Kush tentoi ta prishë garën kuranore

Në një të ardhme Molla Sulës do t’i drejtohet kjo pyetje e radhës: “A të kujtohet se cilit imam i ke thënë, dy javë para se të mbahet manifestimi tradicional se, këtyre të Myftinisë së Shkupit do t’ua prishi garat kuranore në natën finale”? Pse o faqezi, pse të derdhësh helëm nëpërke mbi atmosferën dhe përjetimet shpirtërorte çfarë i ofron vetëm Kurani Madhështor?

Myftiu i Shkupit, Ibrahim Shabani, ka kohë që i ka dalur përpara si një digë e pathyeshme Sulejman Rexhepit me qëllim që ta pengojë në realizimin e skenarit të tij të babzitur: të grabisë pronën e Myftinisë së Shkupit nën emrin e shoqërisë së ngushtë që e ka Molla Sula me shtyllat kyçe të kësaj Myftinie. Pse ta zëmë nuk guxon ta prekë pronën e Myftinisë së Gostivarit, apo të Tetovës, apo të Dibrës? Sepse ata nuk e bëjnë hesap për dy lekë!

Dhe, për ta eliminuar këtë pengesë të paeliminueshme për fatin e keq të Molla Sulës, ky mysliman i mitur (i thënçin mysliman) provokon hidhërimin, duke shpresuar në heqjen dorë nga përkrahja dhe në largimin e shokëve prej tij, kurse fare pa i shkuar në mend se, po këta shokë nuk do të heqin dorë prej tij përderisa nuk do ta rrënojnë nga “froni i grabitur”!

Se është e vërtetë kjo, flet edhe një dëshmi shumë e sikletshme e një imami i cili në çdo moment është në gjendje të dëshmojë edhe para gjyqit për skenrain e Molla Sulës.

Prishjen e miqësisë Molla Sula e ka bluar gjatë kohë. Shumë shpejt do të zbardhet edhe arsyeja e vetme se pse Molla Sula në mënyrë kaq të paligjshme, qoftë edhe duke rrezikuar me burgim, përpiqet ta eliminojë Myftiun, Ibrahim Shabani?

Molla Sula, më tepër se dy javë para se të mbahen garat kuranore të organizuar nga Myftinia e Shkupit, i ka thënë një imami (ai e di se kujt i ka thënë): “Tani është momenti që t’i eliminoj! Do t’ua prishi garat kuranore dhe do t’i turpëroj aq shumë sa nuk do t’ju lë fytyrë të dalin as prej shtëpive të veta”! Aventurë kjo shumë e rëndë e Molla Sulës. Ata të myftinisë së Shkupit thonë që, mu te prona e kësaj Myftinie do t’i nxihet fytyra e do t’i katranoset Molla Sulës. Për këtë do të përkujdeset vetë kjo Myftini, të cilën për më shumë se 3 dekada po e rjep Molla Sula sikur ta kishte bahçe të babës së vet. Ka ardhur koha që t’ia kthejë tërë borxhin që ia ka kësaj Myftinie, qoftë edhe përmes nxirjes së fytyrës së vet të katranosur.

Marrur nga profili zyrtar i Muftinisë së Shkupit.