Këshillit për Fetva të BFI-së, a doli prej feje Molla Sula?

Mediat dje njoftuan se në fshatin Saraj u vendos busti i veprimtarit dhe patriotit shqiptarë Isa Boletini ku pjesëmarrës ishin krerët e BDI, Ali Ahmeti dhe Bashkësisë Fetare Islame, Sulejman Rexhepi. Ky ceremonial u kritikua nga shumë intelektual, politikan, hoxhallarë, historian etj. Ajo çfarë i la gojëhapur mbarë opinionin ishte veprimi i Sulejman Rexhepit dhe muftive të BFI-së, ku sipas tyre Sulejman Rexhepi i paska kry të gjitha punët dhe i kanë mbetur vetëm përmendoret dhe muzika. Shumë hoxhallarë në faqet e tyre të facebook por edhe nëpër portale dhe rrjete të tjera sociale qarkullojnë kritika dhe fyerje në adresë të Sulejman Rexhepit për shkak të përkuljes dhe shpalosjes së një busti apo shtatoreje që sipas fesë Islame janë veprime të ndaluara dhe të njejtat largojnë njeriun nga feja. Kritikat kanë vazhduar edhe sot gjithandej bile me lloj lloj publikimesh që të gjitha duke ia tërhjekur vërejtjen kreut të BFIM. Në këtë institucion ekziston Këshilli për Fetva, andaj qytetarët presin nga ata që të dalin me deklarata dhe të sqarojnë se një veprim i tillë kreun e BFI e nxori nga feja islame apo akoma është në rradhët e muslimanëve? Apo ndoshta ky këshill nuk është i BFI por i Sulejman Rexhepit dhe duhet edhe më tej t’ia mbulojnë veprimet antiislame njeriut që e kanë mbuluar skandalet dhe turpet vitet e fundit. Në disa reagime dhe kritika të publikuara nga hoxhallarë hasim se qortimi i tyre në adres të kreut të BFI është i ashpër dhe me plotë të drejt. Kur dihet se pikërisht hoxhallarët janë ata që largojnë njerëzit nga idhujtaria e jo të jenë pjesëmarrës në vendosjen e tyre, hasej në publikimet e tyre./fokusinews