SHIK-U I SHQIPËRISË DHE AI I KOSOVËS “PUÇ” SULEJMAN REXHEPIT?!

Janë rreqethëse konstatimet idiotike të Sulejman Rexhepit si dhe të njrëzve të tij të shpërndara gjithandej nëpër rrjetet sociale se, kohë më parë kundër tij qenka zhvilluar një “puç” të cilën e paskan përkrahur Shërbimet intelegjente Kombëtare të Shqipërisë dhe Kosovës. Dhe ky, si i pathyeshëm që qenka, i paska mundur që të dy Shërbimet intelegjente

Shkruan Qazim Erebara, Tiranë

Kuluareve të Komunitetit Mysliman të Shqipërisë po flitet për një zhgënjim nga përpjekjet e Sulejman Rexhepit për ta njollosur personalitetin e Kryetarit të këtij Komuniteti, H. Skënder ef. Bruçaj. Me gjasë, duke qenë se është shndërruar në një nga personlietet më të urryera nëpër rrjetet sociale, në mënyrë tinzare mundohet që këtë urrejtje ta ndajë bashkë me kryetarin Bruçaj, por edhe me Myftiun e Kosovës, efendi Tërnava.
Nëpër shumë ndeja, pastaj pa kurrfarë kujdesi përgjatë takimeve të ndryshme, Sulejman Rexhepi mundohet të tregojë se si vetëm Komuniteti i tij është ideali, kurse Komuniteti i Shqipërisë është për gjynah, me një ekip pseudoteologësh, me diploma false të marrura nëpër kolegjet e Fetullah Gjylenit. Mëkati më i madh i tyre qenka strategjia që e përdorën për t’i bërë “puç” kastës së vjetër të këtij Komuniteti dhe instalimi i atyreve të cilët për një muaj rresht kishin qenë bartës të aktiviteteve dhe të shtabeve të Edi Ramës nëpër qytete të ndryshme. Si shpërblim, pas fitores së Edi Ramës, të gjithë qenkan rehatuar nëpër zyret e Komunitetit kurse për kryetarin e këtij Institucioni qenka përkujdesur vetë Shërbimi Intelegjent Kombëtar i Shqipërisë.
Po çka paska menduar Sulejman Rexhepi? A e di ky farë uzurpatori i postit të reisit, siç po e quajnë myslimanët e Maqedonisë se, SHIK-u është institucion që përkujdeset për interest kombëtare dhe shtetërore. A e di Sulejman Rexhepi se, në institucionet kyçe të kombit e të shtetit nuk mund të vijë tipi i Janullatosit, i cili erdhi atëherë kur praktikisht në Shqipëri nuk ekzisonte SHIK-u.

Njëfarë provokatori mediatik, Olsi Jazexhi, në një debat televiziv kishte thënë se Skënder Bruçaj në krye të Komunitetit u soll nga SHIK-u. Nëse kjo është e vërtetë, atëherë tri herë bravo për SHIK-un dhe, shqiptarët duhet të jenë të lumtur që pa verifikim gjegjës nuk mund të zënë poste në asnjë organ e vende kyçe shtetërore.
Prandaj, përfolja me mllef e Sulejman Rexhepit kundër kryetarit të KMSH-së për të cilin gjithandej flet, madje bashëpunëtorët e tij të ngushtë shkruajnë haptazi gjëra të tilla idiotike, është më tepër një urrejtje patologjike, e ngjizur nga xhelozia e sëmurë kundër gjithkujt që ka po të njëjtin titull. Sulejman Rexhepi nuk mund të paramendojë shqiptar tjetër që është në krye të ndonjë komuniteti tjetër islamik. Sulejman Rexhepi si duket e ka ëndërr jetike që vetëm një minut të jetë kryetar i të gjitha komuniteteve myslimane shqiptare. Sepse, sipas tij, vetëm ky është ai që është i aftë për t’u përballur me të gjitha sfidat e mundshme, si dhe me të gjitha shërbimet sekrete.
Janë rreqethëse konstatimet idiotike të Sulejman Rexhepit si dhe të njerëzve të tij të shpërndara gjithandej nëpër rrjetet sociale se, kohë më parë kundër tij qenka zhvilluar një “puç” të cilën e paskan përkrahur Shërbimet Intelegjente Kombëtare të Shqpërisë dhe Kosovës. Dhe ky, si i pathyeshëm që është, i paska mundur që të dy Shërbimet intelegjente dhe paska ngelur i patundur. Nëse ka diçka të vërtetë në këtë konstatim pervers atëherë kjo duhet të jetë shumë brengosëse për Sulejman Rexhepin dhe jo të mburret për këtë “fitore”. Sepse, të të turren dy shërbime intelegjente kombëtare do me thënë se punët i ke si më së keqi dhe se është mirë të mbyllesh turpshëm në dhomë e të mos dalësh kurrë.
Deri më sot Sulejman Rexhepi ka zhvilluar luftë dhe ka “ngadhnjyer” kundër shërbimit intelegjent maqedonas. Nga sot e tutje do të mbahet mend si “fitues” edhe kundër Shërbimit intelegjent të Shqipërisë dhe të atij të Kosovës. Veç nuk është e qartë se pse këto tri shërbime qenkan kundër Sulejman Rexhepit. Hajde, po supozojmë se është i kuptueshëm dhe i lexueshëm konflikti me shërbimin intelegjent maqedonas, por ç’pati Sulejman Rexhepi me shërbimet intelegjente shqiptare?
Nëse kjo pyetje mbetet edhe më tej misterioze, nuk mund të thuhet se po kaq misterioz ngelë mesazhi që e përcjell Mulla Sula kur akuzon kryetarin ef. Bruçaj si dhe myftiun ef. Tërnava, qenkan në krye të Institucioneve respektive falë Shërbimeve intelegjente shqiptare të Shqipërisë dhe Kosovës. Me këtë konstatim idiotik Sulejman Rexhepi, në të vërtetë, do ta arsyetojë faktin se edhe ai në krye të Komunitetit Mysliman të Maqedonisë është falë përkrahjes së Shërbimit Intelegjent të Maqedonisë, i cili Shërbim këtë njeri e njeh me emrin-nofkën “Zharko”!  Të paktën, Skënderit i thonë Skënder e Naimit Naim! / Marrë nga Blic.info