Jul 24, 2017

Eko-vetëdija: Ka raste kur Qeveria i mbyllte sytë, por “Jugohromi” nuk duhet të fillojë me punë pa vendosur filtrat

Eko- vetëdija në takimin me gazetarët të mbajtur sot ( e hënë), ceku disa nga pikat shqetësuese në të cilat duhet të fokusohet Qeveria e re, pika të cilat janë përfshirë në dokumentin për reforma urgjente të përgatitur nga organizatat jo-qeveritare, i quajtur “ Blueprint”, shkruan Almakos.
Në këtë dokument janë cekur, ndotja e ajrit, mbrojtja e natyrës, industria, planifikimi në sektorin energjetik, zbatimi i standardeve për mjedis jetësor për kapacitete energjetike, pjesëmarrja e opinionit në sjelljen e planeve dhe vendimeve në sferën e energjetikës dhe jo vetëm.
Ndërkaq u kërkua edhe dislokimi i lindanit nga rrethina e fabrikës Ohis.
Të pyetur nëse në dokument është cekur edhe ndonjë propozim-zgjidhje për problematikën me “ Jugohromin”, i cili ngulfat tetovarët tashmë një kohë të gjatë, Ana Çoloviq Leshoska, drejtoreshë ekzekutive në Eko- vetëdija, tha se në disa raste merren masa, mirëpo në disa raste Qeveria i mbyll sytë.
“ Në industri përgatiten plane cilat duhet të zbatohen para se industria të fillojë më punë, apo që të vazhdojë me punë, në rastin e “ Jugohrom-it” është vendosja e filtrave, siç ishte rast i njejtë edhe më disa fabrika të tjera. Mirëpo, në disa raste procesi vazhdon dhe i kanë vendosur filtrate e kanë vazhduar me punë, e në disa raste të tjera, Qeveria i mbyll sytë, si në rastin me “ Jugohrom”, apo “ Rek Bitola” e të tjera. Ne si organizata kemi qëndrim të prerë, se para se “ Jugohrom” të fillojë me punë, duhet të vendosë filtrat.”- tha Ana Çoloviq Leshoska, drejtoreshë ekzekutive në Eko-vetëdija.
Kordinatorja e projektit, Nevena Smilevska, u përqëndrua në pjesën e energjitikës. Ajo porositi se një nga problemet është që kemi siguri mjaft të ulët energjetike sepse plotësisht jemi të varur nga thëngjilli, përkatësisht, tha ajo, 80 për qind të rrymës e fitojmë nga ajo lëndë e parë të cilën e kemi për 30 vitet në vijim dhe, sipas të cilës, nuk është opsion i qëndrueshëm dhe nuk është me prioritetet e BE-së.
“BE-ja planifikon ta dekarbonizojë ekonominë nga derivate fosile tërësisht apo rreth 95 për qind deri në vitin 2050. Lidhur me pçlanifikimin e sektorit energjetik kërkojmë edhe rokahëzim të idesë ku duhet të zhvillohet sektori energjetik duke pasur parasysh atë që strategjia për energjetikë ende nuk është miratuar. Zbatimi i standardeve për mjedis jetësor për kapacitetet energjetike është një ndër prioritetet e larta, ndërsa ajo është shpallja e tenderit për furnizim të sistemit për desulfurizim të REK “Bitola'”, theksoi Smilevska.
Ndërkohë Elena Nikollovska, nga Eko-vetëdija, tha se problem shumë shqetësues është përballja me ndotjen e ajrit. Pikërisht në ndotjen e ajrit ndikojnë edhe deponitë e egra dhe jo vetëm , numri i të cilave arrin në rreth 1000 në vendin tonë, e në të cilat shpesh ka edhe zjarre siç ndodhi me atë në Strugë. Të pyetur se çfarë kanë si propozim për zgjidhjen afatgjatë të kësaj çështje, morëm këtë përgjigje:
“ Vërtet tashmë punohet në këtë aspekt, pra për zgjidhjen e çështjes së deponive, ndoshta shoqëria nuk është mjaftueshëm e informuar. Nga ana tjetër ajo që mund të bëhet menjëherë në lidhje me deponitë është që, pa marrë parasysh a bëhet fjalë për të egër ose jo, masat e menaxhimit për të njejtat të ndërmerren nga komunat, sigurisht në pjesët ku kanë hapësirë edhe pse ne e shikojmë se kapaciteti për masat më të mëdha është shumë i ulët.Besoj se më zjarrin në deponinë në Strugë shoqëria është vetdijësuar edhe më shumë për ndikimin negative që kanë dëponitë në mjedisin jetësorë”- tha Ana Çoloviq Leshoska, drejtoreshë ekzekutive në Eko-vetëdija.

