të veprojë me vendosmëri dhe në mënyrë të palëkundshme në promovimin dhe zbatimin e kapitujve demokratikë gjatë procesit të zgjedhjeve, thuhet në kumtesën nga shërbimi qeveritar për mediat.

Kriza në Myanmar: Kombet e Bashkuara japin shansin e fundit

ung San Suu Kyi si lider de fakto i Myanrmar ka shansin e fundit që të ndalojë ofensivat ushtarake.
Kjo është mundësia e fundit që i është dhënë këtij shteti pas detyrimit që ju është bërë mijëra njerëzve, kryesisht, myslimanë Rohingya, që ta lëshojnë shtetin, shkruan BBC.
Antonio Guterres ka thënë për BBC që nuk do të ndrynin tash “tragjedia do të ishte absolutisht katastrafike”.
Kombet e Bashkuara kanë paralajmëruar se ofensiva mund të arrij deri në spastrim etnik.
Në anën tjetër Muanmar ka thënë se po i kundërpërgjigjet sulmit vdekjeprurës të muajit të shkuar dhe se civilit nuk janë cak.

Aug 16, 2017

Selfisti, Grubi kandidat për tu bërë i pari i "Shkupit"

Artan Grubi, deputeti dhe shefi i kabinetit të kryetarit të BDI-së, Ali Ahmeti sërish pritet ti hyjë garës për zgjedhjet lokale. Burime partiake nuk përjashtojnë që Grubi të rikandidohet për Qytetin e Shkupit, pasi që ai ishte kandidat edhe në zgjedhjet e kaluara lokale.
“Po nuk përjashtohet mundësia e rikandidimit, pasi që arriti të sigurojë një numër të madh të votave. Por është Ali Ahmeti ai që më në fund do të vendos për çdo kandidaturë, ndërsa është e qartë se do të shkohet në garë me figura të reja partiake”, theksuan për Ina, burime partiake pranë BDI.
Grubi në zgjedhjet lokale katër vite më parë arriti të fitojë rreth 40 mijë vota në Qytetin e Shkupit. Ai ishte edhe ndër më të votuarit në BDI në këtë cikël zgjedhor.

Qeveria vendosi për: tarifa e lirë e rrymës, dy ndërrime në çerdhe dhe kuzhina popullore

Qeveria në mbledhjen e fundit të mbajtur deri në orët e vona të natës ka miratuar disa vendime të rëndësishme, informon INA.
Gjatë shqyrtimit të raportit vjetor të punës së Komisionit Rregullator për Energjetikë, ndërsa  theksua se Ligji për zbatimin e tarifës së lirë për furnizim me energji elektrike duhet të jetë ndër ligjet prioritare dhe se për këtë siç u nënvizua nuk ka pengesa për zbatim.
Gjatë mbledhjes qeveritare u shqyrtua informata për aplikimin e ndërrimit të dytë në institucionet publike për fëmijë – çerdhet për fëmijë në Maqedoni. Për këtë propozim, Qeveria angazhoi Ministrinë e Punës dhe Politikës Sociale që të kërkojë mendime nga të gjitha palët që tangojnë këto institucione.
Qeveria vendosi edhe për projektin hapja e kuzhinave popullore që të zgjerohet në shumë komuna, të cilat duhet të angazhohen në implementimin e këtij projekti.(INA)