Translate

Thursday, March 30, 2017

Polici maqedon pranon: Mirsad Ndrecajn e e zumë të gjallë. Ja çka bëmë më pas me të?!

Sevdail Miftari ka dëshmuar se si 3 inspektor policor e kanë kërcënuar dhe i kanë dhënë sugjerime se si duhet të dëshmojë, kundër disa të akuzuarve tjerë. Miftari nuk ka dhënë emra të disa personave dhe të një inspektori policor që i ka vizituar në fshatin Hotël të Kumanovës, shkruan Almakos.
Tre inspektor policor kërcënojnë dëshmitarin
“Pasi më kanë arrestuar, pas 1-2 javëve në burgun e Shutkës, 3 inspektor të policisë më marrin në pyetje. Deklaratën që e kam dhënë dua që ta shohin edhe shokët këtu. Njëri prej tyre më ka thënë që nëse dua ta shohë prap familjen time, duhet që kur të dëshmoj të flas për Arsim Bajramin, Besnik Ajdinin, Fadil Fejzullahun dhe Irfan Lutfiun.
Sipas Almakos, gjatë dëshmisë së një polici të mbrojtur avokati mbrojtës Naser Raufi e pyeti a ia ka vënë prangat Mirsad Ndrecajt, ndërsa polici u përgjigj se jo ai personalisht por një koleg i tij ia ka vendos prangat. Kjo tregon qartë se Policia maqedone Mirsad Ndrecajn e kanë vrarën pasi e kanë arrestuar. (Almakos)

Sulejman Rexhepi akuzon Arabinë Saudite si donatore e ISIS-it

Një skandal i radhës nga ana e Sulejman Rexhepit, alias Mulla Sulës! Pa iu dridhur fare qerpiku akuzon Arbinë Saudite si donatore të ISIS-it! Dhe këtë akuzë e lanson nën petkun e liderit fetar të muslimanëve të Maqedonisë. Akuza lansohet prej personit juridik dhe publik, kurse organet gjegjëse të shtetit i duartrokasin! Shumë keq!
Shkruan: Abdulmutalib Metushi
Sulejman Rexhepi, alias Mulla Sula, i frikësuar se po i del shpirti pa u prononcuar në ndonjë media për problemet e veta që më tepër gjasojnë në sindrome psikopatike se sa në probleme reale, paguan një paraqitje në një nga televizionet lokale (TV Koha, Tetovë) sa për ta zbarzur tërë atë kanalizim mental që po i gufon nga truri sklerotik. Me shikim e me gjestikulacione prej njeriut tashmë të mbaruar, mundohet që të flasë gjepura duke harruar se ai, sa herë që të gjendet para mikrofonit, e menderos fare, tregon se sa i lajthitur që është. Me shall në kokë dhe me orën ROLEX prej 37 mij dollarëve në dorë, mundohet ta aktrojë engjullin e përgjumur kurse tradhëtohet nga vetë ora duke u shpërfytyruar në boss i kriminelëve nëntokësorë.
Në intervistën televizive, Mulla Sula do të zë në gojë shumë emra, do të aludojë në persona, në ngjarje të cilat i janë kanosur këtij farë burri kurse, i dëbuar nga shoqëria prej këtyre të cilët ai i zë ngoje në fakt ka ngelur si bajga në shi. Për ta akuzuar ish-kryministrin Mulla Sula, së pari duhet që tia tërheq bekimin, pastaj ta mallkojë atë si dhe të gjithë bashkëpunëtorët shqiptarë të tij (kolaboracionistët politikë!). Për ti akuzuar çunat që i paskan bërë puç këtij farë uzurpatori të postit të Reisit, ai fillimisht duhet tua dorëzojë mandatin atyreve të cilët e risollën në postin e Kryetarit të BFI-së.
Duke sharë ish-qeverinë, në të cilën ka kolaboracionuar edhe partia e Mulla Sulës (BDI-ja), pa fije turpi nis dhe e lavdëron politikën ruso-serbe, po atë politikë postmillosheviqiane që duke synuar sallatë pej etnisë shqiptare tallet me komunitetin musliman, kurse krejt kjo Mulla Sulës i duket shumë normale dhe shumë e pranuesme.
Mulla Sula, tashmë me nofkën e deshifruar policore si Zharko, duke e fshehur profesionin e vet shpirtëror prej kodoshi mundohet ti akuzojë të gjithë të tjerët se janë në shërbime të huaja, kurse vetë melaqe e mullinit!
Duke komentuar se është viktimë e nëntokave, e konspiracioneve botërore, i mjeri, shkon dhe e bën një gafë tepër të rëndë dhe shumë skandaloze si për muslimanët e vendit ashtu edhe për mbarë shqiptarët. Mulla Sula tamam si pacienti të cilit i përzihen telat e trurit, thekson se ai e di fare mirë se kush e finanson ISIS-in dhe, ky donator, sipas tij na qenka Arabia Saudite, e cila po e sponzoruaka ISIS-in kurse po i sulmuaka disa shtete të tjera! Pikërisht si kriminelët e rrugës, të cilët, duke akuzuar vazhdimisht një familje kriminelësh tjetër, mendon se do ta arrijë po atë efekt nëntokësor që rezulton me uljen e shtizave, me afrimin e dy familjeve, me pajtimin në mes vete dhe, në fund, me bashkëpunim në kontrollimin e terrenit, të bandave dhe të aseteve ekonomike finansiare mbi territorin ku operon Mulla Sula. Ndryshe, ky farë Nasradin Hoxha, këtë shpifje e lëshon pikërisht nga ambietet e Fakultetit të Shkencave Islame të cilën e ka ndërtuar ekskluzivisht një princ i asaj ane!
Është hera e dytë që ky farë psikopati e akuzon Arabinë Saudite, aleatin më besnik të SHBA-së në Lindjen e Mesme dhe, pa dyshim që shumë shpejt përmes kanaleve diplomatike shteti saudit do të kërkojë izolimin dhe shtrimin e tij në ndonjë pavion psikiatrik kurse institucionet e shtetit tonë këtë spastrim duhet ta bëjnë ekskluzivisht përmes ngritjes së procedurave gjyqësore për shqyrtimin e të gjitha atyre lëndeve që presin në prokurorinë shtetërore kundër këtij mafiozi nën petkun e një mullai./portalive/

P.S
Se kush është Sulejman Rexhepi më shumë flasin edhe këto foto në vazhdim: 
 
 
 

 
 
 
  
  
 

Wednesday, March 29, 2017

Sondazhi i fundit: Ja kush do t’i fitonte zgjedhjet nëse do të mbaheshin tani!

