Translate

Saturday, June 27, 2015

Emigrantet po lindin nëpër Maqedoni

Janë me dhjetëra gra shtatëzëna që janë pjesë e emigrantëve ilegal që po kalojnë nëpër Maqedoni.
Një pjesë e tyre kanë lindur dhe po lindin në territorin e vendit. Shumica prej tyre pranojnë se janë detyruar gratë e tyre të lindin apo edhe të abortojnë në zona të vështira, për shkak të statusit të tyre ilegal, informon INA.
Janë rrëfime të ndryshme të emigrantëve që përshkruajnë golgotën e tyre. Nga ana tjetër nuk dihet për fatin e atyre grave apo edhe foshnjave që kanë lindur në territorin e vendit.
Por, me legalizimin e qëndrimit 72 orësh të emigrantëve një pjesë e tyre kërkojnë ndihmë mjekësore dhe u mundësohet kjo e drejtë që të shkojnë në spitalin më të afërt.

Një histori e lindjes së një fëmije të një çifti emigrantësh dje ndodhi në Gjevgjeli, kur një emigrante siriane Alna Nain, 20 vjeç pas dhimbjeve të shumta, është marrë nën përkujdesjen e policisë kufitare në Bogorodicë dhe është dërguar në Spitalin e Gjevgjelisë.
Ajo atje ka kryer lindjen dhe se foshnja e gjinisë femërore është shëndosh e mirë, me peshë 2,7 kg. 
Stafi mjekësor është përkujdesur për nënën dhe foshnjen dhe se ajo do të ngelet edhe për disa ditë në këtë spital. Por edhe autoritetet policore kanë nisur që t`i rregullojnë foshnjes së lindur dokumentacionin e nevojshëm dhe certifikatën e lindjes.
Çifti i emigrantëve ka theksuar se po shkonin në Gjermani, ku kishin të afërm që kishin fituar azil dhe gjenden në qytetin e Hamburgut. (INA)

0 comments :

Post a Comment