Vetura me pjepër në tregun me shumicë në Shkup është pronë e Ministrisë për transport dhe lidhje, pranojnë për Portalb nga kabineti i zëvendësministrit nga radhët e BDI-së, Nimetulla Halimi, mirëpo si që thonë ata, zv/ministri për nevojat dhe detyrat zyrtare shfrytëzon veturë tjetër dhe atë të tipit “Seat Ibiza” dhe “Nissan Jeep”.
Në fotografi shihet keqpërdorimi i kësaj veture ndërsa në media u hap pyetja se mos vallë Halimi merret me shitje të pjepërve përpos detyrës së tij zyrtare si zëvendësministër.
Nga kabineti i tij thonë që kjo nuk është e saktë ndërsa ditën kur janë bë fotografitë dhe publikimi i lajmit Halimi ka qenë në qëndrim katër ditor në Shqipëri nga ku eshtë kthyer të hënën afër mesnate.
“Lajmi dhe fotografitë e publikuara kanë për qellim prishjen e imazhit dhe veprimtarisë së Halimit nga persona të caktuar. Zv ministri në mënyrë aktive dhe të palodhëshme prej ardhjes në këtë funksion mund të përmendet vetëm për vepra, punë dhe angazhime në favor të të gjith shqipëtareve që kanë të bëjnë me avancimin e pozitës së shqiptarëve në të gjithë vendet punuese në ministri. ” thonë për Portalb nga kabineti i Halimit duke mos u përgjigjur pyetjeve të tjera, kush dhe pse ka keqpërdorur këtë veturë./portalb/
Comments
Post a Comment