Sipas një sondazhi të publikuar nga Qendra për Hulumtime Sociale Ekonomike Politike “ALTERNATIVA”, nëse zgjedhjet do të mbahen tani, do të kishim këto rezultuare: PDK – 24.6 %, AAK -22.7 %, LDK – 19.4 %, VV – 16. 3 %, NISMA – 4.2 %, AKR – 3.9 %, ALTERNATIVA 2.4 %, PD 1.8 % dhe Të tjera – 4.7. %.
Komunikata e plotë e Qendres për Hulumtime Sociale Ekonomike Politike “ALTERNATIVA”:
Sipas Qendres për Hulumtime Sociale Ekonomike Politike “ALTERNATIVA”, observator i matjeve të opinionit publik, në pyetjën drejtuar qytetarëve për “Zgjedhjet e Parakohshme Parlamentare 2017”, e cila ka realizuar sondazhin për partitë politike në Kosovë me një pyetje të vetme, drejtuar të anketuarëve, se; Cilit subjekt politik në Kosovë do ti besonit, nëse zgjedhjet mbahen në mes të vitit 2017 për të tejkaluar krizën politike? Përgjigja ka rezultuar me rënie sasiore të dy subjekteve politike PDK dhe LDK, ndërsa AAK ka tejkaluar dyfishimin dhe VV ka shënuar rritje të theksuar, krahasuar me rezultatet e zgjedhjeve parlamentare të vitit 2014, ndërsa PDK edhe përkundër rënjes, vazhdon të mbetet e para edhe pse vlerat numerike tregojne rezultat më të ultë se në zgjedhjet e kaluara.
Sondazhi është mbajtur me të anketuar të profileve dhe të grup moshave të ndryshme, të cilët janë përgjigjur se sikur të mbaheshin zgjedhjet e parakohëshme parlamentare në mes të vitit 2017, do të kishim këtë rezultat zgjedhor. Pjesëmarrja e grup moshave  të respodentëve është në (5) pesë kategori moshash, duke filluar prej 18-25,26-35, 36-45, 46-55, 56-65 vjet.   Rezultatet kanë treguar për një rritje substanciale, që ka tejkaluar dyfishimin e rezultatit nga e kaluara  për AAK, me 22.7 %  dhe VV, e cila poashtu ka shënuar rritje me rreth 16.3 %, duke  i prirë e para PDK me 24.2 %, të besimit qytetarë. LDK mbetet e terta me 19.4 % duke pësuar një rënie të konsiderueshme elektorale, krahasuar me vitin 2014. Në zgjedhjet parlamentare të vitit 2014, kualicioni i madh me PDK, kishte arritur rezultat prej 30.38%, LDK e vetme  kishte arritur 25% , ndërsa VV ishte 13.59 % dhe AAK 9.54 % të votës nacional e.
Subjekti tjetër parlamentar NISMA, ka shënuar këtë rezultat me 4.2 % si subjekt i vetëm në këtë  sondazh nga kualicioni aktual me AAK –në, ndërsa AKR-ja e cila në zgjedhjet e kaluara nuk e kishte kaluar pragun zgjedhor, në këtë sondazh ka dal me 3.9 % të të anketuarëve. Poashtu, gjithnjë po të mbaheshin zgjedhjet në mes të vitit 2017, ky subjekt rrezikon përsëri  kalueshmërinë prej 5% të pragut me një përqindje minimale prej 0.1.1 %. Edhe ALTERNATIVA e Ilir Dedës dhe Mimoza Kusarit – Lila, ka shënuar rezultat minimal prej 2.4 %, duke u pasuar nga PD me 1.8 %  dhe të tjera me 4.7 % të rezultatit të të anketuarëve.
Rezultatet e sondazhit  janë reazlizuar me (10.000) dhjetëmijë respondent të anketuar nëpër (8) tetë qendrat më të mëdha në Kosovë. Ky sondazh është realizuar nga data 10 Mars 2017 deri më 25 Mars 2017 në qytetet si në vijim; Prishtinë, Ferizaj, Gjilan, Mitrovicë, (Rajoni i Drenices), Podujevë, Gjakovë, Pejë dhe Prizren, qendra këto kryesore të Republikës së Kosovës nga të gjithë të anketuarit. Sondazhi është realizuar në kohën kur partitë politike kanë shtuar aktivitetin e tyre elektoral nëpër gjithë territorin e Kosovës. Pronare e sondazhit të realizuar është Qendra për Hulumtime Sociale Ekonomike Politike “ALTERNATIVA”, të anketuarit dhe opinioni i tyre. Sondazhi  nuk është i porosituar nga asnjë parti politike të trajtuara në këtë sondazh, apo nga ndonjë institucion qeveritar, e as ndërkombëtar.
Toleranca e gabimeve numerike të ndikimit në rezultatin përfundimtar të këtij sondazhi, supozohet të ketë devijim prej 1.8 deri 2.4% si përllogaritje statistikore në zgjedhjet e parakohëshme parlamentare 2017.
Qendra për Hulumtime Sociale Ekonomike Politke “ALTERNATIVA” është kompani joqeveritare e themeluar enkas për hulumtim dhe e specializuar në matjen e opinionit publik, që ndërlidhet me votuesit potencial të subjekteve politike në Kosovë.

Dauti: VMRO dhe LSDM kundër shqiptarëve, PDSH nuk do e mbështet Talatin për Kryeparlamentarë (VIDEO).

