Translate

Saturday, October 3, 2015

SULEJMAN REXHEPI E BЁN HARAM SADAKANЁ E MYSLIMANЁVE

Çka kërkoi një kamion i bardhë, i madh i plehërave nga “Komunalec”-i i Shkupit, me targat SK 136 UN, i cili pak para mesnate iku nga oborri i Bashkësisë Islame në RM. Erdhi për ta zbrazur arkivin e BFI-së? Jo! Sepse nuk ekzison arkiv i BFI-së. Kamioni i plehërave e mori me vete sadakanë e myslimanëve, hejdien e tyre për medresantët tanë, i mori lëkurat e kalbura të kurbanëve
Shkruan: Salush Aliu
Edhe një dëshmi e gjallë dhe e freskët që flet se, Sulejman Rexhepi, reisi i dhunshëm, nuk brengoset fare për pasurinë kolektive të myslimanëve të vendit. E shkatërroi vakëfin, e vodhi, e sakatosi buxhetin e BFI-së, paraprakisht duke e ditur se së shpejti Fakultetin e Shkencave Islame do t’ia varë më qafë buxhetit shtetëror. Shumë shpejt do ta “rahatojë” edhe Medresenë Isa Beu, ndaj dhe, buxheti i ngritur tradicionalisht nga aksionet fetare islame, përfshirë këtu edhe lëkurat e kurbanëve, do të jetë një grazhd ekskluziv për familjen Rexhepi. A do t’ia arrijnë këtij idiotizmi, mbetet për t’u parë.
Është nënvizuar disa herë, nëpër opinione e reagime të ndryshme se, Sulejman Rexhepi po abuzon shumë keq me të ardhurat nga aksionet fetare islame. Ndërsa krejt këtë e kamuflon duke ua lënë që t’i zhvillojnë pulenët e tij pakurrizorë, rezilçiqët e vegjël. Në këtë vazhdë, duke mos dashur që të ngelë peng i zhvillimit të tendereve të përcaktuar me ligjet përkatëse të vendit, duke dashur që t’i shmanget vetë këtij obligimi ndërsa t’i ngarkojë të tjerët që tashmë kanë dëshmuar se mund të flijohen si një qime bythe për Sulejman Rexhepin, ky i fundit sivjet ka urdhëruar që lëkurat e kurbanëve të tubohen nëpër myftinitë e vendit dhe secili myfti të nënshkruajë marrëveshje drejt për drejt me blerësit eventual nëpër territoret përkatëse. Pastaj, paratë të gjitha të tubohen në kabinetin e Sulejman Rexhepit, aty ku secili, hyn veç e veç, duke mos pasur besim të ndërsjellë dhe, aty rrëfëhen para çinovnikut të tyre.
Natyrisht, nuk ka kurrfarë dokumenti se si u arrit çmimi i shitjes së lëkurave, si u kontraktua, çfarë ofertash patën myftinjtë, kush ofertoi, kush ishte komisioni! Çdo gjë në mënyrë sa më sekrete dhe mundësisht blerësit të jenë besnikë! Por, blerësit, para se të jenë besnikë, mbi të gjitha janë myslimanë të mirë dhe të devotshëm. Shumica prej tyre nuk kanë pranuar që të arrijnë marrëveshje sipas tekeve të myftinjve. Se kush deshti të përvetsojë këtë më së miri e dijnë vetë myftinjtë por, fatmirësisht e dinë edhe disa kujdestarë të jetës fetare islame në vend e që janë jasht “shtëpisë” së hajnave të pangopshëm të BFI-së. Ka pasur myftinj që kanë ulur çmimin e lëkurave të kurbanëve edhe pse blerësit kanë dashur që të japin çmimin real vetëm e vetëm për hirë të nxënësve të Medresesë Isa Beu. Ata kanë qenë të kushtëzuar që të lëshojnë fatura se kanë blerë më pak lëkura, me një çmim të diktuar paraprakisht, sepse kështu kanë dashur që të pasurohen pak edhe muftinjtë. Shumë mirë e dinë se cilët janë këta matrapazë.
