Të paraburgosurit kosovarë në mesin e tyre edhe Bajram Elshani po torturohen në mënyrën më brutale nga forcat speciale maqedonase. Elshanit i janë thyer dhëmbët dhe ka goditje me shufër hekuri nëpër kokë dhe në këmbë. Torrturat po shihen dhe askush nuk reagon. Kështu ka deklaruar për Zhurnal, avokati mbrojtës i tij, Naser Raufi.
Torturat janë kryer gjatë transportit dhe transferimit nga burgu deri në Gjykatën e Shkupit ku tw enjten mbajt seanca gjyqësore ndaj grupit të Kumanovës që u përlesh me policinë maqedonase më 9 dhe 10 maj të vitit 2015 në Lagjen e Trimave në Kumanovë. Avokati Raufi shprehet se klientët e tij nuk kanë trajtim mjekësorë dhe po torturohen në formën më brutale nga njësitë speciale maqedonase.
“Brutaliteti bëhet gjatë transportit, të paraburgosurit kosovarë maltretohen në formën më shtazarake nga persona të forcave speciale maqedonase të cilët janë të maskuar. Janë të keqtrajtuar pra këta që I përfaqësoj un janë të keqtrajtuar. I keqtrajtojnë pa arsye pjestarë të njësisë speciale kur sillen nga burgu në Gjykatë. E pash Bajram Elshanin atë e kanë lënduar te dhëmbët ndërsa klientin tim tjetër Ibrahim Miftarin e kanë goditur te këmba. Të burgosurit kanë shenja torture nëpër trup. Do të bëjnë shkresë deri te gjykatësja me të cilën do të kërkojmë që të ndërmerren masa që kjo të ndërpritet”, ka deklaruar për Zhurnal avokati, Naser Raufi. (a.m.)
Comments
Post a Comment