Bardhyl Dauti: VMRO dhe LSDM kundër shqiptarëve, PDSH nuk do e mbështet Talatin për Kryeparlamentarë (VIDEO)./Ditari.mk/

Sunday, March 26, 2017

“Kumanova”, epilogu pritet në muajin qershor

Procesi gjyqësor për rastin e “Kumanovës” pritet të përfundoj deri në fund të muajit qershor. Kështu shprehen avokatët e të akuzuarve, sipas të cilëve deri më tani kanë dëshmuar rreth 20 të akuzuar ndërsa kanë ngelur të dëshmojnë edhe 14 të tjerë. Më pas pala mbrojtëse do të dorëzoj listën e dëshmitarëve, në mesin e të cilëve edhe politikan dhe zyrtarë shtetëror. Sipas ligjit të procedurës penale gjykata është e obligueshme që deri në qershor edhe nga ka qenë e plotfuqishme akt akuza të del me shpallje të vendimit të instancës së parë – tha Mefail Arsllani, avokat. Unë pres që aktgjykimi i grupit ka muaji gjashtë të vendoset , ndërsa për Sulejman Osmanin pres që të jetë nga vjeshta , pasi që dinamika tek ky rast shkon më ngadalë” – tha Naser rrufi, avokat. Alsat tentoi të marr prononcim edhe nga ane Prokurorisë Publike në lidhje me maltretimin e të akuzuarve në rastin e “Kumanovës”, por nga atje me qëndrim se për momentin nuk mund të sigurojmë asnjë përgjigje në lidhje me këtë hetim, edhe përkundër se Alsat mëson se Prokuroria është duke hetuar në lidhje me maltretimin e Elham Arifit dhe Dem Shehut. Ndërsa avokatët paralajmërojnë se do të kërkojnë procedurë të veçantë hetimore kundër të gjithë atyre pjesëtarëve të policisë që kanë ushtruar dhunë ndaj të afrrestuarve. Në afat kohor sa më të shkurt ne si palë mbrojtëse do të ngrejë padi ndaj atyre personave që kanë imponuar dhe kanë tejkaluar detyrën zyrtare ndaj grupit – deklaroi Mefail Arsllani, avokat. Ndaj keqtrajtimit të të akuzuarve ka reaguar edhe Avokati i Popullit dhe ministri i punëve të brendshëm Agim Nuhiu. Ka reaguar me Notë zyrtare edhe Ambasada e Kosovës në Shkup me çrast ka kërkuar nga autoritete që të merren masa kundër kryesve të kësaj vepre. Megjithatë deri më tani asnjë pjesëtarë i policisë nuk është përballur me drejtësinë për tejkalim të kompetencave zyrtare.

Plani i Menduh Thaçit për zgjidhjen e krizës politike në Maqedoni

Lideri i PDSH-së, Menduh Thaçi akoma vlerëson se zgjidhja e krizë në Maqedoni mund të bëhet përmes marrëveshjes të cilën ekipi i tij dhe ekspertë të pavarur e kanë hartuar vite më parë, njofoton agjencia e lajmeve INA.
“Pas vendimit të Ivanovit u dëshmua se është e patjetërsueshme implementimi i marrëveshjes politike të PDSH-së dhe ndryshimit të rendit kushtetues të Maqedonisë. Është e kotë shqiptarët të angazhohen politikisht kur një person si Ivanov mund tua nënvlerësojë vullnetin dhe votën e tyre.
Ndryshimi mund të bëhet përmes Parlamentit dydhomësh”, është shprehur Menduh Thaçi.
Numri një i PDSH-së ka ftuar shqiptarët që të mos bien pre e provokimeve dhe skenarëve pasi situata mund të eskalojë në konflikt ndëretnik dhe kjo nuk ju shkon në interes as shqiptarëve, as Shqipërisë dhe as Kosovës.
Sipas tij, kjo kontrata e PDSH-së do t’i përkufizojë të drejtat dhe obligimet e ndërsjellta të shqiptarëve dhe maqedonasve duhet të garantojë:
1.Zbatimin e plotë dhe në afat të caktuar të pikave të marrëveshjes (kontratës). Në këtë vijë duhet të nxiret një ligj i veçantë ku parashikohen masa ndëshkuese për shkeljet dhe zvarritjet, për të gjitha manipulimet që ndikojnë që një e drejtë të bëhet e pashfrytëzueshme;
Barazinë e plotë dhe përfaqësimin e drejtë të shqiptarëve në sistem, si në shfrytëzimin e begative të sistemit, ashtu edhe në vendimmarrje. Kjo fushë do të kontrollohet me parimin e konsensusit të plotë. Këtu bën pjesë edhe ndarja proporcionale e buxhetit. Nëse kjo ndarje nuk do të ishte e barabratë, të drejtat e ofruara, ashtu si u theksua më lart, do të shndërrohen në oferta të parealizueshme;
Përdorimin zyrtar të gjuhës shqipe pa segregime fyese;
4.Përfaqësimin e drejtë të kontrolluar;
Marrëveshje që njëri nga tri postet kryesore të shtetit (Presidenti, Kryeministri, ose Kryetari i Parlamentit) t’i takojë përfaqësuesit shqiptar;
Ligjin e ri, për funksionim konsensual të Qeverisë;
Decentralizimin e njëmendtë në vend të dekoncentrimit që krijon iluzionin se mjetet buxhetore janë decentralizuar;
8.Ndarrjen e re teritoriale që merr parasysh aspektin etnik,
kulturor, ekonomik, infrastrukturor;
9.Themelimin e institucioneve në funksion të zhvillimit të vlerave kulturore shqiptare;
10.Respektimin e përpiktë të konceptit sekular të shtetit;
Deetnizimin e simboleve të shtetit, të himnit, të stemës dhe të simboleve të tjera shtetrore;
Përcaktimin strategjik dhe pa ekuivoke për integrim në NATO dhe UE. (INA)

Thursday, March 23, 2017

“Kumanova”, sot dëshmon Bajram Elshani dhe Nexhbedin Lika

Në seancën gjyqësorë për rastin e Kumanovës sot para trupit gjykues do të dëshmojnë të akuzuarit Bajram Elshani dhe Nexhbedin Lika.
Në seancën e kaluar dëshmuan Valdet Zekaj dhe Mirad Qerimi. Të dy të akuzuarit mohuan akuzat ndaj tyre, ato u shprehen se në Maqedoni kanë ardhur me qellim “që t’i çlirojnë shqiptarët e Maqedonisë”.
Nën aktakuzën vepër terroriste në rastin “Kumanova” akuzohen 37 persona lidhur me përleshjet e armatosura më 9 dhe 10 maj të 2015-tës në “Lagjen e Trimave” në Kumanovë.


