Skip to main content

Vota për BDI është votë edhe për VMRO-DPMNE

Shkruan: Xhevdet Hajredini
Çdo votë për BDI është edhe votë për VMRO-DPMNE njësoj siç ishte para 2 viteve kur BDI për interesa të VMRO-s kërkoj zgjedhje të parakohshme, me qëllim që të behet e mundur zgjedhja e Ivanovit kryetar të shtetit dhe VMRO-DPMNE të fitojë 63 deputet.
Shëtitën dhe u gostitën funksionarët e BDI-së dhe nuk siguruan asnjë votë për deputet shqiptarë nga diaspora, as nga Zvicra ku jetojnë mbi dyqind mijë shqiptarë nga Maqedonia, ku me dekada kanë qëndruar edhe funksionar të BDI-së.
Mbas këtyre zgjedhjeve nuk u realizua asnjë premtim i dhënë gjatë fushatës parazgjedhore,as kryetar konsesual, asnjë funksionar i lartë shtetëror.
Gjatë fushatës parazgjedhore, asnjë funksion tjetër i lartë shtetëror, asnjë drejtori apo agjenci e rëndësishme shtetërore. Vetëm u mbyll zëri i të vetmit deputet Izet Zeqiri të RDK-së i cili me argumente të shumta e çveshte në kuvend politikën diskriminuese të koalicionit VMRO-BDI. Me këto zgjedhje BDI-ja i mashtroi shqiptarët e Maqedonisë se gjoja e ndihmon procesin e integrimit euroatlantik, se do të dalin nga koalicioni qeveritar në qoftë se Maqedonia nuk pranohet në NATO, etj.
Përkundrazi në mbledhjen e parë pas konstituimit të qeverisë së re, në rend dite u vunë çështje të cilat deri atëherë nuk ishin përmendur, një far zonë e lirë financiare e cila do të shërbente për larjen e parave të vjedhura prej se kanë ardhur ne pushtet, për ndalesën me kushtetutë të martesave të personave të së njëjtës gjini, gjë e cila nuk është e lejuar as me ligjin i cili edhe tani është në fuqi, ndryshimi vetëm i emrit të bankës së shtetit, vendosjen e luanit në stemën e Maqedonisë.
Sipas deklaratave të funksionarëve të VMRO-së për të gjitha këto çështje kaq të “rëndësishme”, shumë kohë më parë paskan qenë marrë vesh dy kryetarët harizmatik të dy partive në pushtet. Për këto propozim ligje nuk ka pasur dijeni as ministri shqiptar i drejtësisë.
Gjatë dy viteve të fundit ndodhi diçka që vështirë se ka ndodhur ndonjëherë diku tjetër në bote. U zbulua se gjatë një periudhe dhjetëvjeçare këtë shtet e ka sunduar një garniturë kriminele e cila më në fund e zhyti në një krizë të thellë politike dhe morale, sa që edhe ndërhyrja e pa precedent e Bashkimit Evropian dhe SHBA-ve dhe përpjekjet e tyre intensive janë ende larg rezultatit përfundimtar.
Sipas VMRO-së, krizën e kanë shkaktuar “miqtë tanë ndërkombëtarë” të BDI-së, kurse, sipas BDI-së, krizën e kanë shkaktuar qarqet e lindjes, përndryshe mbështetës të VMRO-së. Të dy partnerët, me këta shpjegime absurde, përpiqen të shpëtojnë nga përgjegjësia politike, penale dhe morale e cila i pret në të ardhmen e afërt. Se bashkë e kanë shkaktuar krizën u pa edhe gjatë bisedave me praninë e ndërmjetësuesve ndërkombëtar, për arritjen e marrëveshjes së Përzhinës.
Piter Vanhaute, ndërmjetësuesi i Komisionit Evropian, në intervistën e dhënë javores ‘Fokus’, të datës 29.04.2016 flet për presionin që VMRO-ja e ushtron mbi BDI-në. I nxitur nga kjo dëshmi skandaloze, zotin Vanhaute, në një takim të rastit, e pyeta se për çfarë presioni bëhet fjalë, ai më tha se gjatë bisedimeve Gruevski kërkoi pauzë që të bëjë konsultime me Ali Ahmetin.
Kur u kthye nga ky konsultim Ali Ahmeti e ndryshoi qëndrimin dhe në vazhdim filloi ta përkrahte Nikola Gruevskin dhe VMRO-DPMNE.
I vetmi problem është se partia më e madhe në këtë shtet refuzon të bëjë çfarëdo hapi në drejtimin e duhur, i bllokon të gjithë proceset, këtë e bëri me mbështetjen e BDI-së, shumica e kuadrove udhëheqëse të së cilës janë të shantazhuar me incizime komprometuese. Para se të njoftohen me këto incizime, BDI-ja bënte thirrje që ata në tërësi të publikohen. Por, kur ata filluan të publikohen, të njëjtët i kaploi paniku edhe në Kuvend shpejt e shpejt nxorën një projektligj me të cilin rreptësishtë ndalohet publikimi i tyre, edhe atë jo vetëm brenda shtetit por edhe në botën e jashtme.
Shpresoj se propozuesi për këtë propozim nuk e ka konsultuar as ministrin e drejtësisë të partisë së vet nga BDI. Tashmë është bërë e njohur edhe sipas gjetjeve të Grupit së Pribes edhe sipas prokurorisë speciale publike, se përgjimet i kanë bërë institucionet e këtij shteti, në krye të cilit qëndron qeveria e koalicionit të dy partive BDI – VMRO-DPMNE.
Këto dy parti duhet të humbin zgjedhjet dhe fajtorët të shkojnë në përgjegjësi. Në qoftë se i fitojnë, edhe pak kohë agoninë e vet e vazhdojnë.

