OH Hilal tenton ta mbron Mulla Sulën

Më 13 Mars 2013 OH Hilal ka mbajtur mbledhjen konstituive në të cilën është zgjedhur kryesia, anëtarët si dhe struktura e kësaj organizate. Po shkëpusim një pjesë nga lajmi të publikuar më 13 mars 2013 në faqen zyrtare të BFI me titull: U MBAJT MBLEDHJA KONSTITUIVE E OH “HILAL”, ku mes tjerash thuhet: “Pas votimit unanim, për kryetar të OH “Hilal” u zgjodh Mustafa Dauti nga Kumanova, për nënkryetar Jusuf Zylbeari nga Tetova dhe Irsal Jakupi, nga Gostivari ndërsa për sekretar Driton Dikena nga Kërçova. OH “Hilal” numëron edhe 11 anëtarë në kryesinë qendrore duke përfshirë të gjithë gjeografinë e myslimanëve në Maqedoni”. Sipas  Statutit të OH Hilal nga Shkupi duhej të zgjedhen tre anëtarë, e ata që u zgjodhën ishin Ismet Bytyqi, Zuhejr Rexhepi (djali i Sulejman Rexhepit!) dhe  Zahir Bekiri, emrat e të cilëve shihen qartë në dokumentin e publikuar. Tani pse  BFI-në fshihet ky emër nga OH Hilal? Sigurisht pas skandalit të falsifikimit të lajmit se në këtë skandal është i përfshirë pikërish Zahir Bekirit-Çaushi dhe në të njejtën kohë është i arrestuar për skandalin e madh të falsifikimit dhe punëtorisë së tij me mjete falsifikimi. Musafa Dauti po tenton ta ndihmon Sulejman Rexhepin, duke manipuluar me opinionin si dhe duke i fshehur  dokumentet zyrtare.  Në opinion po qarkullon lista ku shihet qartë struktura e kësaj organizate, andaj për çfarë arsye fshehet emri i Zair Bekirit-Çaushit e dinë më mirë Sulejman Rexhepi? Zahir Bekiri ka bërë aktivitet për OH Hilal, ka dhuruar mjete materiale dhe donacione. Fakti se Zahir Bekiri paska qenë i angazhuar edhe në punë të paligjshme, si duket po e detyron klikën e Sulejman Rexhepit të merren edhe falsifikime të të vërtetave, dokumenteve etj.  Nga 13.03.2013 e deri më tani, nuk kemi mundur të gjejmë asnjë lajm se Kuvendi i OH Hilal ka mbajtur ndonjë mbledhje ku eventualisht është zgjedhur ndonjë kryesi e re e OH Hilal. Pyetja që parashtrohet tani është: Kush janë tre anëtarët e kryesisë së OH Hilal që duhet të jen nga Shkupi!?