Pavle Trajanov pranon se gjyqësori është i partizuar

Maqedonia është në krizë të thellë politike ndërsa dalja e vetme është “zgjedhjet e jashtëzakonshme parlamentare”. Kështu deklaroi Pavle Trajanov, lideri i Lidhjes Demokratike, parti që është pjesë e koalicionit qeveritar. Në shënimin e 15 vjetorit të formimit të kësaj partie, Trajanov thotë se tani për tani nuk ka ndërmend të largohet nga pushteti, sepse nuk gjykon që të jenë shkelur parimet elementare të funksionimit të shtetit, edhe pse në fjalimin e tij, ai theksoi qartë se vendi ka sistem të partizuar gjyqësor, gjendje katastrofike të mediave si dhe krim të institucionalizuar.

“Kjo krizë politike, në fund do të zgjidhet me zgjedhje të jashtëzakonshme parlamentare. Qytetarët do të jenë ata që do të vendosin cilin opsion politik ta zgjedhin dhe çfarëdo që të bëjmë, do të përfundojë me zgjedhje të jashtëzakonshme parlamentare”, tha Pavle Trajanov, kryetar i LD-së.

Afera “Puçi” dhe “Përgjimi” sipas Trajanovit, patjetër duhet të zgjidhen përmes dialogut politik ndërsa aktorët e këtij skandali të madh, të paguajnë çmim të lartë, për shkelje të vlerave themelore civile - theksoi lideri i LD-së, duke theksuar se përmes këtyre aferave është treguar fytyra e shëmtuar, dëshira për pushtet dhe para e shumë politikanëve. Për këtë, Trajanovi kërkon që opozita të kthehet në Kuvend, të formohet komision hetimor që do të shqyrtonte rastet. Por, këtë herë, vlerësimet që do të dalin nga ai Komision, sipas Trajanovit, të mos shpallen në letër higjienike, sepse vetëdija e qytetarëve është e lartë tashmë.

Është e sigurt se çështja të caktuara duhet të zgjidhen përmes sistemin gjyqësor, por gjyqësori ynë nuk ka kredibilitet të zgjidhë rastet ku janë të përfshirë parti politike, dhe për këtë konsiderojmë se duhet të niset debat në Parlament, të formohet Komision i cili do të bëj analizë të gjendjeve rreth shkeljeve të të drejtave dhe lirive themelore të njeriut. Unë si deputet, dorëzova kërkesë tek kryetari i Parlamentit dhe pres nesër që ai të marrë vendim për fillimin e debatit parlamentar. Por, kjo nismë kërkon edhe opozitën, e cila patjetër duhet të jetë në Parlament”, u shpreh Pavle Trajanov, kryetar i LD-së.

Lidhur me ekonominë, Trajanov theksoi se vendi ka problem me shpërnguljen e të rinjve, rënien e natalitetit etj. Ai tha se është e patjetërsueshme thithja e investitorëve të huaj të cilët do të ofrojnë paga sikur në vendet e tyre amë e jo paga minimale në Maqedoni. Natasha Stojanovska