Specialja me 4 raste të reja hetimore (VIDEO)

Lënda ”Tabela” – keqpërdorim të detyrës zyrtare nga drejtori i një shkolle fillore, Rexho Rushit Zajazi. I dyshuari në Kërçovë, e ka përdorur detyrën e tij zyrtare dhe ka lejuar shfrytëzim pronësor për një person juridik. Pa procedurë prokurimi, i dyshuari i ka dhënë tender firmës Bauhof DOEL dhe ka nënshkruar marrëveshje për ndërtimin e një shkolle të re, për një shumë mbi 12 milionë denarë, respektivisht 200 mijë euro.
Lënda ”Trista”, keqpërdorim të detyrës zyrtare dhe kompetencës nga një zv. ministër në MPB, për vetura zyrtare. I dyshuari, nga 2008 deri 2012 në Shkup, gjatë prokurimit publik e ka dëmtuar buxhetin e shtetit për mbi 450 mijë euro. Në mënyrë joligjore, ka nënshkruar marrëveshje me autosallonet Porsche, Bohemia, Avtokuqa, Kollevski, Kadis.
Lënda ”Total” – vepër që ka të bëjë me evazion fiskal, ku janë kryer nga një person juridik, si drejtues i Total Marketing DOEL, MediaMarkt, Total Media Centar DOEL. Nga dëshmitë dalin të dhëna se nga viti 2008 deri 2015 u ka ikur pagesave të tatimeve, me vlerë prej mbi 7 milionë denarë, respektivisht mbi 120 mijë euro. Në një rast tjetër, është ikur tatim prej mbi 60 mijë euro.
”Tifani” –  lënda e katërt që ka të bëjë me evazion fiskal. E dyshuara është person fizik i kompanisë SmartCentar DOEL dhe SmartGroup DOEL. Për vitet 2008-2014, e dyshuara ka tentuar t’i ikë pagesës së tatimeve dhe ka dhënë informata të rrejshme për pagesat që është dashur t’i paguaj dhe ka arritur t’i ikë pagesës prej mbi 35 mijë euro dhe mbi 15 mijë euro. Dëshmitë tregojnë se e dyshuara ka shënuar të dhëna të rrejshme për t’i ikur tatimeve të vlerës së duhur.

RRIHET 16 VJEÇARI NË AUTOBUS, NË VEND TË SHKOLLËS PËRFUNDON NË SPITAL DHE POLICI (VIDEO)

Në vend të bankës shkollore, sot Egzoni 16 vjeç nga Kumanova kaloi ditën nëpër spital dhe stacion policor.
Gjashtë persona ende të panjohur për policinë e rrahën Egzonin duke shkaktuar lëndime në fytyrë, duar dhe shpinë.
Për Egzonin ky është incidenti i parë që përjeton, edhe pse ka dy vjet që udhëton në të njëjtin relacion me autobus.
“Duke zbrit te shkolla e tyre përnjëherë më kanë sulmuar 6 veta. Më kanë goditur me boksa, shkelma…Po jam i frikësuar, nuk është gjendje e mirë. Nesër do të shkoj në shkollë, me veturë me babin”, u shpreh Egzon Ajdini.
Babai i Egzon Ajdini, Ismeti është i frikësuar për sigurinë e djalit të tij, dhe fton organet e rendit që t’i gjejnë sulmuesit.
Këtë ndjenjë e ka meqë i biri i ka rrëfyer se ata që e rrahën, edhe e kanë kërcënuar.
“I kanë thënë që ti më në shkollë nuk do të vish. Ata janë të organizuar por do ta shohim me ndihmën e policisë do ta fitojmë sigurinë e nxënësve. Janë të ftuar dëshmitarët. Ndërsa kryerësit e veprës kanë ikur nga policia, pasi që policia ishte në 18:40 kur autobusi qarkullon për Kumanovë, kryerësit nuk ishin. Ata i kemi lajmëruar dhe nuk kanë ku të shkojnë”, tha Ismet Ajdini.
Ministria e policisë konfirmon rastin e sulmit, dhe se po e heton ngjarjen ku pësoi lëndime djaloshi.

Thursday, March 16, 2017

Rexhep Qosja a i thotë edhe Ali Ahmetit: Mos folni me gjuhën e Serbisë kundër Turqisë! (VIDEO)

Publicisti i njohur dhe shkrimtari, Rexhep Qosja, paradokohe kishte deklaruar që askush nga shqiptarët nuk duhet të flasë kundër Turqisë me gjuhën e Serbisë dhe serbeve, ndërsa nuk dihet këtu a përfshihen edhe deklaratat e fundit të Ali Ahmetit, i cili në një intervistë për TV21 ka thënë se ndikimet lindore u kanë sjellë dhembje shqiptarëve dhe se Perandoria Osmane na ka bërë shkrumb e hi, Perandori nën së cilës sipas Ahmetit janë prerë, janë vrarë të gjithë patriotët shqiptarë, raporton Almakos.
video  video

Eksluzive : Shpërthen në degën e LR-PDSH në Strugë, ikën Qazimovski

Avdulla Qazimoski, në një reagim deri te Strugalajm.com, ka referuar se ka dhënë dorëheqje nga cdo angazhim qoftë edhe si anëtarë i thjeshtë te LR-PDSH-ja. Ai për këtë vendim të tij ka fajësuar liderin e partisë Ziadin Sela, i cili sipas tij nuk ka treguar korrrektësi në raportë me Llabunishtin dhe atë personalisht.Qazimoski, potencoi se të gjitha kualifikimet që ka bërë Sela në Struga TV për të janë të pavërteta dhe largë realitetit .
“Si rezultat i jokorrektësisë së treguar duke harruar të kaluarën do i kujtojë Ziadin Selës, se pa Llabunishtin dhe rrethinën e tij, ai as nuk mund të ëndërronte të bëhej kryetar i Strugës. Ai i ka borxh dhe asnjëherë nuk mund të shpagohet me 100 përqind të shqiptarëve të Llabunishtit. Kur Avdulla Qazimoski kërkonte që Llabunishti të integrohet si shqiptar, sespe ajo është ideja e të parëve të tij, ata hyn në lojrat individuale politike duke harruar interesat e Llabunishtit dhe rrethinës. Folin për federalizim dhe në të kundërtën 20 për qind e popullsisë të Strugës i keni harruar në punësim dhe integrim, duke stimuluar inderekt aktivitetin e partive maqedonase në këto fshatra dhe e gjith kjo ndodhi në kohën e Ziadin Selës ? Pyetje për zotërinjt të cilët thoshin se nëse fëmijët e Podgorcit nuk do të mësonin shqip, atëherë edhe fëmijët e tyre do refuzonin të shkonin në shkollë, duke u solidarizuar me Podgorcën?Avdulla Qazimoski nuk tradhëtoi por këtë radhë i dha mundësinë të shohi se sa mbështetje ka Ziadin Sela në Llabunishtë. Ata të cilit përzieshin në Llabunishtë dhe nuk lejonin që t’u përzieshe në nëndegët e tyre, morën mesazhin që në Llabunishtë vendos Llabunishti. Ziadin Sela do të shihemi ditën e zgjedhjeve në Llabunishtë”, përfundon ai.
Avdulla Qazimoski aktualisht ushtron postin e kryetarit të Këshillit të Strugës. Ai për deklaroi se do të veprojë si i pavarur duke mos u tërhequr nga pozicioni i kryetarit të Këshillit.

