Skopski Pazari dhe Mulla Sula janë dy firma që fitojnë më së shumti dhe që nuk i japin llogari askujt. Skopski Pazari është i lidhur me qeverinë maqedonase, po Mulla Sula me kë është i lidhur!? Mulla Sula rahatinë e vet në bisnes e fiton vetëm duke bekuar, ai së shpejti do ta hap edhe një tezgë për të gjithë ata që kanë dëshirë të bekohen. A zë bekimi i njeriut më të mallkuar për momentin siç është ky farë Nasradin Hoxha i kohëve moderne
Shkruan Moisi Dosa
Nuk dihet më se ku ka ngelur ndonjë firmë si Skopski Pazari i cili e përqëndron tregun e fruta-perimeve në një vend si në Bit Pazar! Në botë ky treg, ky pazar, tashmë është lëvizës dhe udhëton rrugë më rrugë, mëhallë më mëhallë, duke iu afruar qytetarëve dhe jo qytetari të bredhë pas perimeve.
Nuk dihet më se ku mund të gjeshë ndonjë ”udhëheqës fetar” i cili përqëndrohet në një vend ku i fton të gjithë qytetarët për ta vizituar ose edhe eprorët që i fton për t’i komanduar. Mulla Sula nuk e ka më guximin që të udhëtojë rrugë më rrugë, mëhallë më mëhallë dhe të takohet e të përshëndetet me myslimanët e vendit. Ka vende që i kanë dërguar ”selame”, ka vende që i janë kërcënuar, ka vende që e kanë shpallur ”persona non grata”, ka vende që e presin me stupca në duar. Sepse ka sharë shumë nëna e gra myslimanësh, prandaj dhe tashmë nuk është ”prijës lëvizës” (si pazari lëvizës), por, tashmë ka kaluar në ”pazar statik”, ka hapur një restorant, ku hahet e ku pihet, ku kërcehet e ku bëhen planet nga më të ndryshmet. Aty bëhet plani si të vjedhin me Mustafa Dautin (kohëve të fundit po qarkullon si personazh barcolete Mustafa Duduki), aty bëhen planet si të përgatisin ndonjë sulm apo atentat (hahaha…), aty bëhen planet si të vidhen myslimanët e vendit, bëhen planet si të eliminohen profesionistët dhe të rrethehon me diletantë e me idiotë, me falsifikatorë e me kuadër me diploma të blerë, sepse kështu ka qejf Mulla Sula, sepse vetëm kështu mund t’ua mbajë ulur kokën të gjitha ”pulave të lagura” nga ndjekja e gjelit nëpër shi.
Çka ka lidhje Skopski Pazari me Mulla Sulën? Sepse, Skopski Pazari nuk është për të zhvilluar ndonjë koncept për një jetë më të mirë, nuk zhvillon ndonjë filozofi jetësore; Skopski Pazari ofron vetëm tezgë në të cilën mund të shiten gjëra prej të pjekura e deri te gjërat e kalbura. Kush shkon symbyllurazi dhe me besim në Skopski Pazar, e ha!
Mulla Sula tashmë ka hapur një tezgë të veten (KONAKU – restorant) dhe jo për të zhvilluar ndonjë jetë fetare, apo ndonjë koncept ideshë që mund ta avansojnë jetën e myslimanit në vend, por, thjesht, ka hapur një tezge përmes së cilës mund ta thithë lirshëm gjakun dhe djersën e myslimanëve të vendit.
Të gjithë konsumatorët e tezgës së Mulla Sulës e dinë se produktet e asaj tezge janë të prishura, të kalbura, të helmuara, haram por, ja që ua ka ënda të shkojnë dhe t’i blejnë, madje pa hyrë në pazar me Mulla Sulën por, thjesht, duke ia blerë aq sa dëshiron vetë gazda Sula!
Edhe Skopski Pazari lejon që të ndërtohen tezga të egër dhe, madje, me pak tatim i lejon ato tezga të fitojnë më shumë se tezgat e rregullta. Mulla Sula është i njohur si pazarxhi i flaktë për të hapur tezga ne vende të egra. Lart mbi Matkë e uzurpoi një vend dhe e ngriti një villë-kontenjere për të cilën disa herë i është tërhequr vërejtja nga organet gjegjëse shtetërore për ta prishur, sepse e ka uzurpuar vendin. Po kështu, Mulla Sula tezgën e fundit e ka të egër, në vendin e uzurpuar dhe përpiqet që ta ushtrojë pashallëkun e vet si në ëndërr. Ai vdes për një pashallëk të vogël, por, jo për ta arritur rrugës së hallallit, por me vjedhje e me uzurpime, me hajni e me dredhi. Mu si në tezgat e Skopski Pazarit ku asnjëherë nuk mat kandari njësoj, ku vidhet në gram e në lekë, ashtu edhe në tezgën e Mulla Sulës (në KONAK) vidhet në sasinë e ushqimit, kau të shitet për viç, dashi të shitet për qingj, orizi, vaji, makaronat, kripa e kafja nga paketat e ndihmave humanitare të shiten si produkte të ”filan komercit”. Mbi të gjitha, në atë tezgë vidhet BFI-ja por edhe myshteritë, siç ndodhi kohë më parë me një myfti, të cilit edhe iu morën shumë para nga çmimi i realtë por edhe nuk ia kthyen kusurin (në vlerë prej 47 euro)! Sepse nuk paguan myftiu por kaca e myftinisë, nga buxheti i myslimanëve.
Për momentin, në Shkup, Skopski Pazari dhe Mulla Sula janë dy firma që fitojnë më së shumti dhe që nuk i japin llogari askujt. Skopski Pazari është i lidhur me qeverinë maqedonase, po Mulla Sula me kë është i lidhur!? Mulla Sula rahatinë e vet në bisnes e fiton vetëm duke bekuar, ai së shpejti do ta hap edhe një tezgë për të gjithë ata që kanë dëshirë të bekohen. A zë bekimi i njeriut më të mallkuar për momentin?!
Comments
Post a Comment