Translate

Thursday, December 24, 2015

Një përgjigje “shkurt e shqip” nga kryetari i Studeniçanit Azem Sadiki (VIDEO)

Të martën kur u bastisën dhjeta vende, dhe u arrestuan 19 persona gjatë operacionit Gjeodet, u apostrofua se në këtë aferë ku dyshohet se u keqpërdorën afro 14 hektarëve tokë ndërtimore, është edhe një kryetar komune. Në media u përfol se ai mund të jetë Azem Sadiku i PDSH-së, i cili drejton Studeniçanin. I hatruar pse pa emrin e tij në medie, ai thotë për TV21, se dikush po tenton që politikisht ta ngjyros këtë skandal.
“Bëhet fjalë për tentim diskreditim politik për personalitetin tim dhe ekipit tim të komunës. Unë ju deklaroj publikisht, në TV21, në asnjë mënyrë ose momente nuk kemi keqpërdorur as postin tim dhe detyrën”, thotë ai.
Sipas tij, pretendimi se me një shtëpi në fshatin Moranë është bërë dallavere me dokumentacion, dhe se për këtë ka fajin kryetari, është akuzë e paqëndrueshme.
Mirëpo pavarësisht kësaj, Sadiku thotë t’ia ketë sqaruar policisë para dhjeta ditë, se dikush po falsifikon nënshkrimin e tij të kryetarit të komunës. Këtë gjë ai nuk heziton ta konfirmojë edhe para kamerës.
“Bëhet fjalë për një shtëpi banimi, që ka morën leje për ndërtimi, sipas ligjit që ju kanë mundësuar gjithë qytetareve në fshatin Moran. Për të bërë ndenje tentim për falsifikim në emër të komunës se është marrë vërtetim në emrin tim, mirëpo këtë e kemi vërtetuar pasi policia në komunë, para dy muaj kemi dhënë deklaratë se ai nënshkrim nuk është dhënë nga komuna ose nga unë ase administrata”, shtoi Sadiku.
Kryetarin e komunës së Studeniçanit, Azem Sadiku, sqaron se vet ka alarmuar policinë për falsifikim të nënshkrimit të tij. Madje ai shton, se që nga tetori nga organet e rendit ka marr konfirmimin se dyshimi për falsifikim ishte i bazuar, dhe se policia është duke hetuar këtë aspekt. Madje thotë se ka dokument zyrtar që vërteton këtë. Ndërsa këmbëngul se po nuk u sqarua policia për këtë gjë, atëherë ai do ta publikojë dokumentin e policisë, pavarësisht mundësisë për të komprometuar hetimet e prokurorisë në këtë rast./ExPress.mk

0 comments :

Post a Comment