Translate

Sunday, October 11, 2015

LE TE KALBEN LEKURAT! MISHI LE TE SHITET!

Ky është vendimi i dalur nga shpirti i ngurrtë i Sulejman Rexhpit në raport me Kurbant e sivjemë. U dha pas përfitimit nga mishi i kurbanëv sepse, si duket, po e ndjenë që është aksioni i fundit i tij. “T’i mëshoj për së fundmi herë”, kishte thënë Molla Sula.

Zeqie Veseli

Muslimanët e Maqedonisë akoma nuk e kanë kaluar atë shok të tmerrshëm që e përjetuan gjatë festës së Bajramit të Kurbanit. Doli lajmi i argumentuar se Sulejman Rexhepi e ka përdhosur sadakanë e muslimanëve të vendit. Përmes kamionit të plehërave, me targë SK 136 UN ka hedhur rreth 10 ton lëkura të kalbura.
Arsyet se pse u kalbën këto lëkur të donuara nga myslimanët e vendit për Medresenë Isa Beu, po dalin ditë për ditë. Njëra prej arsyeve paska qenë se po kërkohet një organizim gjigant për t’i menaxhuar lëkurat që tubohen në mbarë vendin. Ky angazhim, sipas njerëzve të Sulejman Rexhepit, nuk ia vlenë, sepse po kushton shumë ndërsa përfitimet janë të vogla. Ja ku ka shkuar puna! Për Medresenë edhe një qese me qepë janë shumë, si dhurat, sepse përcillen me urimin “Zoti ua shtoftë”! Ndërsa përfitimi personal gjithnjë duhet të jetë i madh, sepse syri çdo herë ngelë i uritur, aq më tepër ai sy i cili është mësuar që nga një shtëpi kasolle siç e kishte para dhjetë viteve Sulejman Rexhepi, sot ka pallate, ka shtëpi edhe për dhëndrin madje, ka parkun e makinave familjar, ka apartamente në Ohër, ka sahatin Roleks 37 mij dollarë, restorane, kapital të deponuara në banka të huaja, ka… gjithçka, me përjashim të rehatisë shpirtërore dhe shëndetin!
Po prej nga e tërë kjo pasuri? Përveç vjedhjeve, shpëlarjes së parave, këtë pasuri e shtoi edhe përmes strategjisë së shndërrimit të BFI-së në firmë personale që merret me shitjen e mishit dhe prodhimeve të tij. Të cilit mish? Natyrisht të mishit të kurbanit. Ja pra, arsyeja krysore se pse i la të kalben sivjet lëkurt e kurbanëve. Sepse, përfitimi me mishin e kurbanëve është më i majmë dhe se, në këtë aksion janë të angazhuar tërë kasta e familjes së Sulejman Rexhpit, kështu që, kontrolli mbi përfitimet vogla nga lëkurat do t’i ngelte jasht familjarëve, prandaj edhe i la të kalben dhe të hedhen pastaj në impiantin e qytetit për plehëra.
Nga 500-600 lopë, priten nja 50-60, sepse aq është nevoja e medresantëve, plus nja 10 lopë sa për të shpërndarë ca qese me mish për hallexhinjtë dhe, kjo nuk bëhet për nevojat e tyre por bëhet për ta kamufluar vjedhjen e mishit. Dhe, fatkeqësia edhe më e madhe është kjo se, mishi që shpërndahet në të shumtën e rasteve është mish i kotë, është mish brazilian i cili blehet për një-dy euro, ndërsa mishi i freskët kushton shumë shtrenjt! Mishi tjetër përfundon nëpër frigoriferët e hoteleve, të rstoranteve të vendit. Paramendoni, në Shkup ka restorant që menynë për dasëm ta ofron për tri euro, ndërsa e njejta meny nëpër restorane të tjera ofrohet për 8-10 euro. Kjo sepse ka aq shumë mish kurbani sa, më mirë 3 euro se sa të krimbet!
Tani, nga ky mish mund të bëhet ndonjë shtëpi, mund të bëhet ndonj xhip, apo edhe Audi 8! Vetëm përcillne parkun e makinave familjare të Sulejman Rexhepit! Kjo po fitet ndër myslimanët e vendit, kurse këto muhabete po dalin nga familjarët e vetë Sulejman Rexhepit, të cilë po ndjehen gjithnjë e më të tmerruar nga fakti i pasurimit të fmiljes Rexhepi duke e vjedhur dhe zhvatur paranë e djersës së muslimanëve të vendit. Harami do të shpërthejë një ditë. Ishalla mbi kokën e Sulejman Rexhepit dhe jo te pasardhësit e tij./lajmi1/


0 comments :

Post a Comment