Translate

Saturday, March 4, 2017

Nis protesta në Prishtinë për lirimin e Haradinajt (Drejtpërdrejt)

Në protestën për lirimin e Ramush Haradinajt po marrinë pjesë edhe kryetari i Lëvizjes, Vetëvendosje, Visar Ymeri, bashkë me deputetin Rexhep Selimi, pastaj kryetari i Nismës së Kosovës, Fatmir Limaj me Jakup Krasniqin dhe deputetët e tjerë.
Në rendin e parë të protestës shihen edhe Daut Haradinaj e Pal Lekaj.
Nis protesta në Prishtinë për lirimin e Haradinajt (Drejtpërdrejt)
Ka nisur protesta e paralajmëruar në Prishtinë për lirimin e Ramush Haradinajt i cili është duke u mbajtur në Francë për shkak të një flet arresti të Serbisë. Seanca e fundit është mbajtur më 2 mars por vendimi i Gjykatës së Calmar është shtyrë për 6 prill.
Protestë gjithëpopullore për lirinë e Haradinajt (Drejtpërdrejt)
Së shpejti fillon në Prishtinë protesta gjithëpopullore kundër mbajtjes peng politik të ish kryeministrit të Kosovës Ramush Haradinaj në Francë.
Protesta është thirrur nga Aleanca për Ardhmërinë e Kosovës (AAK), lider i së cilës parti është Haradinaj, ndërsa është përkrahur edhe nga partitë tjera opozitare dhe shoqatat e dala nga lufta e UÇK-së.
Protesta po mbahet në Sheshin “Skënderbeu” në Prishtinë.
Që nga ndalimi i Haradinajt më 4 janar nga policia franceze, në të gjitha qytetet shqiptare dhe në qytetet e mëdha evropiane, është protestuar për lirimin e ish kryeministrit Haradinaj. 

0 comments :

Post a Comment