Jul 22, 2017

U nisën për aheng familjar, kthehen mbrapsht udhëtarët nga Maqedonia

Në 13 korrik policia kufitare gjermane ka kontrolluar një autobus me targa të Maqedonisë në magjistralen A8, pranë vendit të quajtur Schwarzbach. 16 prej udhëtarëve të ndodhur në autobus nuk kishin dokumentacion të nevojshëm, andaj ata janë kthyer mbrapsht në Austri. Ata ishin nisur gjëja për në një aheng familjar.
Një pretekst tjetër i policisë gjermane ishte se asnjëri nga udhëtarët nuk i ishte përgjigjur saktë se ku ndodhej dasma familjare./Bota sot

Jul 20, 2017

Filluan punimet në rrugën kryesore në Studeniçan

Komuna e Studeniçanit, po zhvillonë punime intensive në zhvillimin e infrastrukturës lokale.
Kryetari i Komunës së Studeniçanit Azem Sadiku, në profilin zyrtarë në facebook ju ka bërë thirje qytetarëve të mos qarkullojnë në rrugën kryesore në Studeniçan, pasi që në të njëjtën janë duke u realizuar punimet intensive për asfaltimin e kësaj rruge.
Ja postimi i plotë i kryetarit të Komunës së Studeniçanit, Azem sadiku:
Studeniçan, rruga kryesore-vazhdojnë punimet.
Në të dyja anët janë ndërtuar shtegje për këmbësorë.
Sot po hiqet asfalti i vjetër, andaj e kemi ndaluar qarkullin për automjete deri sa të përfundojnë punimet.
Lusim qytetarët që të kenë durim dhe mirëkuptim sepse në këtë mënyrë do të na ndihmojnë që sa më shpejtë të kryhen punët e parapara me projekt dhe shum shpejtë e njëjta rrugë do të asfaltohet. 





Jul 19, 2017

Menduh Thaçi priti në takim Ambasadorin e Greqisë, Dimitris Janakakis

Kryetari i Partisë Demokratike Shqiptare, Menduh Thaçi sot në selinë e partisë priti në takim Ambasadorin e Republikës së Greqisë në vend, Dimitris Janakakis.
Në takim u bisedua për tema lidhur me situatën aktuale politike, për de-bllokimin e proceseve integruese të vendit, si dhe për marrëdhëniet ndër-fqinjësore mes dy vendeve.
Kryetari Thaçi potencoi se një ndër prioritetet e PDSH-së është zgjidhja e kontestit të emrit me Greqinë, që do të hapnin rrugën për integrimin e vendit në strukturat euro-atlantike, NATO dhe BE.
Bashkëbiseduesit u pajtuan se stabiliteti rajonal arrihet nëpërmjet marrëdhënieve të shëndosha ndër-fqinjësore, e në këtë kontekst zgjidhja e çështjes së emrit nëpërmjet një kompromisi ka rëndësi të madhe për rajonin, fqinjësinë e mire, sigurinë dhe stabilitetin rajonal. Tejkalimi i këtij dallimi hap rrugën e integrimeve euroatlantike të vendit dhe siguron një perspektiv më të mirë për vendin dhe rajonin.

