Translate

Wednesday, December 30, 2015

SKANDALI ME PASAPORTAT FALCO DO TË ZBARDHET

Krimi, gjykatat, rastet e montuara, bombat dhe korrupcioni janë disa nga çështjet më të rënda dhe të mëdha që po ballafaqohet Maqedonia. Këto konsiderohen edhe faktorët kryesor që po fusin në krizë vendin në aspektin politik, ekonomik dhe ndëretnik. Edhe rajoni po ballafaqohet nga këto probleme, andaj nuk kanë munguar marrja e masave dhe burgosja e shumë funksionarëve shtetëror si dhe strukturave të ndryshme të përfshirë në krim të organizuar dhe në korruptsion. Në Maqedoni edhe pse janë evidente si krimi, kriminaliteti, korrupsioni, rastet e montuara si“ Monstra”, “ Kumanova”, etj, akoma nuk janë marrur aq sa duhet masa në interest ë shtetit dhe qytetarëve. Megjithatë këto priten të ndodhin së shpejti pasi që është paralajmëruar edhe nga institucionet e shtetit. Falsifikimi i letërnjoftimeve është njëri nga krimet më të mëdha që ka ndodhur gjatë këtyre viteve të fundit ndoshta edhe që nga pavarësia e Maqedonisë. Pikërisht në fabrikëne Zahir Bekiri-Çaushi tani më i arrestuar ku janë bërë falsifikimet e letërnjoftimeve janë gjetur edhe pasaporta të maqedonisë falco për qytetarë turq lidhur me shkuarjen e tyre në Haxh. Sipas gjithë asaj që po thuhet nëpër media këto pasaporta kanë qenë të përgatitura me porosi siç flitet edhe pse jo e konfirmuar nga Sulejman Rexhepi, kreu i BFI-së. Sulejman Rexhepi është i njohur për gjëra të tilla meqë edhe Stedepartamenti Amerikan e kritikoi për shitje të vizave të haxhit, por gjithashtu edhe mënyra e marrjes së vizave kishte ndryshuar pasi që autoritetet e Arabisë Saudite kishin kuptuar se në Maqedoni ka qytetartë turq që marrin viza përmes manipulimeve. Prokuroria ka procesuar këtë lëndë, andaj e vërteta pritet të mësohet shpejt dhe të mësohet se për kë Zahir Bekiri- Çaushi i ka përgatitur pasaportat? Krimet e organizuara po përcjellen edhe nga faktori ndërkombëtar, nga UE, ambasada e SHBA, etj. Maqedonia duhet të reagojë më shpejt për të ndërprerë gjithë këtë që po ndodh në vend meqë krimi po rrënon shtetin.


0 comments :

Post a Comment