Translate

Thursday, April 16, 2015

Zaev: Përgjegjësi po, amnisti kurrsesi!

Lideri i LSDM-së Zoran Zaev ka kundërshtuar idenë e ish kryeministrit Lubço Georgievski për amnistimin e funksionarëve të përfshirë në aferën e përgjimeve. Zaev tha se askush nuk ka 6të drejtë të kërkojë amnisti, duke shtuar se të gjithë funksionarët e përfshirë në korrupsion duhet të përgjigjen para ligjit dhe të kthejnë prapa pasurinë e vjedhur.

“Kush jam unë si politikan që të flas për amnisti? Vendi ynë ka edhe Kushtetutë edhe ligj. Jo vetëm që patjetër duhet të bien nga pushteti, patjetër edhe të përgjigjen për veprat penale që i kanë bërë, për shkeljen e ligjit. Do ta kthejnë gjithë atë që i është vjedhur Maqedonisë. Ekzistojnë ligje në këtë vend edhe për këtë punë dhe gjithçka që sipas ligjit është e vjedhur, është jashtë asaj që kanë dëshmuar se e kanë fituar në mënyrë të ndershme dhe ligjore, gjithçka që është jashtë kësaj do ta kthejnë. Këtu askush nuk ka të drejtë as të flas për amnisti, as për ndonjë lloj abulacioni, apo mbyllje sysh, e gjithë kjo në funksion për gjoja ndonjë dialog politik apo diç të ngjashme”, u shpreh Zoran Zaev, kryetar i LSDM-së.

Kundër propozimit të Georgievskit për amnisti doli edhe Partia liberal-demokrate. Kreu i PLD-së Goran Milevski, thotë se propozimi i Georgievskit është nxitur nga pushteti dhe se kjo dëshmon se pushteti është frikësuar dhe përmes amnistisë tani kërkon shpëtim. Idenë e tij për amnisti ish kryeministri Georgievski e shpalosi në një tribunë mbi daljen e vendit nga kriza politike.
 
“Vlerësoj se nëse Maqedonia hyn në ciklin e burgosjeve masive, atëherë nuk do të mund të dalim asnjëherë nga kriza dhe me siguri, një ditë pas gjithë atyre situatave, përsëri do të vijmë te ligji për amnisti. Shumë më shpejtë dhe më lehtë do të vijnë te zgjidhja nëse në rend të parë vendosin ligjin për amnisti”, u shpreh Ljubço Georgievski, ish kryeministër.

Georgievski madje një ndër idetë për daljen nga kriza politike, propozoi edhe formimin e një qeverie ekspertësh, me kryeministër shqiptar. Arben Zeqiri

0 comments :

Post a Comment