Takohen partitë shqiptare pas ftesës së Memedit të RDK, bojkotoi BESA

Paritë shqiptare kanë filluar takimin e tyre të radhës në kuadër të takimeve të rregullta të diktuara nga Deklarata e përbashkët. Takimi i sotëm është thirrur nga Vesel Memeti.
Në takimin i cili po zhvillohet në hapësirat e Kuvendit është i pranishëm kreu i BDI-së Ali Ahmeti, PDSH përfaqësohet nga nënkryetari Luan Tresi dhe deputeti Bardhyl Dauti ndërsa LR-PDSh-ja përfaqësohet nga zevendës ministri njëherit dhe nënkryetari i LR-PDSH-së Remzi Memedi si dhe deputeti Syria Rashidi. Në takim nuk merr pjesë Lëvizja Besa.

Jul 15, 2017

Partia Demokratike Shqiptare nis furishëm në Tetovë

Në kalanë e Tetovës dega e PDSH-së Tetovë organizoi takim me strukturën e saj ku prezent ishte edhe Kryetari i partisë, Menduh Thaçi.
Në bashkbisedim me strukturën e degës së Tetovës Kryetari Thaçi folin rreth situates aktuale politike, si dhe rreth çeshtjeve që kanë të bëjnë me organizimin struktural, duke potencuar se PDSH ngel e vetmja strukturë e mirëfilltë politike e shqiptarëve të Maqedonisë që mund ti artikuloj kërkesat reale të shqiptarëve. 



Dhunuesit e deputetëve me fotografi grupore për facebook

Vetëm një fotografi e publikuar në facebook mund që ti shpie prokurorët deri tek identiteti I personave që ishin pjesë e dhunës së 27 prillit në kuvend, përcjell Aktuale.mk.
Në vazhdim ndiqni edhe videon e tvtelma ku dhunuesit jane fotografuar ne grup per facebook.

Jul 11, 2017

Aksion i madh policor, arrestohen 13 persona, katër nga Kumanova, konfiskohen para dhe armë (Foto)

Në një aksion të madh të policisë maqedonase, janë arrestuar  personat A.M., N.A., B.A. dhe A.S. nga Kumanova, pastaj A.K, B.I, I.T. deri sa V.V. vullnetarisht është paraqitur në polici. Në afërsi të Haraçinës është arrestuar S.N. bashkë me E.N dhe R.J. Në këtë aksion janë arrestuar edhe një person nga Gjevgjelia.
Aksionin e ka realizuar sektori për krim të organizuar dhe krim serioz, në bashkëpunim me sektorin për operacione speciale pranë MPB-së, në kuadër të shkatërrimit të trafikimit me migrantë, shkruan Gazeta Lajm.  Siç informoi sot drejtori i Byrosë për Siguri Publike Llazo Vellkovski, më karakteristik ka qenë rasti i një veture që ka ndjekur policia nga Gjevgjelia deri në Kumanovë. Shoferi, i cili është një nga organizatorët. I ka ikur policisë dhe në disa pjesë të rrugës Gjevgjeli-Shkup dhe Shkup-Kumanovë ka vozitur deri 200 kilometra në orë. Katër emigrantë janë gjetur në bagazhin e veturës, kurse 8 brenda në veturë.
Dymbëdhjetë migrantë, prej të cilëve 11 nga Pakistani dhe një nga Egjipti janë gjetur në një veturë “mercedes” në rrugën Shkup-Kumanovë, gjatë aktiviteteve për arrestimin e shoferit me iniciale B.K. i cili ka bë transportimin e tyre. Sipas policisë, B.K. është pjesë e grupit për trafikim të migrantëve, që ëhstë shkatërruar gjatë ditës së djeshme në një aksion policor.
Llaze Velkovski
Pasi e ka kaluar bllokadën e parë ka vazhduar të lëvizë më ç’rast në tentimin për t’i evituar patrullat tjera policore e ka thyer rampën e pikëpagesës rrugore në Veles, duke vazhduar drejt Kumanovës. Vetura e tij është ndalur me dhunë në afërsi të rafinerisë “Okta” në rrugën Shkup-Kumanovë, kurse shoferi B.K. është arrestuar.
Njëkohësisht, siç tha Vellkovski, janë ndërmarrë masa për arrestimin e 13 personave anëtarë të grupit kriminel që jetojnë ose qëndrojnë në rajonin e Kumanovës, Shkupit dhe Gjevgjelisë, për të cilët gjatë hetimeve janë siguruar dëshmi se janë pjesë e biznesit për trafikim të emigrantëve.
Gjatë kontrolleve të kryera në 13 lokacione, pesë në Kumanovë, shtatë në Shkup dhe një në Gjevgjeli, janë arrestuar personat A.M., N.A., B.A. dhe A.S. nga Kumanova, pastaj A.K, B.I, I.T. deri sa V.V. vullnetarisht është paraqitur në polici.
Në afërsi të Haraçinës është arrestuar S.N. bashkë me E.N dhe R.J.
Me këtë rast janë konfiskuar gjashtë vetura, disa celularë dhe SIM kartela, 27.250 euro, një revole М 57, plumba dhe një notes me të dhëna për persona dhe për shumta të caktuara parash.
“14 emigrantë që janë gjetur në një shtëpi dhe në çajtore në fshatin Vaksincë, si dhe në veturën Mercedes janë dërguar në Qendrën pranuese për të huaj në MPB”, tha Vellkovski.
Ndryshe organizatorë të grupit kriminel janë persona nga Pakistani dhe Afganistani të cilët një khë të gjatë qëndrojnë në Maqedoni, Serbi dhe Greqi. Ata në koordinim me qytetarë të Maqedonisë kanë organizuar trafikimin e migrantëve nga Greqia, përmes Maqedonisë dh Serbisë drejt vendeve perëndimore.