Raporti i PSP-së, 112 persona nën hetim për 160 vepra penale, 66.909 përgjime të reja

Prokuroria Speciale Publike ka prezantuar dje Raportin e tretë për punë e saj të deritanishme.
Nën hetim nga kjo Prokurori janë 112 persona, të cilët dyshohen se kanë bërë 160 vepra penale, që donë të thotë se një pjesë e këtyre personave dyshohen se kanë bërë më tepër vepra penale.
Veprat penale për të cilat deri tani PSP ka hapur procedurë para hetimore sipas raportit të fundit janë:
84- keqpërdorim të detyrës zyrtare dhe autorizimeve
3- keqpërdorim të procedurës për furnizim publik dhe tender
24- shoqërim kriminel
42- diapason i gjërë i veprave lidhur me keqpërdorime zgjedhore nga shkelja e të drejtës së votës, keqpërdorim të mjeteve për financim të fushatës zgjedhore deri tek falsifikimi apo shkatërrimi i materialit zgjedhor
7- keqtrajtim dhe veprim tjetër jo njerëzor dhe dënim
Janeva në raport thekson se PSP në këtë periudhë ka arritur të gjej edhe 66.909 audio- incizime të cilat janë fshirë.
“Me këtë numri i audio-incizimeve është rritur në 606.555. Në këto dosje, si dhe 540.646 të mëparshmet, është realizuar regjistrim elektronik i cili gjendet në gjithsej 15.906 faqe në formë elektronike. Gjatë regjistrimi është vërtetuar se kohëzgjatja e të gjithë audio- incizimeve është gjithsej 13.200 orë”, thuhet në Raportin e PSP-së.

Ali Ahmeti bën ‘zbulim epokal’ thotë se temën do ta temë (VIDEO)

Ali Ahmeti lideri i BDI-së, ishte i ftuar në Click të tv21, ku ndër të tjera ka thënë se është koha që tema të bëhet temë.  

video

Wednesday, March 15, 2017

Ibrahimi: Ali Ameti njeri hipokrit

Orhan Ibrahimi  i PDSH-së në profilin e tij për paraqitjen e dobët të kreut të BDI-së, Ali Ahmeti shkuran: A jeni duke e përcjellur Ali Ametin ("kryeplakun") ne tv 21 ?
Duhet të turpërohemi kush na përfaqëson !
E mija herë turp për këto të ashtuquajtur lider partie që i dhanë legjitimitet që të flasë në emër të shqiptarve.
E amnestuat dhe e falët për të gjitha gjunahet, krimet, hajnit, plaçkitjet, burgosjet, vrasjet dhe të gjitha zullumet që ka bërë ky njeri për 15 vite.
Njeri hipokrit, njeri tërësisht i paaftë, e vetmja aftësi e tijë e theksuar është dinakëria e pistë, e që po na flet në emër të legjitimitetit të popullatës shqiptare.

SHBA me mision më të madh në Shkup, se sa në Tiranë dhe Sofje

SHBA në Ambasadën e saj në Shkup ka më shumë personel diplomatic se sa në disa vende evropiane apo në botë, shkruan gazeta Dnevnik.
Kjo gazetë ka marrë të dhënat që janë të publikuara në Ministrinë e Jashtme të Maqedonisë, ku siç thuhet në Shkup ka 55 diplomatë dhe staf diplomatik i udhëhequr nga ambasadori Xhes Bejli.
Sipas gazetes, në Maqedoni ka më shumë diplomatë krahasuar me Shqipërinë, ku janë 26 veta si staf diplomatik bashkë me ambasadorin.  Në Beograd janë 53 veta si staf diplomatik, ndërsa një numër më i vogël është në ambasadën në Sofje. (INA)

Reagim:Rilindasit e Kamofluar!

Reagim ndaj komunikatës së Lëvizjes BESA- Studeniçan sa i përket funksionimit të deponisë Drislla, ka reaguar Regaip Mustafa nga Fshati-Batincë :  

I huaji nuk mund të bëhet zot i një vendi tjetër, por ka disa raste qëllim këqija ku shtiret si mik por ne vazhdimisht e lysim Zotin e themi O Zot na ruaj prej mikut sepse nga armiku ruhemi vet.
Cili do që e ka shkruar këtë tekst sdo ment se për dëmin që sjell deponia Drislla, ne kemi ngritur zërin madje kemi njoftuar Komunën e Studeniçanit, Qytetin e Shkupit, kemi pasur takime ballore me drejtuesit e deponis por e gjitha në këtë Shtet është e kotë. Por skemi pushuar edhe sot e kësaj dite.
Po këto maskara që na hiqen si engjuj por me veti djallëzore nuk mund ti quajmë ndryshe veç se shejtan në petkun e një njeriu.
Këta kur ishin në rradhët e të tjerëve në heshtje e admironin një gjë të këtillë e sot kur janë të ”katapultuar” ke ky subjekt për të fituar pike politike me ne sillen ”her me kulaç e her me kërbaç”
U shtiret edhe më herët per një hap si ky po kush ju besoi sepse këto veprime i keni nga interesi jo nga zemra.
Prandaj politikat tuaja për të krijuar urën e bashkimit shpesh hasin në vështirësi dhe janë shterpë e vdesin por sa hidhën në opinion.
Ndoshta gjuhën e komunikimit e keni të ëmbël, por gjuha trupore kundërshton vet qëllimin tuaj dhe nxjerr në pah ligësine tuaj, keqpërdorimin e rasteve kur duhet ngushëlluar njeri-tjetrin e kjo prodhon regres e disfatë.

