TIRANË/SHKODËR (AA) – Me filmin “Histori e gjate” janë përmbyllur tre netët e Festivalit të Filmit Turk, të mbajtur ne qytetin e Shkodrës. Të rinj të Shkodrës, por edhe të ftuar kanë ndjekur këtë film, që ka një regjizurë të Osman Sınav që hyri në transmetim më datë 12 tetor 2012. Filmi i është përshtatur kinemasë pas realizimit të skenografisë nga Yiği Güralp i veprës me të njëjtin titull të shkrimtarit Mustafa Kutlu.
E veçanta e këtij eventi në Shkoder ka qene pikërisht prezenca e regjisorit Osman Sınav. I gjendur në Shqipëri për të marrë pjesë një programin të organizuar nga Qendra Kulturore Turke "Yunus Emre" e Shkodrës regjisori dhe producenti i njohur i botës së kinemasë në Turqi, Osman Sınav në një prononcim për Anadolu Agency tha se e ndjen veten si në shtëpinë e tij kur ndodhet në vendet e Ballkanit.
Sınav tha se ka një lidhje shpirtërore me popullin e Ballkanit dhe u shpreh se lidhja e tij me popujt e Ballkanit filloi me telenovelën "Deli Yürek" (Zemër e Çmendur). Sınav më tej thotë se: “Në atë kohë kishte luftë në këto anë. Në Kosovë banorët e Prishtinës në mos gaboj për shkak të ndërprerjes së energjisë vazhdimisht për shkak të situatës kishin bërë një kërkesë tek autoritetet për të pasur energji ditën dhe orën kur jepej kjo telenovelë. Kjo gjë më lumturon shumë. Më pas ndërkohë që isha në Kosovë për të xhiruar një pjesë mbi UÇK për telenovelën ‘Lugina e Ujqërve’ atje më dhuruan një unazë me një shqiponjë. E mbaj në gisht, është një simbol i veçantë për mua”.
Ndërkohë në lidhje me një pyetje mbi të ardhmen e tij dhe përfshirjen ose jo në axhendën e tij Ballkanin Sınav thotë: "Kam një axhendë të ngjeshur. Dua të bëj shumë gjëra. Normalisht që Ballkanin e kam në fokus. Momentalisht jam duke punuar me një tregim për Bosnjë dhe Hercegovinën. Nuk e di se sa mund t’ia arrij, por po mundohem".
Ndërsa mbi filozofinë e jetës së tij Sınav shprehet se: "Un mendoj që çdo gjë që ne përdorim, bëjmë, kemi dhe jetojmë, faktikisht është një produkt i një imagjinate në të shkuarën. Shkurtimisht ajo që ne përdorim sot është një imagjinatë e të shkuarës tonë. Për këtë arsye sipas meje të imagjinosh është shumë e rëndësishme, por më e rëndësishme është që imagjinatën ta kthesh në një strategji. Tek çdo njeri dhe në çdo mendim të njerëzve duhet të ketë imagjinatë. Ai i cili nuk ka imagjinatë në këtë botë bëhet pjesë e imagjinatës të dikujt tjetër. Kjo vlen edhe për shtetet. Ai shtet i cili nuk ka një imagjinatë të vetën është pjesë e imagjinatës së një shteti tjetër".
Në fund të fjalës së tij Sınav tha për popullin ballkanas se edhe pse fizikisht ndodhet në Turqi, mendja dhe shpirti i tij është në Ballkan.
- Kush është Osman Sınav-
Osman Sınav lindi në Burdur në vitin 1958. Në periudhën mes viteve 1975 dhe 1979 studion për pikturë dhe dizenjim tekstili fillimisht në Akademinë e Arteve të Bukura të Stambollit e më pas në Universitetin “Mimar Sinan” për kinematografi dhe televizion.
Osman Sınav duke e nisur karrierën e tij me shkrimin e teksteve të reklamave televizive dhe regjizurë, në vitet 1984-1987 u emërua me detyrë në prodhimin e mbi 500 filmave reklamë. Më pas themeloi kompaninë e realizimit të filmit me emërtimin “Sinegraf”. Punimet si regjisor dhe producent i dramës që filluan në vitin 1987 e vazhdojnë edhe sot me filmat artistikë e televizivë janë prodhime të këtij pasioni të tij.
Osman Sınav me rrugëtimin kinematografik që nis në vitin 1987 xhiroi për televizionin filmat: “Vdekja e një Shkrimtari”, “Agim i Rremë”, “Karuseli”, “Një ditë e Sulltanit”, “Botë e Vogël”, “Nuk Gjendet Njeri për Dashurinë”, “Të Hapësh Dyert” dhe “Gënjeshtari”, për kinemanë filmat: “Guerila”, “Zemër e Çmendur”, “Parisi, Operacioni i Qershisë”, “Histori e Gjatë” dhe “Dashuria është e Kuqe”.
Në vitin 1991 përqendrohet në filmat serial për televizionin dhe u bë regjisor dhe producent i 17 serialeve shumë të pëlqyera televizive, si: “Super Baba”, “Zemër e Çmendur”, “Lidhjet e Jetës”, “Buka e Gojës”, “Lugina e Ujqërve”, “Sakarja dhe Eufrati”, “Molla e Kuqe”. Serialet u mirëpritën me shumë pëlqyeshmëri jo vetëm në Turqi, por me shumë interes edhe në televizionin e shumë shteteve të botës./aa/
Comments
Post a Comment