Dikush jo vetëm
që po tallet me Institucionin fetar por po tallet edhe me Institucionin më të
lartë kombëtar. Zhurnalit, Akademisë kombëtare por edhe mbarë mslimanëve të
vendit dikush duhet t’ju kërkojë falje, sepse është një tallje që nuk durohet
Shkruan H.
Ibrahim ef. Shabani
Sot,
gjatë tërë ditës, kam pasur dhjetra telefonata nga mediat e ndryshme të vendit.
Meqë nuk kanë arritur të marrin kurrfarë përgjigje nga BFI lidhur me një
dezinformatë të turpshme të cilën e lansuan dje papagajt e Sulejman Rexhepit, kërkonin
edhe mendimin tim, si udhëheqës i Nismës për reforma në BFI.
Dje,
shërbimi për informim i BFI-së liferoi një dezinformatë në portalin tonë kombëtar
dhe mjaft të respektur, zhurnal.mk! U shkaktua një huti e madhe, ndërsa deri në
orët e vona, zhurnali i dha një hapësirë të respektueshme këtij lajmi! Nuk
hyhej në faqen kryesore të këtj portali pa u përballur së pari me reklamën njëfaqëshe
që prezantonte foton e uzurpatorit të postit të reisit të BFI-së, Sulejman
Rexhepit, dhe që infrmonte se “në këto çaste Akademia e Shkencave dhe Arteve të
Shqipërisë po ia ndanë dekoratën “Imazhi i Kombit” Sulejman Rexhepit! Ky ishte
lajmi që po i intrigonte kaq shumë mediat e vendit, si ato në gjuhën shqipe po
ashtu edhe ato në gjuhën maqedonase.
Natyrisht,
që në fillim këtë lajm e mora si truk të Sulejman Rexhepit i cili për momentin
ka etje të flaktë për një përkrahje serioze në veprimarinë e tij të ulët.
Pastaj, fillova të dyshoj edhe në sinqeritetin e njerëzve të shërbimit për
informim pranë BFI-së të cilët jo që janë dëshmuar gjithë këtë kohë si amatorë,
si gënjeshtarë e të pandershëm por, janë treguar edhe si matrapazë të të vetëquajturit
“reis”. Dikur fillova të lexoj edhe komente që thoshin se ekziston mundësia të
ketë gjetur Mulla Sula ndonjë pseudoakademik i cili është në gjendje ta keqpërdorë
hapësirën e Akademisë dhe t’ia dhurojë ndonjë “dekoratë” të tillë duke paguar
15 mij euro! Dorën në zemër, më së paku
e besova këtë variant, sepse, po ta merrja të mirëqenme këtë reagim atëherë dhe
unë do të solidarizohesha me të gjithë ata, përfshirë edhe Mulla Sulën me njerëzit
e tij, që hedhin gurë e baltë mbi Institucionin më të shenjtë kombëtar,
Akademinë e Shkencave të Shqipërisë! Gazetarët e Mulla Sulës dezinformojnë nga
vendi i ngjarjes, edhe për ngjarjen por shprehin edhe dilentantizmin e tyre
duke mos ditur se në Shqipëri nuk ka Akademi të Shkencave dhe Arteve por ka vetëm
Akademi të Shkencave të Shqipërisë.
Nejse!
Më në fund, pas disa analizave të mia, erdha në përfundim se krejt kjo është
vetëm një gënjeshtër e radhës, tepër e ulët dhe e pakrip, e Sulejman Rexhepit
Sepse, nuk më rezutoi askund që një personalitet kombëtar, që nga Skënderbeu e
këndej të jet dekorar me “Imazhi i Kombit”! Pastaj, një personalitet me një
dekoratë të till patjetër që duhj të pritej menjëhere nga Presidenti i Shtetit,
nga Kryeparlamentari dhe nga Kreministri i shtetit. Paraprakisht, mungonte
subjekti që e kishte nominuar këtë farë personaliteti për një dekoratë të tillë.
Dhe, fare në fund, lajmi i fundit që ishte i regjistruar si veprimtari e
Akademisë shqiptare ishte 4 dhjetor i ketij viti! Tërë ditën nuk u përditsua
faqja e lajmeve dhe aktiviteteve. Të mos shënohej ky dekorim aq prestigjioz,
nuk ma merrte mendja. Pastaj, tërë ditën, në asnjë portal, në asnjë faqe gazetë,
në asnjë sekond televiziv nuk u kumtua lajmi se Sulejman Rexhepi na u dekorua
“Imazh i Kombit”! Tani ndjehem shumë i lehtësuar dhe shpirtërisht rehat, sepse,
në t gjitha telefonatat jam përgjigjur se së shpejti do të kuptoni që kjo është
gënjeshtër e radhës e Sulejman Rexhepit. Dhe, kështu ndodhi!
Në
mbrëmje doli lajmi i vërtetë. Në hapësirat e Akademisë së Shkencave të Shqipërisë,
Forumi “Imazh dhe media” paska organizuar një simpozium rreth tolerancës fetare
te shqiptarët, në të cilën kishin ligjëruar të katër kryeklerikët shqiptarë të
Shqipërisë, përfshirë edhe Sulejman Rexhepin, i cili, pas kësaj gënjeshtre
duhet ta heq atë çallmë nga koka e tij përplot intriga. Dhe në fund, po ky
Forum (organizatë joqeveritare), i dekoron të katër klerikët me motivacion
“Imazhi shqiptar në harmoninë fetare”.
Kjo
është e vërteta! Dhe tash? Kush do të kërkojë falje publike para Zhurnalit që e
futën në lajthitje duke e publikur një dezinormatë të tmerrshme? Si do të shfajësohet
para Akademisë shqiptare Mulla Sula dhe stafi i tij i cili raportoi nga vendi i
ngjarjes duke përcjllë një dezinformatë tepër të turpshme për këtë Akademi.
Kush do të mbajë përgjegjësi për zhgënjimin e dashamirëve të Sulejman Rexhepit
të cilët u ndjenë krenarë kur “reisi” i tyre “u dekorua nga Akademia e
Shkencave Shqiptare”!
Kjo
nuk është vetëm dezinformatë! Kjo nuk është vetëm amatorizëm i rëndomtë! Është
më se një skandal i cili e ka rrënuar tepër shumë reputacionin e Akademisë
Shqiptare. Nëse jo Sulejman Rexhepi, dikush duhet të japë përgjegjësi penale për
këtë dezinformatë skandaloze. Dikush jo vetëm që po tallet me Institucionin
fetar por po tallet edhe me Institucionin më të lartë kombëtar. Zhurnalit,
Akademisë kombëtare por edhe mbarë muslimanëve të vendit dikush duhet t’ju kërkojë
falje, sepse është një tallje që nuk durohet nga askush.
(Autori është Myfti legjitim i Myftinisë së Shkupit
si dhe kryetar i Nismës për reforma në BFI të RM-së)
Comments
Post a Comment