Molla Sula, ky besnik i punëdhënësve të vet

Hajni i postit të ReisulUlemasë së BFI-së, Molla Sula, ka nisur t’i bashkërendojë “masat disiplinore” bashkë me orgenet ndëshkimore në vend. Në kohën e tij, derisa ishte referent në Këshillin e Shkupit (sot, Myftinia e Shkupit) ka krijuar vrima të tmerrshme finansiare. Uh, sa deklarata ekzistojnë për manipulimin e tij me dyqanet e kësaj Myftinie që i ka bërë atë kohë. Po të njëjtat manipulime i ka shtrirë deri vonë. Pse a ka harruar opinioni kur ia dhuroi djalit të vet një dyqan ne mes të Çarshisë së Vjetër, aty te Rrapi i Fontanës, në kohën kur Myfti ishte i ndjeri hfz. Rexhep Nuredini dhe që u rikthy sapo u shkarkua turpshëm nga posti i Kryetarit të Meshihatit të atëhershëm? Molla Sula kurrë nuk ktheu asnjë dyqan, kurrë nuk e dridhi shtetin dhe asnjë qeveri për ta rikthyer ndonjë prone vakëfi. Po ky trim që na tregon rrëfime si gjyshe “për trimërinë” dhe “heroizmin” e tij, se si qenka përleshur fyta fytas me pushtete, pse nuk e ktheu qoftë një dyqan të vetëm. Pse nuk ia prishi rehatinë një dyqanxhiu uzurpator! Kur dolën trimat, kur dolën myslimanët e sinqertë, kur dolën ata që me devotshmëri veprojnë sipas normave të islamit, siç janë Skënder Buzaku, Ismet Bytyqi, Myftiu Ibrahim Shabani, pra, kur dolën këta trima vetëmohues, nisën të kthejnë dyqane dhe me “ligjin” e forcës. Prona dhe vakëfi nuk mund t’i përket askujt tjetër përveç se BFI-së. Pikërisht, për këtë denacionalizim të pronës për të cilën, për here të pare në historinë e vakëfit të Shkupit u demonstrua forcë, organet e “drejtësisë” ne vend ua shqiptuan masën me burg. Pra, Skënder Buzaku dhe Ismet Bytyqi janë dënuar me burg, me kusht! Për interesin e vet personal? Jo, për BFI-në. Ndërsa Molla Sula, tani, të njëjtit i shkarkon nga puna. Pse? Sepse ia prishën komoditetin miqve të tij jomuslimanë? Sepse deshti t’i tregojë punëdhënësve të tij të vërtetë se edhe ai di të tallet dhe të dënojë Hoxhallarë? Turp! Zoti e marroftë kështu siç po e marron dita ditës. Në vend se të merret ne pleqërinë e vet me nipa e me mbesa ai edhe më tej merret me shkatërrim të interesave islame dhe të vakëfit! Në vijim do të njohtohet opinion i gjërë se çka ka bërë dhe çfarë ka ndërmend të bëjë me Vakëfin e BFI-së ky fare i mjerë. Askujt nuk i shkoi ndoresh që të bashkërendojë masat e pushtetit policer me masat e veta personale, siç i ka shkuar në dorë Molla Sulës. E ka hëngër për ibret!