Monday, March 13, 2017

“Dashuria e BDI-së” ndaj Ziadin Selës, të cilën e kishte shpalosur Artan Grubi (VIDEO)

Në vitin 2015 Shefi i Kabinitetit të Ali Ahmetit, Artan Grubi, kishte marrë pjesë në një emisioni bashkë me kreun e LR – PDSH-së, Ziadin Selën.
Për një momente Grubi i kishte thënë Selës se atë e ndjen si kuadër i BDI-së, dhe se BDI kishte kontribuar në zgjedhjen e tij për kryetar komune, kështu dëshironte ta shihte të suksesshëm në politikë atë. Megjithatë, aso kohe kjo mund të jetë dukur si diçka jo e natyrshme.
Por, kohëve të fundit “dashuria e BDI-së” ndaj Selës, të cilën e kishte shpalosur në emisionin “Rruga Drejt” Grubi, tashmë ka filluar të del në sipërfaqe, me tryezat e përbashkëta të Aleancës për BDI, si dhe tentimet e vazhdueshme të përbashkëta të BDI-së dhe Aleancës për pjesëmarrje në një Qeveri me LSDM. 
video

Këtë çështje e ka risjellë në vëmendje edhe ish-ambasadori dhe analisti politik Arsim Zekolli ka thumbuar deputetin e BDI, Artan Grubi dhe kryetarin e LR-PDSH, Ziadin Sela. 

Retro: Ja se si deputet e PDSH-së, i mbronin interesat kombëtare (VIDEO).

Retro: Ja se si deputet e PDSH-së, i mbronin interesat kombëtare (VIDEO). 

Tuesday, March 7, 2017

Hetimet në BDI, shfaqje teatrale me regjisor të dobët

Pas paralajmrimeve nga Bashkimi Demokratik për Integrim (BDI), se vetë partia dhe lideri i saj Ali Ahmeti kanë kërkuar që të hetohet i gjithë aktiviteti i saj, funksionarëve dhe drejtuesve të institucioneve nga kjo parti dhe të ndiqen e dënohen penalisht, analisti politik Isen Saliu dyshonë në sinqeritetin e BDI-së dhe Ali Ahmetit për këtë ështje.
“Mendoj se nuk është paralajmërim i sinqertë. Si duket BDI ende nuk e ka marrë veten nga rezultatet e dobëta për ta më 11 dhjetor dhe po vazhdon të bëjë gabime të njëpasnjëshme. Tani mundohet të aktrojë llogaridhënie përmes një shfaqje teatrale me regjisor të dobët. Hetimet më të mira për punën e funksionarëve të BDI-së dhe të çdo partie tjetër, i bëjnë votuesit dhe pas këtyre hetimeve, votuesit do ta shqiptojnë “aktvendimin” më meritor në ditën e zgjedhjeve”, thotë Isen Saliu, analist politik për Gazeta Express.
Ndërsa politikologu Xhenis Sulimani thotë se po të ishte e sinqert BDI reformat do të duhet t’i niste kur në pushtet kishte persona që përmendeshin në të ashtu quajtura “bombat e opozitës”.
“Kujtojmë se si të dyshuar në rastin Magjar Telekom veç Musa Xhaferit si i dyshuar përmendet edhe kreu i vet partisë Ali Ahmeti. Kujtoj edhe vrasjen e komandant Shqiponjës, i cili pësoi dhe vra, pasi që tentoi që të ngre procesin e reformave në BDI. Reformat patjetër se janë të mirëseardhura për cdo parti dhe kontribuon në procesin e emokratizimit të partive dhe demokracisë në përgjithësi. Në parti si BDI e cila që nga ekzistimi është në pushtet është vështirë të ketë proces të mirëfillt demokratik/brendapartiak, kur dimë se procesi ka nisur me gkakderdhje, dhe se ish funksionarët dhe ata aktual tashmë kanë betonizuar vendet e tyre”, thotë politikologu Xhenis Sulimani për Gazeta Express.
Përndryshe BDI ndodhet në prag të një hetimi të funksionarëve të ndryshëm të saj që kanë pasur përgjegjësi dhe pozita zyrtare që prej vitit 2002 e deri në 2017.

Selmani: SHBA ia nxori faqen e zezë BDI-së, duke përmendur rastin e gazetës Lajm

Numri një i Shoqatës së Gazetarëve të Maqedonisë, Naser Selmani është prononcuar për Lajm TV, në lidhje me paditë e BDI-së ndaj gazetës Lajm dhe theksimin e rastit në fjalë edhe në Departamentin Amerikan të Shtetit. Në raportin e fundit për gjendjen e të drejtave të njeriut në pjesën për Maqedoninë, DASH përmend edhe rastin në të cilin BDI e ka paditur gazetën Lajm duke kërkuar dëmshpërblim prej 25 mijë eurove. Padia është për tekstin me titull “Mos u bën si BDI-ja”, ku sipas integristëve gazeta Lajm insinuon për krime të bëra të BDI-së deri sa është në koalicion me VMRO-DPMNE-në. Selmani vlerëson se me këtë SHBA-ta ia kanë nxjerrë faqen e zezë BDI-së.
“Kjo është faqja e zezë që amerikanët ia nxjerrin kësaj partie. Është e kotë që çdo ditë të pohojnë se janë partner strategjik të SHBA-së, ndërkaq në anën tjetër të hyjnë në Raportin e tyre si plan- prishës në Maqedoni, deklaroi Selmani për LajmTv.
Kryetari i BDI-së, Ali Ahmeti në çdo fushatë parazgjedhore lavdërohet me partneritetin e BDI-së me Amerikën. Mirëpo sjellja e tij dhe partisë së tij ndaj mediumeve nuk përputhet me këto lëvdata. Sipas Selmanit, nëse vërtetë janë partner të SHBA-së BDI le t’i tërheqin paditë ndaj gazetës Lajm dhe kryeredaktorit Isen Saliu.
“Një thënie thotë: Ujku qimen e ndërron, zanatin nuk e harron. Prej marksist- leninistave demokratë nuk bëhen. Raporti i fundit i Stejt Departamentit dëshmon se BDI është pjesë e sistemit të ushtrimit të presionit ndaj medias. Atë që ne e shprehim vazhdimisht Stejt Departamenti Amerikan e konfirmoi. Mendoj se pas hyrjes në listën e zezë të Xhevat Ademit, kjo është shuplaka e dytë që SHBA ia bën publikisht BDI-së”, thkson kryetari i SHGM-së.
Mediumet në Maqedoni, me disa përjashtime, si rrallë herë deri tani kanë bojkotuar pjesën e raportit të Departamentit Amerikan, në pjesën që ka të bëjë me presionin ndaj mediumeve. Sipas Selmanit, kjo tregon se disa pronarë dhe kryeredaktorë median e shndërrojnë në mjet propagande për pushtetin.
“Kjo është një dëshmi e fuqishme se në çfarë halli kanë rënë mediat në Maqedoni. Kjo është edhe një konfirmim se media në Maqedoni nuk është e lirë. Ata nuk janë në gjendje të distribuojnë lajme që janë të rëndësishme për gazetarët dhe vet median. Atëherë kur ata nuk janë në gjendje të shfrytëzojnë pozitën që kanë, që të promovojnë qëndrimet apo pozitën e shqiptarëve në Maqedoni. Kjo është një situatë e mjerë. Media nuk është e gatshme të përballet me gjendjen e mjerueshme në të cilën punojnë. Çështja e lirisë së mediave nuk është vetëm presioni që ushtron Qeveria ndaj medias, por është edhe një pranim i vullnetshëm i disa pronarëve dhe kryeredaktorëve që median ta shndërrojnë në mjet propagande për pushtetin në Maqedoni”, shton Selmani.
Ndryshe në fund të muajit shkurt ka filluar edh enjë proces tjetër gjyqësor kundër gazetës Lajm. Kësaj radhe bëhet fjalë për një padi personalisht nga kryetari i BDI-së Ali Ahmeti kundër Lajmit dhe kryeredaktorit Isen Saliu. Në këtë rast, kryetari i BDI-së poashtu kërkon dëmshpërblim prej 25 mijë eurove, me çka shifra e përgjithshme shkon në 50 mijë euro. E gjithë kjo ndodh në kohën kur BDI është pjesë e qeverisë që ka ndarë milion euro reklama qeveritare për mediumet maqedonase, që vazhdimisht emitojnë emisione serbe./LajmTV 