Deputeti i PDSH-së Dauti: Kryetradhëtari Ziadin Sela, po mundohet me përly emrin tim

Shkruan : Nënkryetari i PDSH-së, z.Bardhyl Dauti
Kryetradhëtari Ziadin Sela, po mundohet me përly emrin tim. Vazhdoj të jem i përkushtuar ndaj interesave të popullit shqiptar në Maqedoni, për platformën dhe programin e PDSH-së nën udhëheqje të liderit të kësaj platforme Z. Menduh Thaçi. Ndërsa tradhëtarëve, jo vetëm historia por edhe e tanishmja ua tregon vendin ku e kanë.

Jul 8, 2017

Diskriminimi vazhdon: Nuk pranohet asnjë shqiptar në Akademinë ushtarake

Pas bujës së madhe që bënë në opinion akuzat për qasje diskriminuese, tendencioze dhe jotransparente të komisionit për testim psikologjik që vlerësoi kandidatët e paraqitur në konkursin për kadetë në Akademinë Ushtarake të Maqedonisë, dekanati i këtij institucioni të lartë arsimor dhe Ministria e Mbrojtjes miratuan vendim që të përsëritet psiko-testi. Megjithatë Komisioni për testim psikologjik nuk respektoi këtë vendim dhe nuk lejoi kandidatët t’i nënshtrohen testimit për herë të dytë. Kjo sipas dekanit të Akademisë Ushtarake, arsyetohet me Rregulloren e Qendrës Ushtarako-Mjekësore, në kuadër të së cilës vepron ky komision. Ne kërkuam t’u mundësohet këtyre njerëzve që nuk e kaluan testin edhe një herë ta kalojnë këtë proces. Megjithatë ishim të informuar se konkretisht në psikiatri, të gjithë këta njerëz që nuk e kaluan kontrollin e parë respektivisht në kontrollin e parë nuk kaluan sipas Rregullores së tyre të punës nuk kanë të drejtë të ritestohen. Ne me atë Rregullore nuk kemi asgjë. Është Rregullore e Qendrës Ushtarako-Mjekësore, sipas së cilës veprojnë vetëm mjekët specialistë. Ata na informuan se secili kandidat që është vlerësuar si i paaftë me diagnozë të caktuar nuk ka të drejtë që në 6 muajt e ardhshëm të vlerësohet sërish, përderisa nuk u nënshtrohet trajtimeve të caktuara, të cilat mund ta përmirësojnë gjendjen e tyre psiko-fizike – tha Orce Popovski, Dekan i Akademisë Ushtarake. Sipas dekanit Popovski, në këtë rast kandidatët nuk mund t’i nënshtrohen testit për herë të dytë, pavarësisht vendimit të ministrisë, pasi edhe rregullorja në fjalë është miratuar po nga Ministria e Mbrojtjes. Ndërsa edhe po të bëhen ndryshime në rregullore, të njëjtat do të vlejnë për konkurse të ardhshme, pasi konkursi i fundit përfundoi më 31 maj. Ndërkaq, Ministrja e Mbrojtjes, është e njoftuar me problemin dhe pret raport zyrtar që të ndërmarrë hapat e mëtejmë. Kërkova nga komisioni përgjegjës për zgjedhje, të merr pjesë në gjithë procesin. Kërkova një pjesë e atyre testimeve të përsëriten. Jo të përsëriten pas dyerve të mbyllura, por në mënyrë transparente. Kërkova që komisioni këtë herë të dalë me propozime konkrete, se si këto gabime asnjëherë më të mos përsëriten. Më njoftuan para dy ditëve së fatkeqësisht disa nga këto urdhra nuk janë