Translate

Sunday, June 21, 2015

Erdoğan: Qeveria e koalicionit duhet të formohet sa më shpejt

Erdoğan ndër të tjera ka theksuar se në procesin e formimit të qeverisë asnjë parti politike nuk duhet të mbetet rob i egos së kryetarit të përgjithshëm.

 
STAMBOLL (AA) - Presidenti turk, Recep Tayyip Erdoğan, në një fjalim të mbajtur në mbledhjen e 22-të të bordit të përgjithshëm të Asamblesë së Eksportuesve të Turqisë tha se me rritjen e eksporteve, turizmit dhe prodhimit Turqia ka shfaqur shumë herë  performanca mbi parashikimin, raporton Anadolu Agency (AA).
Erdoğan më tej ka pohuar se: "Një zhvillim të tillë, një surprizë të ngjashme shpresoj që ta përjetojmë sërish në muajt e ardhshëm edhe në vendin tonë edhe ndaj të gjithë botës. Në këtë çështje unë iu besoj eksportuesve të tanë".
"Qeveria e koalicionit duhet të formohet sa më shpejt"-
Erdoğan, duke vënë në dukje se mes stabilitetit politik dhe niveleve të rritjes në Turqi ka një marrëdhënie të fortë ai u shpreh se "Cili lider apo politikan që ka arritur të marrë mbështetjen më të fortë nga populli në vendin tonë, në periudhën e atij Turqia ka arritur normat më të larta dhe të qëndrueshme të rritjes".
Erdoğan i cili ka theksuar se Turqia jo të shënojë rënie, por as ndalimin nuk mund ta tolerojë u shpreh ndër të tjera se: "Turqia e cila ndodhet mes një rrethi të zjarrit, duhet të jetë e fortë në mënyrë që të mos dëmtohet vetë nga kjo, por edhe të zgjasë dorën e ndihmës për vëllezërit e saj. Dhe për këtë duhet të përfundojë sa më shpejt periudhën kalimtare sepse jemi të detyruar të rikthejmë drejtimin e Turqisë drejt të ardhmes. Koha 45 ditore që kushtetuta i njeh presidentit për të vendosur ripërtëritjen e zgjedhjeve në rast se nuk do të mund të krijohet qeveria fillon me Zgjedhjen e Këshillit të Kryesisë së Kuvendit. Në një rast të tillë bëhet fjalë për një proces i cili zgjatet deri në mesin e gushtit. Unë besoj se Turqia nuk mund të tolerojë një humbje kohe të tillë. Për këtë uroj që qeveria e koalicionit të formohet në një kohë sa më të shpejtë".
"Nëse nuk e zgjidhin politikanët e zgjidh populli"-
Erdoğan ndër të tjera ka theksuar se në procesin e formimit të qeverisë asnjë parti politike nuk duhet të mbetet rob i egos së kryetarit të përgjithshëm.
Ai ka tërhequr vëmendjen se nëse egoja kalon përpara atëherë do të zgjatet procesi i formimit të qeverisë dhe tha se: "Atëherë me detyrën që na është ngarkuar si presidentit, nëse politikanët nuk e zgjidhin këtë punë atëherë populli është autoriteti i vetëm që do të zgjidhë këtë çështje. Këtë jemi të detyruar ta bëjmë".
"Me koalicionin mund të riforcojmë klimën e besimit dhe të stabilitetit"-
Erdoğan duke i bërë thirrje kryetarëve të përgjithshëm të partive që të veprojnë në vetëdije të përgjegjësive të tyre ai u shpreh se: "Detyra që kanë partitë tona dhe kryetarët e tyre janë që të veprojnë në vetëdije të përgjegjësive të tyre pa vendosur në vështirësi durimin e vendit, popullit dhe veçanërisht të ekonomisë. Turqia  me një gjuhë të përbashkët, me qëllime të përbashkëta dhe me një koalicion të formuar në kuadër të një sensi të përbashkët mund të riforcojë klimën e besimit dhe të stabilitetit".
Erdoğan, më tej ka pohuar se "askush nuk ka të drejtë të përdorë pozicionin e tij për të bllokuar sistemin. Të gjithë partitë dhe politikanët që ndërmarrin një proces të tillë duhet ta dinë se kanë përgjegjësitë e tyre për këtë do të japin llogari ndaj popullit. Është faj i rëndë që të vendosësh Turqinë në situatën e një vendi i cili nuk mund të krijohet qeveria".
Presidenti turk më tej në lidhje me disa kritika ndaj tij u shpreh se: "Ta shpreh edhe këtë. Del njëri e shprehet fjalë të tilla si ‘Presidenti të tërhiqet në pozicionin e tij kushtetues’.Unë e di shumë mirë vendim tim në kushtetutë. Kam kaluar 40 vjet të jetës sime duke lëvizur me kushtetutën dhe në çdo post që kam qenë kam kaluar në zbatimin e tyre si pasojë e angazhimeve. Edhe tani di shumë mirë detyrën që më jep kushtetuta si president, autoritetin dhe di shumë mirë përdorimin e kësaj. Dhe për këtë nuk kamë nevojë për udhëzimet e ndonjërit".

0 comments :

Post a Comment