Esenca e apelit të Mulla Sulës ishte se do të zhvillohej aksioni i shpërndarjes së atyre parave të donuara nga Shqipëria, Kosova, Lugina e Preshevës, Bosnja, nga diaspora, dhe, sidomos, paratë e grumbulluara nga xhematet e vendit. Mulla Sula nuk e demanton as mbajtjen e mbledhjes së Rijasetit, as ankesën e myftinjëve të cilët tash e sa kohë janë nën presionin e xhemateve të veta për fatin e parave të grumbulluara për hasanbegasit, nuk e demanton as formimin e komisionit, nuk e demanton, krejt në fund, as vendimin e shpërndarjs së këtyre donacioneve në të holla. Mulla Sula demantoi adresën prej nga u lëshua apeli i tij
Selver Abdullahi
Në prag të vitit të ri, mediat shqiptare në Maqedoni publikuan një apel të BFI-së ku qartë shihej se Mulla Sula paska vendosur t’i shpërndajë paratë e donuara qytetarëve të Hasanbegut dhe të rrethinës. Nuk vonoi shumë dhe, si duket, Sulejman Rexhepi, alias Mulla Sula, i gjendur nën presionin e hajnave të tij, i gjendur para raporteve finansiare reale që flasin se paratë e grumbulluara janë bërë rrush e kumbulla, menjëherë lëshoi një demant me qindra akuza. Akuzat ishin të tipit të policisë serbe kur u kërcënohej me montime subjekteve të ndryshme kosovare të cilët përpiqeshin për një mospërfillje të arsyeshme kundër politikave millosheviqiane. Fatmirsish, në fund, të gjithë serbët e botës do të binden dhe pajtohen me levizjet shqiptare që ishin kundër asaj politike. Kjo do ta gjejë edhe vetë Mulla Sulën.
I gjori, kapet për adresën dhe jo për esencën. Esenca e apelit ishte se do të zhvillohej aksioni i shpërndarjes së atyre parave të donuara nga Shqipëria, Kosova, Lugina e Preshevës, Bosnja, nga diaspora, dhe, sidomos, paratë e grumbulluara nga xhematet e vendit. Mulla Sula nuk e demanton as mbajtjen e mbledhjes së Rijasetit, as ankesën e myftinjëve të cilët tash e sa kohë janë nën presionin e xhemateve të veta për fatin e parave të grumbulluara për hasanbegasit, nuk e demanton as formimin e komisionit, nuk e demanton, krejt në fund, as vendimin për shpërndarjen e këtyre donacioneve në të holla. Le t’ju thotë shqiptarëve a do t’ua japë paratë a jo! Nëse nuk ka ndër mend që t’ua japë paratë, për faktin se tashmë i ka shpenzuar në blerje të gollfeve, pasateve, BMW-ve si dhe banesave (a është e vërtetë që hajni Mustafa Dauti ka blerë dy bansa te “banesat e Mitatit”!?), atëherë le të thotë “jo, nuk ndajmë paratë e dedikuara për qytetarët e Hasanbegut, pasi që tashmë i kemi shpenzuar”, dhe jo të demantojë ekzistimin apo jo të një adrese elektronike.
Në një koment të djeshëm, autori i tij kishte nënvizuar disa hile që i kishte vërejtur në apelin e BFI-së! Autori pyet se pse Mulla Sula i kishte lënë vetëm dy ditë afat për t’u paraqitur qytetarët e Hasanbegut në lokalet e BFI-së, po çka do të bëhet me ata që nuk do të paraqten si pasojë e mosinformimit me apelin e BFI-së, pastaj, pse në atë komision nuk kishte anëtarë nga qytetarët e Hasanbegut! Autori i këtij komenti, nuk e kishte vërejtur një detaj shumë antihuman në atë apel. Atori nuk e kishte vërejtur se Mulla Sula kërkon fakte, dokumente e argumente lidhur me pasojat e shkaktuara nga vërshima katastrofale! Paramendoni se çfarë cinizmi antinjerëzor ky i Mulla Sulës. Tërë bota e ka parë, nuk ka qytetar i vendit dhe i huaj që nuk e ka parë skenën e llahtarshme nga ajo përmbytje apokaliptike. Po kujt i ka shkuar në mend që të fotografohet, të fotografojë përmbytjen kur tërë forcat njerëzore po përqëndroheshin për të shpëtuar njerëz. Pati edhe viktima, fatkqësisht, pati edhe foshnje të zhdukur, që nuk u gjet as sot e kësaj dite. O Mulla Sulë, si be ta gjejmë këtë foshnje e ta fotografojë, të ta sjellim ty dëshminë! I pa fytyrë, pa shpirt, pa din e pa iman je o Mulla Sulë në teksin e këtij apeli që ua lëshove myslimanëve të vendit, jo se ke ndjenjë humane, por sepse ti sinqerisht veten e konsideron babadimri i myslimanëve të vendit të cilëve u duhen “dhurata për vit të ri”! Bëji gati lekët e donuara për hasanbegasit, sepse në ditët që i ke caktuar vetë për këtë aksion, krejt qytetarët e Hasanbegut dhe rrethinës do t’i keshë në oborrin e BFI-së. Ti të jetoshë si pasha e të kaloshë kohën duke u skuqur si qengi në hell përskaj të oxhakut të restorantit tënd të marrur me paratë e hasanbegasëve “Konaku”, ish-restoranti “Te pishat”, ndërsa qytetarët e Hasanbegut të ngrihen në këto ditë të acarta të dimrit, nuk shkon! Shiti gollfet, pasatet, BMW-në X6 dhe banesat e hajnit Mustafa Dauti, si dhe kthei paratë e shpenzuara në rregullimin e interiereit në këtë restorant (të gjitha këto shpenzime pas parave të grumbulluara për hasanbegasit të cilët as sot e kësaj dite nuk i panë me sy) dhe, ja paratë do të jenë aty për ta kryer aksionin për të cilin e lajmëruan Hasanbegun në prag të Natës së Vitit të ri! Bëhu babagjysh i mirë dhe i sinqertë, të paktën një herë në jetën tënde, o Mulla Sulë!l
(Autori është banor i Hasanbegut)
Comments
Post a Comment