respektuar. Po e pres raportin zyrtar nga komisioni që të vendosim se si do të veprojmë më tutje – deklaroi Radmilla Shekerinska, Ministre e Mbrojtjes. Sipas Popovskit, në konkursin e majit, 12 nga gjithsej 84 kandidatët e paraqitur ishin shqiptarë, por asnjëri prej tyre nuk u pranua, shkruan Alsat-M. Nga gjithsej 27 që u thirrën të testohen në psiko-test për herë të dytë, u paraqiten 14 kandidatë, mes të cilëve vetëm 5 shqiptarë. Megjithatë kandidatët u ankuan se ishin penguar të hynin sërish në test nga anëtari i komisionit, Petre Ristevski. Kandidatët të cilët duan të jenë pjesë e arsimit të lartë ushtarak duhet fillimisht ta kalojnë psiko-testin në mënyrë elektronike dhe pastaj të marrin “dritë jeshile” nga kontrolli që u bëjnë anëtarët e komisionit.

Jul 4, 2017

Administratorët shqiptarë në institucione që 10 vite nuk avansohen (VIDEO)

Ka 10 vjet që Afet Jashari është i punësuar në Ministrinë e Kulturës, në sektorin për trashëgimi kulturore. Ai ankohet se shqiptarët e punësuar në këtë institucion, nuk janë të avancuar asnjëherë nëpër postet udhëheqëse. Të gjithë u punësuan përmes Sekretariatit për implementimin e Marrëveshjes së Ohrit,
Jashari thotë se ashtu siç u pranuan në punë, si referent të ri, apo bashkëpunëtor, ashtu edhe kanë mbetur me vite, ndonëse kanë plotësuar kushtet për tu avancuar në kualifikimin e tyre.
“Këto 10 vjet sa janë kolegët shqiptar brenda institucionit të cilët shumica e tyre plotësojnë kushtet që të avancohen brenda sektorëve sa ka Ministria e Kulturës, një gjë e tillë nuk ka ndodhur nga udhëheqësit e kaluarës, ndërsa pala tjetër ka pasur avancime nëpër sektor të ndryshëm”, tha Afet Jashari.
Jashari thotë se flet në emër të 50 punonjësve të këtij institucioni. Ai thotw se me anë të nënshkrimeve të mbledhura, nga ministria e kaluar kishin kërkuar avancimin e shqiptarëve, megjithatw kërkesa e tyre kishte hasur në vesh të shurdhër.
“Ne me kolegët shqiptarë brenda Ministrisë së Kulturës, biseduam dhe e pamë të arsyeshme që Qeverisë së tashme tia bëjmë me dije se brenda këtij institucioni ka shqiptar profesionist që dinë të bëjnë punën e tyre dhe meritojmë të jenë në pozita më të larta brenda institucionit”, shtoi Jashari.
“Nga 260 të punësuar në Ministrinë e Kulturës, 50 janë shqiptarë. Deri tani në postin më të lartë ka qenë sekretari shtetëror i ministrisë së kulturës, ndërsa punëtorët që janë me përvojë 10 vjet kërkojnë që shqiptarët të avancohen brenda këtij institucioni dhe të marrin poste më të larta.”
Behixhudin Shehapi për momentin ka pushuar së qeni sekretar shtetëror, ndërsa për TV21 theksoi se pret që nga ministri i ri Rober Allagjozovski, ta rrit përqindjen në postet udhëheqëse. TV21 tentoi të bie në kontakt me Petrit Saraçinin këshilltar i veçantë shqiptar i ministrit Alagjozivski, si dhe me vet ministrin por deri tani nuk morëm përgjigje.

