Mulla Sula paska vdekur?! Në shenjë falënderimi për
vjedhjet që i ka bërë në emër të FSHI-së dhe BFI-së që nga viti 1997, Rijaseti
i BFI-së Sulejman Rexhepit ia ndanë një pllakë përkujtimore, nga ato që vihet
në kokë te varrezat e ateistëve! Le të jetë ky shkrim në vend të kurorës
mortore që u vihet përskaj këtyre pllakave përkujtimore
Nga Haxhi Isa Xhaviti
Nuk ka kurrfarë dyshimi se, Mulla Sula është ekspert
i falsifikimit të arkivit të BFI-së por edhe i ngjarjeve të rëndësishme që kanë
ndodhur në këtë Institucion. Falsifikim i fundit i tij është shënimi i 20 vjetorit
të themelimit të Fakultetit të Shkencave Islame. Rrafsh për një vit e
falsifikoi datën. Mbase për vetë faktin që rreth BFI-së dhe vetë Mulla Sulës po
ndodhin vetëm dukuri e trishtime antinjerëzore dhe antiislame dhe asgjë që do
të shkonte në favor të tij. Si duket kishte nevojë të zjarrtë që të shënojë një
ngjarje e cila në fakt gabohet në vite, sepse 20 vjetori i Fakultetit është më
vitin 2017. Vetëm shikojeni në pllakën përkujtimore se kur është themeluar dhe
menjëherë do të bindeni se Mulla Sula po e ndjenë më të keqen: mbase nuk do të
jetë në gjendje që ta festojë 20 vjetorin, prandaj e përshpejton për një vit më
herët. Përfundimisht, Mulla Sulën e kanë kapluar xhindët e mirënjohjeve,
prandaj, nëse në çdo gjashtë muaj nëse nuk e kurdis një mirënjohje thjesht
çmendet. Kësaj radhe ia kishte kurdisur vetes dy lloj mirënjohje: njërën ia
dhuroi dekani i FSHI-së, kurse tjetrën, pllakën e mermertë përkujtimore, atë
identike si ato që vihen te koka e varrit ateist, ia dhuroi Rijaseti. Çfarë
rasti morbid! Pllakë përkujtimore njeriut të gjallë. A e di Mulla Sula se çfarë
do të thotë kjo simbolikë? Vetë Rijseti konstaton se tashmë ose është i vdekur
ose duhet të vdesë Mulla Sula, prandaj edhe ia ka përgatitur për së gjalli
pllakën përkujtimore. Ia ka përgatitur pllakën e cila përçon një mesazh shumë
metaforik: Mulla Sula, që nga viti 1997 e vodhi dhe e shkatërroi si FSHI-në
ashtu edhe BFI-në. Praktikisht, këto dy institucione me Mulla Sulën janë në
komë, buzë vdekjes, prandaj edhe mungon data e vdekjes e cila rënom shkruhet
nëpër këto pllaka përkujtimore prej mermeri. Pse të gjitha ato lavdërata të
stërtepëruara për Mulla Sulën? Çka është ky servilizëm kaq i skajshëm? Si e
paska ndërtuar Mulla Sula Fakultetin e Shkencave Islame kur dihet fare mirë se
ajo godinë është "produkt" i sheikut arab, i cili ishte zotuar se do
ta finansonte edhe ndërtimin e xhamisë për të cilin tashmë është hedhur dhe
harruar guri themeltar, por edhe konviktin e studentëve. Sheiku kurrë nuk u bë
i gjallë? E dini pse? Sepse, Mulla Sula, bashkë me mikun e vet të ngushtë, e
kishin vjedhur e rrjepur sheikun dhe, të cilit kurrë nuk i raportuan se si u
shpenzuan ato të holla të cilat i investoi për të mirën e islamit e që,
fatkeqësisht, përfunduan në xhepat e këtyre dy hajnave dikur shokë të ngushtë.
Pas këtij projekti, harami do t'i mundë dhe, që të dy do të hidhërohen përjetë,
do të kalojnë në armiqësi të thella! Nëse Mulla Sula mendon se ka edhe ai
merita në ndërtimin e këtij Fakulteti po ia bëjmë me dije se, ky projekt u
jetësua vetëm falë devotshmërisë prej besimtarëve të sinqertë të Abdrrahman
Halitit, Beqir Zhutës, Shaban Prevallës, Abdurauf Pruthit, Naser Ziberit, Ismet
Ramadanit, Eshtref Aliut, Mersel Bilallit si dhe e shumë funksionarëve të
Partisë për Prosperitet Demokatik, të cilët, pas dështimit me UT-në, ishin
kërcënuar me dalje nga koalicioni qeveritar nëse nuk do të jepej leja për
sendërtimin e projektit të FSHI-së. Faktet historike do të dëshmojnë se, ky
Fakultet Prosperitetit i duhej vetëm për të siguruar vota në prag të një
detronizimi të madh që po e kaplonte këtë Parti, ndërsa Mulla Sulës i duhej si
pikënisje për vjedhje, për pasurim familjar dhe për kriminalizim të krejt BFI-së.
Për BFI-në viti 1997 do të jetë viti i mbrapshtë, kurse për Mulla Sulën do të
jetë vit i mbarë që shënoj një epokë të re: epoka e keqpërdoimit të islamit për
përfitime personale të Mulla Sulës! Ky është viti i përpjekjeve të Mulla Sulës për
të varrosur vlerat islame të BFI-së si dhe të FSHI-së, prandaj edhe, Rijaseti,
me një kopili të theksuar, ia ndanë këtë formë të mirënjohjes Mulla Sulës.
Mbase kjo flet për një vetëdijësim të Rijasetit në raport me Mulla Sulën dhe
një selam intern për vetë atë që tashmë e ka kohën të ik! Një përpjekje për ta
dekriminalizuar Institucionin nga krimineli që po e mban të uzurpuar
Institucionin! Bravo për Rijasetin, për guximin e tij në hudhjen e këtij hapi
për ta krishterizuar fundin e Mulla Sulës!
Comments
Post a Comment