Translate

Tuesday, November 29, 2016

Kush po rren, reklama e BDI-së apo Artan Grubi? (Video)

Në një nga reklamat e BDI-së, të përgatitur për zgjedhjet e 11 dhjetorit thuhet se në Maqedoni ka 20 mijë shqiptarë të punësuar në administratë.
“Unë dhe 20 mijë administratorë shqiptarë flasim shqip”, thotë mes tjerash vajza simpatike, duke iu drejtuar nga sporteli burrit të moshuar shqiptar dhe duke dashur që këtë ta prezantojë si sukses të BDI-së.
Mirëpo me të dhëna tjera është paraqitur kandidati i BDI-së Artan Grubi. Në fjalimin skandaloz në konventën e BDI-së, ku thirrja e Grubit “UÇK, UÇK” u bojkotua nga salla (askush nuk e kishte të qartë se çka e lidh Grubin me UÇK-në), Grubi mes tjerash ka thënë se BDI ka punësuar 25 mijë administratorë. “Lajm” ka pritur një javë e tepër, duke shpresuar se BDI do të tregohet serioze dhe do të kërkojë falje për njërën gënjeshtër (vajza nga reklama nuk flet kokë më vete, por sipas tekstit të shkruar nga shtabi zgjedhor i BDI-së).
Po të ishte kapur në rrenë para opinionit maqedonas, ndoshta BDI do të ishte paraqitur me reagim. Nëse jo me kërkim falje, së paku me ndonjë sqarim se janë nxjerrë nga “konet(k)sti”, siç u ka ndodhë shpeshherë.

0 comments :

Post a Comment