Në Gostivar, publikohet bomba 26-të e LSDM

Sot LSDM-ja në Gostivar e prezantoi "bombën e 26-të, ku, siç thotë kryetari i degës në Gostivar Bllagojçe Tërpeski, paraqitet keqpërdorimi i firmave për qëllime politike. Siç dëgjohet në bisedat e përgjuara telefonike, në pjesën e parë të bisedave kërkohen vetura të firmave që të përdoren për zgjedhjet lokale në Gostivar. Në pjesën e dytë të bisedave kërkohet ndërhyrje në punësime, ku kërkohen që disa persona të punësohen në vija partiake. Edhe në bisedën e tretë kërkohet ndërhyrje në punësime në firmën “Rrugët e Maqedonisë”, në vija partiake. Në bisedën e katërt, kryeministri Nikolla Gruevski e porosit ministrion e Transportit dhe Lidhjeve Mile Janakieski që të merret Radio Gostivari nga Forumi i të rinjve të VMRO-DPMNE-së. Blagojçe Tërpeski, pastaj paraqet bisedat e dy funksionarëve të VMRO-DPMNE-së, të cilët duke biseduar ndërmjet veti për ndërhyrje të caktuara në vende të ndryshme pune, përmendin se në 150 njerëz të punësuar në institucione shtetërore, patjetër 25 të janë shqiptarë. Funksionarët e VMRO-DPMNE-së po tregojnë procedurën se si kryhet një punësim i caktuar, duke kërkuar edhe mendimin e Komitetit Lokal. Tentimi i tyre është që shqiptarët të mos punësohen. Ministrja e Brendshme Gordana Jankulloska në bisedë me Sasho Mijalkovin i ofendon shqiptarët, duke i quajtur "indianci”. Ndërkaq, kryeministri Gruevski në bisedë me Silvana Bonevën i thotë se u përlan me BDI-në që ta lëshojnë ligjin për “branitelat” në Parlament. Në një bisedë me Gruevskin, Jankulloska rreth ligjit të “branitelave” e përmend se më shumë është për efektin e opinionit. Ajo mendon se ligji është mirë të lidhet me “bli shtëpi-bli banesë”. Në “bombën” e 26-të, të publikuar nga LSDM-ja në Gostivar, dëgjohet se si "zëvendëskryeministri Fatmir Besimi ka kërkuar që të bëjnë marrëveshje parazgjedhore politike për Gostivarin, që të fitojë kandidati nga radhët e BDI-së, Nevzat Bejta". Ndërsa, tek njëra prej bisedave midis Sasho Mijalkovit me Musa Xhaferin, Sasho Mijalkovi këtij të fundit ia shpjegon procedurën e ligjit për “branitelat” duke i thënë se edhe kalon edhe nuk kalon, se është gjë e njëjtë. Sasho Mijalkov, në një bisedë me Musa Xhaferin lidhur me ligjin për "branitellat", lëshon pe duke shprehur qëndrimet e VMRO-DPMNE-së se ky ligj nuk kalon në Parlamentin e Republikës së Maqedonisë, vetëm se kjo gjë duhet rregulluar pak më politikisht.