Comments

Popular posts from this blog

Dromca memoaresh të Sulejman Rexhepit (PJESA I)

Dromca memoaresh KUSH MA PREK KOMBIN MË KA SHARË FENË Miq të dashur! Vëllezër e motra! Para do kohe, një mikut tim të ngushtë ia dhashë dorëshkrimin tim me memoare për t’i lexuar dhe, eventualisht për t’i redaktuar, meqë është njeri i pendës. Ish-shefit tim të kabinetit,H. Agron Vojnikës, i kisha thënë që do t’ia jepja këtë dorëshkrim me kusht që ta botonte pasi të bëhesha për rahmet. Por, meqë gabova dhe ia dhashë mikut për tí lexuar, megjithatë, është kohë e turbullt, kohë kur nuk mund t’i besoshë as vetes ndaj dhe, duke dyshuar se mund t’i keqpërdorë memoaret e mia, vendosa që t’i botoj vetë, në këtë faqen time elektronike. Së shpejti do të keni rastin t’i lexoni memoaret nga dorëshkrimi im, me titull KUSH MA PREK KOMBIN MË KA SHARË FENË   HYRJA Bismilahi rrahmane rrahim! Ky do të jetë titulli i përmbledhjeve të memoareve të mia në këtë faqe elektronike dhe më vonë edhe në librin tim të radhës. Një nga format më të rënda të shkrimit pa dyshim që janë edhe me

Zbulohen lidhjet e Argëtim Asanit me Petrit Hamen (Amen), bashkëpunëtori i famëkeqit Arkan: Ja segmentet e UDB-së në politikën shqiptare të Maqedonisë

Ylli Pata Vrasja e Argëtim Asanit (alias Artan Musliut) risjell në skenën e tronditur të shqiptarëve të Maqedonisë, fantazmat e tmerrshme të lidhjes së vjetër me nëntokën e krimit të organizuar dhe me shërbimin famëkeq serb UDB, i cili një pjesë solide të tij, e ka vazhduar me shërbimin e Maqedonisë së sotme të Nikolla Gruevskit. Argëtim Asani, ka qenë një figurë kyçe e nëntokës së errët me politikën shqiptare të të gjitha forcave politike. Por mbi të gjitha ajo që është më eminente në “CV”-në e të ndjerit Asani është veprimtaria e tij e gjatë si njeri i afërt dhe truprojë e misteriozit Petrit Hame i njohur si Ame, bashkëpunëtor i afërt i kriminelit serb, Zhelko Razhnjatoviç (Arkanit) dhe figurë eminente e UDB-së jo vetëm në Maqedoni. Argëtim Asani, që prej fillimit të viteve 90-a ka qenë bashkëpunëtor i Petrit Ames në tregëtinë e paligjshme dhe monopolet ekonomike që lindën më pas në kontrollin e shitjes së karburanteve, cigareve dhe lidhjeve me nëntokën e Shqipërisë, madje e

Bashkëluftëtari i Zahirit: Ali Ahmeti e Fazli Veliu duhet të tregojnë pse u vra Zahir Pajaziti (Foto)

Hasan Zeneli, bashkëluftëtarë i heroit Zahir Pajazitit, në ditëlindjen e Zahirit, në faqen e tij në facebook ka shkruar në lidhje me vrasjen e tij. Sipas, tij ai nuk do të ndalet kurrë dhe do ta qoj këtë çështje deri në fund, duke zbuluar tradhtarët e vërtete të cilët i kanë bërë pritë Zahir Pajazitit. “Unë Hasan Zeneli ne emer te shokeve te gueriles se Zahir Pajazitit, publikisht u them se kete pune do ta çojm deri ne fund, deri ne zbardhjen perfundimtare duke i zbuluar tradhtaret e vertete te cilet i kane bere priten Zahirit dhe shume djemave tjere deshmor te ketij kombi”, shkruan ai./BS Ja postimi i tij i plotë pa ndërhyrjen tonë: Me 01 Nentor 2016, Kom. Zahir Pajaziti e ka ka DITELINDJEN. “Zahirin e vram sepse na e shau Azem Sylen ne TIRANE. Kete e di,vetem SEKTORI i vecant. E vram sepse ishte tmerr per ne dhe per vllaznit ton sllavokomunist.Nuk eshte e vertet se Xhavit Haliti me perjashtoi mua, por une e perjashtova Xhavit Halitin. Une jam shefi i shefave ktu! Hiq s’marr ves