Jul 1, 2017

Hotla, Ka ndihmuar në themelimin, ngritjen dhe ruajtjen PDSH-së! Hotla, Ka qenë, është dhe do të jet bastion i PDSH-së!

Hotla, Ka ndihmuar në themelimin, ngritjen dhe ruajtjen PDSH-së! Hotla, Ka qenë, është dhe do të jet bastion i PDSH-së!./Ditari.mk/




“Monstra” nuk ishte prioritet i Janevës

Rasti “Monstra” nuk kanë qenë prioritet i Prokurorisë Speciale Publike gjatë 18-të muajve të kaluar.
Kjo lëndë, për të cilët opinioni shqiptar ka patur interes të jashtëzakonshëm, nuk u gjet në mesin e 17-të aktakuzave të PSP-së, të cilat u dorëzuan në Gjykatën Penale të Shkupit.
Duke u përgjigjur në pyetjen lidhur me hetimet për rastin “Monstra”, prokurorja speciale Katica Janeva tha se shpreson që në të ardhme Këshillit të Prokurorëve Publik do t’i dorëzojë materiale që lidhen me këtë rast.
“Ligji në këtë drejtim është i qartë dhe thotë se në afat prej tetë ditësh pas pranimin të lëndës, unë duhet të vendos se a jam kompetente për ta proceduar atë lëndë ose jo. Mendoj se numri i lëndëve për të cilët duhej të ngritej aktakuzë është shumë i madh, megjithatë ja që në këtë periudhë nuk u hapën”./Koha

Ibrahimi: Maskaradë e pelivanllëk, hipokrizi e demagogji!

Njëherë i dhanë sy mbyllurazi 67 nënshkrime për "Qeverinë Reformatore".
Pastaj u betuan dhe deklaruan, ligjet për shqiptarët (ligji për gjuhën shqipe, ligji për amnesti, ligji ...) e pastaj bëhet qrveria!
Tani si "qeveritar" na qenkën bërë trima dhe e paskan kërcënuar filan diplomatin, se do të dalin nga qeveria!
Tani si "qeveritar" kërkojnë të reflektojë pushteti gjyqësor, të ndajë gjyqësi të drejtë për shqiptarët, të vetë reformohet, të vetë depolitizohet, të vetë departizohet, të vetë profesionalizohet dhe vetëvetiu të bëhet pushteti gjyqësor edhe i shqiptarëve!
Po si kaq leht harroni, sa e sa familjarë, nëna, baballarë, fëmijë me zemra te djegura e të përvëluara presin drejtësi nga kjo "Qeveri Reformatore" !
Mjaft më qeverisje: "i thamë, na thanë"; "jo para, jo mbrapa zgjedhjeve lokale, jo brenda 100 ditëshit të qeverisjes"; "të relaksohet ambienti politik, po damtohet partneri politik maqedon"; "nuk na kuptojnë miqët nga perendimi"; "nuk është momenti dhe koha me i ngritë këto tema"; "kërkuam, na kërkuan, i kërcnuam, na kërcnuan"...!
A jeni, a sjeni "Qeveri"?
"Ju" administroni me vendin, bëjeni!. 


Autor: Orhan Ibrahimi, PDSH!