Kongresmeni amerikan: Si po përfiton Moska nga kriza në Maqedoni

Rusia mund të përfitojë nga paqëndrueshmëria politike në Maqedoni për të tentuar rimarrjen e një pjese të territorit të Ballkanit që humbi pas kolapsit të Bashkimit Sovjetik.
“Paralajmërimi vjen nga kongresmeni republikan, Peter Roskam. Më e pakta që mund të bëjnë rusët është roli provokativ”, tha ligjvënësi amerikan për “Washington Examiner”.
“Duket se kjo është loja e vjetër e Moskës: të krijojë përshtypjen e rreme të trazirave ose t’i shfrytëzojë në maksimum kur ato ekzistojnë vërtet”, shprehet ai.
Në rastin aktual, Maqedonia është e pastabilizuar dhe rusëve po u pëlqen të nxjerrin përfitim nga vështirësitë e saj. “Komentet e Moskës mbi gjendjen në Shkup janë saktësisht të njëjta me fjalët që dëgjuam nga rusët përpara pushtimeve të tyre në Osetinë e jugut apo Donetsk dhe në disa pjesë të Gjeorgjisë e Ukrainës”, kujton kongresmeni.
“Ndërhyrja e Rusisë në Ukrainë kishte për qëllim mbështetjen e liderit pro-rus të saj, i cili do të zëvendësohej nga një qeveri e prirur drejt Perëndimit. Nuk e di cilat janë planet e Kremlinit”, vazhdon ligjvënësi, “por nëse e shkuara mund të shërbejë si prelud, atëherë duket se kjo është ajo lloj klime kur rusët mund të thonë: ‘tani, ne zgjedhim të lëvizim’.

Orhan Ibrahimi : Ku qëndron faji? Te ata (maqedonasit) apo te ne (shqiptarët)!

Shkruan nënkryetari i PDSH-së z.Orhan Ibrahimi : 
Nuk duhet të habitemi dhe të befasohemi nga këto pamje të maqedonasve. Koncepti i filozofisë politike dhe rregullimi juridiko-kushtetues i këtij shteti në të kaluarën dhe tani i ka bërē institucionet shtetërore dhe maqedonasit të tillë. Sot e shohim VMRO-në kurse dje LSDM-ja i vuri zjarrin Ambasadës së SHBA-së, përshkak se NATO e bombardonte Sërbinë.
Raste e raste, momente e momente të tilla kemi përjetuar dhe parë : kërcnime dhe ndjekje, dhunë dhe burgosje, eksploatim dhe shfrytëzim, vrasje dhe gjenocid.
Po sot, ku qendron faji ?
Te ata (maqedonasit), apo te ne (shqiptarët) !
Pas 2001-it, kur na çlliroi dhe i bëri Shqipëri, tokat shqiptare nën Maqedoni, Aliu ?!
Pasi Ai (Ali Ahmeti) e solli lirinë dhe asesi nuk po mundemi ta shijojmë atë, e kurse për 17 vite rresht, dhjetra herë e zyrtarizoi gjuhën shqipe ?!
Po kush është fajtori ?
Sot kur Shqipëria është në NATO dhe Kosova e lirë dhe shtet i pavarur ?!
Sot të hartohet një deklaratë (fasadë, anakronike, që nuk godet konceptin shtetëror të Maqedonisë. E keni parasysh, Maqedonia është i vetmi shtet në Europë, me përbërje heterogjene etnike, me këtē rregullim anakronik kushtetues) nga një pjesë e klasës politike shqiptare e cila tentohet të na shitet si platformë historike dhe e unifikimit të faktorit politik shqiptar ?!
Maqedonia dhe institucinet shteterore janë të kapura nga klasa politike maqedonase ( Lidhja Komuniste e Maqedonisë alias LSDM-ja dhe VMRO-ja ).
Kur sot klasa politike maqedone luan me kartën etnike, shqiptarët duhet urgjentisht të hartojnë një platformē politike kombëtare. Ku për bazē duhet te mirret Platorma Politike e PDSH-së. E them me të vetmin qëllim, sepse kjo platformë politike është e hartuar mbi teoritë shkencore politike, duke marrë për bazë dhe si modele shtetet më moderne demokratike ne Europë (Bosnjën, Kosovën, Qipron, Belgjikën, Finlandën etj), ku përbërja e popollatës është multietnike.
Vetëm vendimarrja politike me koncensus ( parlament dy dhomësh, veto etnike) e demokratizon, e reformon,e bën të barabart, e bën që të egzistojë dhe e bën shtet europian, Maqedoninë.
Vetem Koncensusi Politik i sjell lirinë dhe mirëqenien shqiptarëve. Gjuhën shqipe e bën gjuhë zyrtare, gjuhë pune në shtet. Ndërpret eksploatimin dhe plaçkitjen, bën shpërndarjen e drejtë dhe proporcionale të buxhetit shtetëror.
Pa Koncensus Politik nuk ka të ardhme Maqedonia!./Ditari.mk/

