Translate

Monday, December 28, 2015

NISMA: Dikush në cilësi të zëdhënësit të BFI-së, dezinformon opinionin

Nisma për Reforma në BFI e RM në një komunikatë për mediat drejtuar qytetarëve musliman thonë:
Të nderuar besimtarë, vëllezër e motra!
Ju jeni dëshmitarë se deri më tani kemi publikuar vërejtje të shumta kundër udhëheqësisë aktuale të BFI-së e RM dhe thuaja se nuk jemi demantuar për asgjë! Këtyre ditëve dikush në cilësi të zëdhënësit të BFI-së, mjaft i njohur edhe për ju përmes skandaleve, ishte munduar të dezinformon opinionin përmes gazetës Dnevnik ku mes tjerash është munduar që të na lidh neve me njërin nga të arrestuarit me rastin e aferës "fabrika e falsifikimi të dokumenteve"! Me këtë rast, zëdhënësit të BFI-së i përkutojmë se i arrestuari Zahir Bekiri në mbledhjen e parë konstituive të OH Hilal, zgjedhet anëtar i Kryesisë së kësaj organizate! Dje dhe sot përmes mediave po mësojmë se z. Bekiri po akuzohet për falsifikime edhe të pasaportave për shtetas turk për t'u mundësuar marrjen e vizave të haxhit. Nëse diçka e këtillë rezulton të jetë e vërtetë, ne nuk kemi çfarë të flasim, sepse duhet ta lëmë të flas i arrestuari! Ai, pa dyshim se do të duhet të tregon se nga kush ka qenë i porositur për të përgatitur të njëjtat! Nisma për reforma në BFI shpreson që e vërteta të dal në shesh dhe se organet e drejtësisë do ta kryejnë punën e vet!

0 comments :

Post a Comment