Ngjashmëri mjaft e rëndë por ama, se ka nisur ta putinizojë BFI-në Molla Sula kjo nuk ka kurrfarë dyshimi! Çka do të thotë “putinizim”? Pse ky term me të madhe po përdoret në mënyrë pezhorative, sa herë kur po përshkruhet ndonjë situatë me elemente të diktatorizmit më të egër bashkëkohor. Putini, veç tjerash, është shndërruar edhe në idhull për të gjithë ata diktatorë të cilët dëshirojnë që “me mjete demokratike” dhunshëm të imponojnë njëmendësinë imperatoriane të njeriut mermer për nga ndjenjat njerëzore.
Putini, për këto vite të karrierës së tij politike çfarë i ka dashur shpirti ka bërë në skenën politike, herë kryetar e here kryeministër, herë udhëheqës i KGB-së herë udheheqës i “botës komuniste”! Ky putinizim i veprimeve të çakorduara politike është vërejtur edhe në BFI! Molla Sula herë ka qenë referent, herë kryetar, herë drejtor sektori e herë dekan fakulteti, për të qenë më në fund, çdo gjë dhe gjithçka mbi çdo gjë që i përket BFI-së. Diktator i stërvitur nëpër stepet e komunizmit të egër. Ujk i Stepeve, do ta quante shkrimtari gjerman!
Ç’është ajo që më së shumti e karakterizon putionizimin si “rrymë” apo “filozofi politike”? Shkelja e të gjitha normave kushtetutare, e të gjitha akteve ligjore si dhe dispozitave të ndryshme të opusit të drejtësisë së një vendi? Shkelje flagrante me qëllim të instalimit në sistem të marionetave të veta, të cilët do t’i duatrokisnin pastaj pas çdo akti kriminal, korruptiv dhe diktatorial. Përmes kësaj arrogance demonstrohet fuqia diktatoriale, jetëgjatësia mitike në front si dhe përfitimet absolute perandorake që shpërblehen me liri në kundërvlerë të ofertës. Sa ofron aq i lirë je! Nëse nuk ofron lojalitet, të gjenë atë çka e gjeti, për shembull Myftiun e Shkupit – eliminohet duke u zëvendësuar me një maionetë i cili në betejë hidhet si një qen i zgjebosur i cili, nëse reziston mund të bëhet “luan”, nëse jo në rr.s.!
Molla Sula mandatin e ka të vjedhur, para gjykatës e ka paraqitur me nënshkrim fals dhe me “fakte” të rrejshme. Kjo e vërtetë shumë shpejt do të faktohet dhe, pastaj do të fshihet nga regjistri qendror, pra, nuk do të figurojë më si Reis, ndërsa për falsifikimin do të gjykohet si për vepër penale! Po kështu nuk do të gjendet në regjistrin qendro si myfti as emir i Rexhep Jusufit, i cili u emërtua nga një “autoritet” ilegjitim dhe me post të vjedhur e të falsifikuar. Kështu do të përfundojnë të gjithë shkelësit e ligjit si dhe legjitimusit e kësaj shkelje flagrante.
Putini, putinistët dhe putinizimi, nga bota demokratike konceptohen si “kolerë e shekullit”, prandaj dhe izolohen në mënyrë hermetike. Nuk izolohen sa për t’ju krijuar komoditet në veprimtarinë e tyre diktatoriale brenda kufijve ku veprojnë, por, izolohen me qëllim që një ditë të hanë kokën e vet! Në mënyrë të vazhdueshme gjenden në tapetin e kritikave shoqërore duke u shkelur dhe shqelmosur pa dhembje! Vërtet a ka ndonjë lider fetar që kaq shumë është kritikuar dhe sulmuar përmes mediave të ndryshme. Në këtë botë nuk ka përveç Molla Sulës, i cili, portretizohet si njeriu më skandaloz, më i paskrupullt dhe më i rrezikshëm i shoqërisë. Po mësojmë se këto kualifikime vetëm atë e bejnë krenar, sepse, mburret me këtë të vërtetë të hidhur! Sa keq për të dhe trashëgimtarët e tij! Keqardhje edhe për miqtë e tij që nuk i ka, sepse po i konceptuaka si preservative!
Fatos Erebara, Tiranë
Marrur nga 1kliklarg
Comments
Post a Comment