Monday, March 6, 2017

SULEJMAN REXHEPI I PADËSHIRUESHËM PËR TË GJITHA SHTRESAT MYSLIMANE

Nga sondazhi mbi besueshmerine ndaj BFI në RM
Shkruan Rexhai Aziri
Sulejman Rexhepi do të mbahet mend si vjedhës, si tradhëtar, si bashkëpunëtor i shërbimeve sekrete. Me punën e tij gati qind për qind të myftinive nuk janë të kënaqur, kurse 98% e imamëve të anketuar nuk besojnë në punën e Rijasetit
Nga një sondazh i realizuar nga UFO Consulting e Tiranës, përmes degëve të veta CG PEMA në Ferizaj dhe Asociacioni kulturor Dinjiteti në Tetovë, dalin disa rezultate mjaft brengosëse. E mira e kësaj iniciative është se do të vihet një praktikë për ta motivuar sa më shumë transparencën e veprimeve të BFI-së, gjegjësisht të organeve të saj, si dhe do të analizohen vit për viti punët e këtyre organeve. Urojmë që rezultate të këtilla kaq dëshpëruese asnjëherë të mos përëriten dhe asnjëherë të mos jenë kaq deinkurajuese si ky i këtij sondazhi.
Natyrisht, gjetjet e një analize varen më së shumti nga pyetësori, të cilën kësaj radhe UFO Consulting e ka përpiluar në mënyrë shumë profesionale dhe tepër objektive. Të tri kampionet që testohen në këtë sondazh, opinioni, imamët dhe nëpunësit e organeve-myftinive të BFI-së, janë shumë të sinqertë dhe nga përgjigjet e tyre krijohet edhe përshtypja reale se me këtë Institucion më të lartë fetar në vend diç nuk është në rregull.
Gjetjet e këtij sondazhi në mënyrë të përmbledhur mund të jepen me disa fjalë kyçe: imazh negativ i udhëheqjes aktuale të BFI; pakënaqshmëri e lartë me jetën fetare në vend, me organet drejtuese të instucioneve fetare në vend; aktivitete negative dhe antifetare karakterizojnë aktivitetet dhe natyrën e insitucioneve fetare dhe veprimatitë e tyre; besueshmëri shumë e ulët në institucionet fetare.
Në një kohë kur pritet që një prijës fetar të njihet nga popullat nëpërmjet aktiviteteve fetare dhe humane, në kundërshtim me këtë pjesa më e madhe e të anketuarve (85%) raportojnë se e njohin nga aktivitetet e tij të dyshimta.
Përqindje të lartë të të anketuarve (88%) konfirmojnë se veprimtaria e Rijasetit të BFI-së nuk është aspak në harmoni me interesat kombëtare.
Ndërsa emri i një prijësi fetar në mbamendjen e besimtarëve duhet të asocohet me imazhin e liderit, e kundërta ndodh me emrin e Sulejman Rexhepit, ku të anketuarit janë përgjigjur se do të kujtohet si vjedhës (40%) si tradhtar (33%) dhe si i akuzuar si bashkëpunëtor i UDB-së (21%). 
Nivele të larta pakënaqshmërie me punën e Reisul Ulemasë aktual e shprehin myftitë, afërsisht 100% e myftive aspak të kënaqur/pak të kënaqur. Këto nivele të larta të pakënaqshmërisë së myftinive ndaj punës së reisul ulemase aktuarl nuk flasin vetëm për atë se këta organe janë në po të njëjtën vijë pakënaqësie me besimtarët e rajonit të vet që e kanë kundrejt Sulejman Rexhepit por, si organe kolektive që janë më tepër dëshmojnë një hipokrizi apo edhe një kapje nga Sulejman Rexhepi të cilit gjithnjë i shprehim besueshmëri, ndërkohë që anketimi i tyre e tregon anën e kundër të medaljes.
Në nivele të larta pakënaqshmërie (88%) për zhvillimin e jetës fetare në vend e shprehin edhe imamët, të cilat gjithashtu (99%) raportojnë pakënaqshmëri në mbrojtjen e interesave dhe e dinjitetit të tyre nga ana e BFI dhe pakënaqshmëri të lartë (93%) me punën e mytinive.
Pjesa më e madhe e të anketuarve në myftini (72%) pohojnë se janë të gatshëm tju bashkangjiten lëvizjeve për ndryshim në BFI, kur në të njëjtën kohë i njëjti grup i të anketuarve bëson (31%) se tejkalimi i problemeve të BFI-së mund të bëhët nëpërmjet një lëvizje të përgjithshme imamësh dhe 28% bësojnë se Nisma për Reforma në BFI, mundt të jetë alternativa e duhur në tejkalimin e situatës.
Nëse mbetemi në të njëjtën linjë pyetjesh, imamët listojnë tre dukuri antifetare që janë më të dukshmë në BFI. Opinionet e tyre tregojnë se veprimtaritë antifetare që kryesojnë listën janë: veprimtaritë joinstitucionale e raportuar nga 80% e të intervistuarve; nepotizmi (73%); vjedhja (60%); korrupsioni (50%)  
Shqetësuese janë nivele të larta të mosbesimit te të dyja institucionet, rijaset e myftini, edhe pse prapë ka një dallim ku rijaseti ka shkallë shumë më të lartë të mungesës së besimit. Si besimtarët ashtu edhe imamët priren të besojnë më shumë në muftini se rijaset.
80% e besimtarëve besojnë aspak te Rijaseti, ndërsa i njëjti tregues për besimin te Myftinia është 53%. Edhe Imamët duket se besojnë më shumë në Myftini se në Rijaset, 85% besojnë pak dhe aspak te myftinija ndarja 98% e të intervsituarve besojnë pak ose aspak në Rijaset.


Në pyetjen A e meritojnë myslimanët e vendit një udhëheqësi si kjo e sotit e BFI-së, pjesa më e madhe e tyre, 92% shprehen negativisht, që JO. Ndërsa vetëm 5 % mendojnë se myslimanët e meritojnë drejtimin e sotëm të BFI dhe 3% nuk kanë opinion në lidhje me këtë.