Translate

Sunday, April 3, 2016

Opinion: Nëpër Ferizaj po vlojnë “bombat”

Prokuroria e përgjithshme si dhe ajo Specialja kanë bërë të qartë se publikimi i këtyre “bombave” është i dënueshëm edhe me burgim. Kurse përfolja e këtyre përgjimeve është “free”! Kushton vetëm sa një USB.

Nga Sabedin Krasniqi

Ali Ahmeti, por edhe funksionarët e tjerë të BDI-së, po mundohet ta relativizojnë peshë n e përmbajtjeve skandaloze të “bombave” të Zajevit, duke thënë se, tashmë këto “bomba” gjenden nëpër duart e kriminelëve të ndryshëm. Ali Ahmeti dhe funksionarët e tij dijnë diçka, janë në pozita prej nga më lehtë mund të vijnë deri te informacioni. Madje janë në gendje që si GPRS-ja ta lokalizojnë edhe vendin se ku vlojnë këto “bomba”. Po flitet se Ferizai është spic me bomba!
Çdo qytetar që vjen nga Frizai po pritet, si ktunihershi Sali e Feriz Krasniqi, mblidhen rreth ferizajasit dh, drejt e në temë: “Allahile, a ka plas naj bombë e re se ne ktu mezi po presim me marrë vesh naj send”, pyesin shqiptarët e Maqedonisë.
Qarkullojnë lloj-lloj rrëfimesh, lloj-lloj hot-bisedash pornografike. Natyrisht, pornostari më i madh gjithnjë mbetet Musa Xhaferi dhe Beqir Hasani. Edhe për Izet Mexhitin ka mjaft bomba, madje flitet se, ka prej të rinjëve ferizajasë që do të kërkojnë nga Izeti të hap punktin e shitjes së “miellit të bardhë”, ngjashëm siç do ta kërkojnë edhe nga Blerim Bexheti të hap një punkt të atillë për kosovarët që do të vijnë nga Jazhina për në Shkup!
Hot-biseda tepër të ulta janë edhe ato të Artan Grubit që, siç flitet nëpër lokalet e Ferizajit, u siguron femra shqiptare “atsh”-ve të huaj, plus edhe ndonjë “cigare” ekstaze. Ata që po i dëgjojnë këto “bomba” po thonë që, nuk janë për t’ju reaguar, madje as për t’u përpjekur për ta justifikuar veten, apo për t’i mohuar si montime të shërbimeve të huaja. Ofkëllimat seksuale dhe përshkrimi i dimensioneve të organit gjenital, nuk janë montime të shërbimeve të huaja.
“Në listë të zezë” janë sidomos ata funksionarë që për interesa personale, për një pazarë të mirë, heqin dorë nga interesi kombëtar. Madje flitet për një përgjim ku urdhërohet Ermira Mehmeti të mos prezantojë në sallë (të BE-së) kur do të votohet një rezolutë për Kosovën, sepse pala serbe paskësh kërkar kështu! Nëse kjo është montazhë e shërbimeve sekrete serbe, a është montazhë edhe mosprezenca faktike e Ermira Mehmetit në sallë pikërisht në momentin kur votohet për Kosovën. (Për këtë probem kanë shkruar mjaft shumë medat shqiptare)!
Shumë, por ama tepër shumë janë muhabetet që qarkullojnë edhe për Sulejman Rexhepin, si personazh i shpeshtë nëpër këto “bomba”! Janë shpeshtuar këto muhabete që kur Sulejman Rexhepi publikisht mohoi faktin që njihet apo që ka bashkëpunuar ndonjëherë me Zahir Beqirin, Alias Çaushin! Kohëve të fundit, siç u përfol edhe në një shkrim që fliste për mbledhjen e fundit të FSHI-së, ku është dëgjuar Mulla Sula tek e shanë me nënë e me baba Çaushin, shihet qartë se Reisul Ulemaja ynë nuk është i qetë, tepër shumë e ngacmon të qenurit gjallë të Zahir Beqirit! Muhabetet që po vijnë nga Ferizai flasin se edhe duhet ta urrejë këtë të pafat që tashmë po dergjet në burgin e Shutkës. Flitet se si është dëgjuar një “bombë” tek komunikojnë Sulejman Rexhepi me Çaushin rreth disa autorizimeve që Mulla Sula do tía japë në emër të BFI-së. Bëhet fjalë për autorizime në të gjitha gjuhët, përmes të cilit dëshmohet se Zahir Beqiri është caktuar nga BFI si thithës i fondeve të ndryshme nga mbarë bota për BFI-në. Më tutje ato fonde duhet të menaxhohen bashkë me Mustafa Dautin, kryetarin e OH HILAL që funksionon pranë BFI-së. Po si i paskan menaxhuar? Natyrisht, nga bisedat e përgjuara flitet se fondet që i kanë mbledhur përmes thirrjeve interne që të ndihmohet BFI në mirëmbajtjen e Medresesë dhe të FSHI-së, pra ato fonde pastaj të futen nëpër banka turko-arabe me dedikim për ndihmë humanitare. Hilali dhe Mustafa ndihmojnë hallexhinjë nëpër botë?! Natyrisht, shpëlarje parashë pa shpenzuar për tatime, sepse ndihmat humanitare nuk iu nënshtrohen tatimeve! Përfolet edhe për një bisedë të shefit të kabinetit të Mulla Sulës, Agroni, i cili i thotë njëfarë “mjeshtër Hasanit” t’ia përgatitë orenditë për zyren e Zahir Beqirit në BFI dhe ta shkruajë fakturën prej 7 500 euro! Mjeshtër Hasani i thotë se nuk kushtojnë më shumë se 650 por Agroni i thotë që kështu ta fryejë çmimin se kështu ka kërkuar reisul ulemaja, i cili me këtë fakturë të fryer në fakt siguron rrogën për Zahir Beqirin. Për më keq, përfliten edhe bombat ku Mulla Sula dëgjohet tek zhvillon hot-biseda më të ftohta se ato të mikut të tij të shpirtit, Musa Xhaferit.

Prokuroria e përgjithshme si dhe ajo Specialja kanë bërë të qartë se publikimi i këtyre “bombave” është i dënueshëm edhe me burgim. Kurse përfolja e këtyre përgjimeve është “free”! Kushton vetëm sa një USB. Kurse po thonë që Ferizai vlon nga USB-të e këtilla përplot me përgjime. Po flitet se një seti i përgjimeve të tjera, edhe më të rënda, po sillen në Dibrën e Vogël! Rrenë qoftë!

0 comments :

Post a Comment