SULEJMAN REXHEPI ME KOLUMNE OFENDUESE KUNDËR BDI-SË

Mulla Sula mendon se tash ka ardhur koha që, bashkë elementi intelektual e fetar, politikanët tanë gjysmakë ti dërgojmë në pension, (karateristikë kjo e BESËS), ndryshe, Mulla Sulës do ti duhet të shkruajë e të flasë me ton kritik edhe për njëzet vitet e ardhshme

Shkruan Indrit Erebara

Me gjasë, pas operacionit fizik që Mulla Sula e ndërmori diku nëpër spitalet turke, pati kohë dhe mundësi që ta ndërmarrë edhe një operacion të fundit mental! Opeacionin e parë e fshehu kurse opracionin e dytë zgjodhi që ta kumtojë kolumnashkruesi i tij përmes kolumnes së fundit me titull Zoti është Një, politikanë ka shumë!
Përmes kësaj kumtese Mulla Sula ka kërkuar nga kolumnashkruesi i vet që tia nënvizojë shkathtësinë e tij për të kaluar nga një parti te tjetra si dhe tia urojë BDI-së mbetsh me shnet se tash e tutje po kaloj te BESA. Është thënë edhe shumë më herët se Sulejman Rexhepi përmes kukullës së vet, Qani Nesimit, të vetëquajturit myfti i Tetovës, ka lënë shteg kalimi nga BDI-ja te BESA, kurse së fundmi, nga vizita e djalit të Mulla Sulës, Zyhejr Sulejmanit, që ia bëri Komandant Agim Krasniqit, është kërkuar miratimi i tij që në zgjedhjet e ardhshme lokale ai të kandidojë për prefekt të Sarajit si kandidat i BESËS! Me këtë kolumne të porositur tashmë qartësohen të gjitha punët!

Sulejman Rexhepi është i mbushur e i acaruar nga qëndrimet injoruese të njerëzve të parë të BDI-së, të cilët edhe pse i kanë premtuar nuk po ia avansojnë djalin në strukturat e policisë shtetërore.
Sulejman Rexhepi është prototipi më origjinal i atij panteri të zi i cili pas gjahut të vet kërcen me aq lehtësi prej dege në degë. Ka qene baba i PPD-së, u bë nuse e PDSH-së, pastaj nënë e BDI-së kurse tani është në gjendje të kalojë dhe dashnore e BESËS!
Çju desh kjo kolumne Mulla Sulës për të hedhur dru e gurë mbi BDI-në? Pse kaq mllef dhe kaq ofendime të tërthorta të tij për Partinë e BDI-së? Sulejman Rexhepi thotë: koha e mitizimit të banaliteteve, si edhe e banalizimit të miteve, përfundimisht iku! Do me thënë që, Ali Ahmeti si mit u banalizua aq shumë sa tashmë koha e tij ka ikur, siç ka ikur edhe koha e veprimeve aq banale të BDI-së që na servireshin si mite! Mulla Sula thotë se po fillon çmitizimi, pra proçesi i ndërgjegjësimit të njeriut të thjeshtë që po e kupton se politikanët gjysmakë që janë pasuruar mbi kurrizin e të tjerëve dhe njëkohësisht kanë kultivuar bindjen se janë të përhershëm, janë në të vërtetë vetëm një fluskë sapuni.
Këta që deri më sot na udheheqën duke ndërtuar luana e kuaj, aleksandra e Justiniana, do me thënë këta të VMRO-BDI-së, paskan qenë bashibozukë që janë pasuruar mbi kurriz të popullit dhe që tani, duke pëfunduar zandaneve të ndryshme, duhet të kuptojnë se ka ardhur koha e mendjendriturve. Popullata e gjërë me shprehjen mendjendritur po i emërton njerëzit që po udhëheqin BESËN!

Është fakt i pamohueshëm se e vetmja parti më seriozja të paktën në kohën e zgjedhjeve të ndryshme ka qenë BDI-ja, e cila, kurrë nuk ka shkuar në zgjedhje pa ofruar program prej qindra e qindra faqeve. Madje e vetmja kjo parti është ajo që ia ka arritur që programin e vet partiak tia imponojë programit qeveritar të Gruevskit. Megjithatë, Mulla Sula thotë se nuk mbaj mend që ndonjë politikan a ndonjë parti ka fituar ndonjëherë votat me ndonjë program a projekt të cilit populli ia ka pa fortë e fortë hajrin. Gjysmakët dhe politika e tyre gjysmake shkaktuan dëme të pariparueshme për popullin dhe vendin… Kjo sidomos për partinë shqiptare e cila kot ka defiluar në skenën politike shqiptare! Pesëmbëdhjetë vitet e qeverisjes së BDI-së nëpër qeveri të ndryshme, të gjitha paskan qenë të kota?! Mulla Sula mendon se tash ka ardhur koha që, bashkë elementi intelektual e fetar, politikanët tanë gjysmakë ti dërgojmë në pension, (karateristikë kjo e BESËS), ndryshe, Mulla Sulës do ti duhet të shkruajë e të flasë me ton kritik edhe për njëzet vitet e ardhshme!!!
Sido qoftë, përkundër dëshirës mjerane të Sulejman Rexhepit për të kaluar në BESË, këta të BESËS e dinë fare mirë se me Sulejman Rexhepin, alias Mulla Sulën, nuk mund të shkohet më larg se deri në Çairska 52, në oborrin e dooel-it të Sulejman Rexhepit.