Për fatin e keq të tyre, por edhe falë devotshmërisë së tregëtarëve myslimanë të vendit, me tonelata lëkura anekënd vendit, lëkura të donuara nga myslimanët për buxhetin e Medresesë sonë, ju kanë ngelur nëpër oborret e xhamive ku zakonisht tubohen lëkurat. Në fund, për t’iu shmangur përfshirjes së tyre në këtë aferë më të turpshme që kur ekziston BFI-ja, në mënyrë të organizuar, në muzgun e natës së katër të Kurban Bajramit, ditën e dill, i kanë sjellë të gjitha lëkurat e pashitura dhe tashmë të kalbura, në oborrin e BFI-së, të “pashallëkut” të Mulla Sulës së rrethuar me rrethoja gjigante vetëm e vetëm që mos të shihet nga jasht turpi i Mulla Sulës me hajnat e vetë. Madje në çdo cep ka vënë kamera duke u kujdesur që askush mos të futet nga jasht për të “spiunuar” ndërkohë që “kamermanët” e sëmurë pas karierë policeske nuk i kanë treguar se ato kamera megjithatë dirigjohen nga dikush dhe çdo gjë brenda BFI-së kontrollohet fare lehtë nga jasht.
Pra, në këtë natë, në oborrin e BFI-së u fut një kamion i bradhë, i madh nga “Komunalec”-i i Shkupit dhe, brenda gjysëm ore u ngarkuan mbi 10 ton lëkura të kalbur që nisën të gjelben gjithandej oborrit dhe më gjërë BFI-së. Këta të BFI-së, duke menduar se në këtë mënyrë do ta fshehin këtë aferë, këtë turp fatal të BFI-së, u përkujdesën që gjithçka të kryhet natën dhe shpejt. 10 ton lëkura u hodhën në vendgrumbullimin e plehërave. Sadakaja e myslimanëve të vendit, meqë nuk arriti të futet në xhepin e Sulejman Rexhepit, u hodh në pleh. Një hata e madhe do të bie mbi këtë kolektiv të BFI-së e mbi këtë Institucion që lejon të udhëhiqet nga një kriminel i sadakasë së myslimanëve të shkretë.
Po çfarë po ndodhë me kurbanët që paguhen e që në mënyrë të organizuar duhet të priten sipas parimeve islame nga BFI-ja? Tashmë BFI-ja e ka drejtorinë e Sistemit Hallall! Sa kjo drejtori është përkujdesur që ta pengojë Molla Sulën në “krishterizimin” e kurbanëve të myslimanëve tanë? Ku janë prerë kurbanet? Kush i ka prerë? Si janë prerë? Pse nuk priten nëpër therrtoret e myslimanëve dhe nga vetë kasapët myslimanë? A është thirrur qoftë edhe vetëm një tekbir gjatë therrjes së Kurbanëve. Ftakeqësisht, informatat flasin se tërë ky akt islam kryhet nga të krishterët dhe në mënyrë krishtere: kurbanët therren ngjashëm siç therren edhe derrat! Medet për ne!
Po komisioni përkatës, a ka mbajtur evidencë se sa kurbana duhet të priten dhe a ka pasur qasje për të parë se sa kurbanë po priten? Hajni e madhe, e tmerrshme, antiislame. Dikush duhet t’i thotë NDAL kësaj pune të ndytë. Myftinjtë si dhe kordinatorët e myftinive të vendit duhet të kërkojnë llogari për këto afera dhe të kërkojnë edhe përgjegjësi, në të kundërtën, bëjnë mirë që të distancohen, me qëllim që mos të përfshihen një ditë, që të gjithë, në këto afera që shumë rëndë e dëmtojnë imazhin e myslimanit por edhe islamin si fe.
Turp i madh: u bë BFI-ja që mutsihanet e veta t’i largojë me kamiona plehërash. Mutsihane e madhe, a!/Lajmi1/



0 comments :

Post a Comment