Revoltohen prindërit e Medresantëve: Ç’janë këto kërkesa nga stafi i shkollës

Medreseja Isa Beu edhe pse mirëmbahet me donacione të popullit megjithatë prindërit e nxënësve të kësja shkolle janë të zhgënjyer me kërkesat dhe pagesat që duhet bërë në këtë shkollë. Revolta te ata është rritur pas kërkesave që kanë bërë nga paralelja e vajzave të Medresesë në Shkup ku për uniformat e nxënëseve janë kërkuar të paguhen nga 85 euro, pagë kjo që nuk ka qenë më parë kaq e lartë. Revoltohen tejmase prindërit e Medresantëve duke thënë se ç’janë këto kërkesa nga stafi i shkollës tani që po bëhen. Kështu janë shprehur prindërit e disa nxënëseve të cilat ndjekin mësimet në këtë paralele:”Vërtet është e pakuptimshme kjo që kërkohet nga ne. Si është e mundur kjo kur që në fillim na kanë njoftuar se nuk ka pagesa, ndërsa tani vetëm për uniformën na kërkojnë 85 euro. Të gjithë e dijnë se ne me çfarë krize ekonomike po përballemi dhe përsëri na kërkojnë të bëjmë pagesa të reja. Popullata muslimane është në gjendje të rëndë sociale, andaj këto kërkesa janë të mëdha meqë kemi harxhime të ndryshme për fëmijët tanë. Neve për çdo ditë kujdesemi për ardhjen, udhëtimin, dhe harxhimet tjera të fëmijëve tanë për këtë arsye drejtoria e kësaj shkolle duhet të ketë parasysh këto problem me të cilat po ballafaqohemi. Neve e dijm se populli e mbanë këtë shkollë në të gjitha aspektet kështu që nuk e kemi të qartë se edhe sa duhet të japim për këtë shkollë”. Një tjetër nga mesi i tyre thoshte:” Djalit të Molla Sulës po i lejohet të shfrytëzon internatin për të ushtruar xhudistët femra pa asnjë denarë, ndërsa për fëmijët tanë duhet të paguajmë. Nuk e kam të qartë si veprohet kështu a respektohet feja islame apo dëshirat e njerëzve?”               BFI çdo vitë kërkon nga popullata msulimane të japin Sadekatul Fitri, zeqatin, për nevojat e Medresesë, por gjithashtu kanë njoftuar se Kurbanat dhe lëkurat e Kurbanave u dedikohen nxënësve dhe harxhimeve të këtyre shkollave. BFI në deklarat zyrtare ka shprehur gjithashtu se të ardhurat nga organzimi i haxhit janë burim me të cilat mirëmbahen institucionet edukative. Edhe pse po dihen tani të gjitha burimet e mirëmbajtjes së këtyre shkollave atëherë edhe sa mjete financiare duhen për këtë shkollë?/fokusinews/