Translate

Wednesday, February 3, 2016

Parashtrohen 270 amendamente të propozim-rezolutës të PE-së për Maqedoninë

Gjithsej 270 amendamente janë parashtruar ndaj Propozim-rezolutës për Maqedoninë të raportuesit Ivo Vajgël, që për progresin në integrimet evropiane në mars duhet ta votojë Parlamenti Evropian, njofton korrespondenti i MIA-s nga Brukseli.
Siç është tashmë praktikë e rregullt, kur bëhet fjalë për Rezolutën e Maqedonisë në shtëpinë ligjvënëse të BE-së, eurodeputetët grekë dhe bullgarë janë rekorderë në numrin e amendamenteve të parashtruara të propozimit të eurodeputetit slloven Vajgël, Europarlamenti ta mbështesë rekomandimin e kushtëzuar të Komisionit Evropian për hapje të negociatave inkuadruese të BE-së me Maqedoninë dhe kërkoi hapje urgjente të bisedimeve.
Eurodeputeti nga partia neofashiste "Agimi i Artë" gjenerali në pension Jorgos Epitideios, së bashku me kolegun e tij Angel Xhambaski nga partia nacionaliste bullgare VMRO-BND Krasimir Karakaçanov, janë kryesues të artilerisë së re të amendamenteve të Rezolutës për Maqedoninë në PE.
Eurodeputetët grekë, të kryesuar nga neofashisti Epitideios, përpiqen që në amendamentet të sigurojnë fshirjen e mbiemrit "maqedonas" nga gjithë Rezoluta dhe zëvendësimin e tij me "FYROM" apo sikurse edhe ish-raportuesi për Maqedoninë në Europarlament, Riçard Hovit, kërkoi në amendament që gjithçka që është "Maqedoni" ose "maqedonas" të zëvendësohet me "ky vend" ose "vendi".
Pikërisht Hovit kërkon fuqimisht që të potencohet "diskriminimi i komunitetit LGBT në Maqedoni", ndërsa kolegët e tij grekë dhe bullgarë akuzojnë se Maqedonia "nuk bashkëpunon mjaftueshëm me Kombet e Bashkuara për çështjen e emrit" dhe se "me problemet dypalëshe me Greqinë dhe Bullgarinë bëhet përpjekje që të preken problemet e brendshme politike". Pikërisht në këtë pjesë, grekët përpiqen fuqimisht dhe me shumë amendamente ta ndërrojnë paragrafin në raportin e Vajgëlit, në të cilin përmendet se "problemet dypalëshe nuk guxojnë ta bllokojnë fillimin e bisedimeve inkuadruese".
Krahas Xhambazoskit dhe eurodeputetëve grekë, krizën politike dhe përballjen me krizën e refugjatëve, në kontekst negativ përpiqen që përmes amendamenteve në Rezolutën për Maqedoninë ta fusin edhe disa eurodeputetë të tjerë, mes të cilëve edhe miku i madh i deritanishëm i shtetit të Maqedoninë në PE - Eduard Kukan. Pikërisht këta eurodeputetë, tentojnë edhe të zhduket fjalia "vendi më i avancuar në pjesën e harmonizimit me legjislativën e Bashkimit Evropian" që rregullisht ndodhet në fillim të pesë rezolutave të deritanishme të Europarlamentit për vendin tonë. 
Eurodeputetët bullgar Xhambaski, Angel Kovaçev dhe Sergej Stanishev, insistojnë në amendamente se është e nevojshme të zbatohet regjistrimi i popullatës në Maqedoni dhe në të njëjtin "të vendoset grafë për bullgarë". Ata gjithashtu, sërish kërkojnë festimin e ngjarjeve dhe personave të përbashkët historik, interpretim i historisë "pa konotacion ideologjik" dhe vendosje të komisionit të përbashkët ekspert për historinë.
Në lidhje, megjithatë, të amendamenteve pozitive për Rezolutën e Maqedonisë në Parlamentin Evropian, këtu kryeson kryesuesi me Komitetin e përzier parlamentar të PE-së dhe Kuvendin e Maqedonisë, slloveni Alojz Peterle, i cili insiston të ndihmohet Maqedonia për t'i filluar negociatat për anëtarësim me qëllim "që të shmanget afrimi asimetrik i Ballkanit Perëndimor ndaj Bashkimit Evropian". Një numër të madh të amendamenteve pozitive për Maqedoninë ka edhe nga eurodeputetët e tjerë nga Kroacia, si Andrej Plenkoviq, Davor Ivo Shtier, Marijana Petir dhe Ivana Maletiq, nga sllovenët Patricia Shulin dhe Millan Zver, si dhe nga hungarezët Tamash Maserish dhe Igor Sholtes, estonezët Kelam dhe Paet dhe nga liberali Luis Mihael nga Belgjika.
Megjithatë, këtë vit ka më pak amendamente për Rezolutën e Maqedonisë sesa vjet, kur kishte 290 amendamente, por megjithatë është shumë nëse merret parasysh se në vitin 2014 kishte 170 amendamente për Rezolutën e Parlamentit Evropian për shtetin e Maqedonisë.
Raportuesi për Maqedoninë në PE, Vajgëll, paraprakisht për MIA-n deklaroi se është e rëndësishme të zgjidhet një orë më herët kriza politike në Maqedoni, që vendi të mund të përparojë në integrimet euroatlantike.
"Kuptohet, këtu KE-ja dhe PE-ja qëndrojnë në pozitën e njëjtë se rekomandimi është kushtëzuar me përparim në kryerjen e të gjitha pikave të marrëveshjes së Përzhinos dhe me organizimin e zgjedhjeve të përkryera dhe demokratike në prill të vitit 2016. Nëse këto dy kushte plotësohen dhe mendoj se kjo është plotësisht objektive dhe e nevojshme, besoj se Maqedonia mund të përparojë", theksoi Vajgëll në deklaratën për MIA-n.
Afati i fundit për vazhdimin e amendamenteve të rezolutës së PE-së për Maqedoninë ishte 14 janari. Leximi i dytë para Komitetit për punë të jashtme (AFET) në dhomën ligjdhënëse të BE-së është caktuar për datën 16 të këtij muaji, ndërsa miratim i Komitetit të theksuar do të mbahet më 23 shkurt. Versioni përfundimtar i Rezolutës së Parlamentit Evropian për Republikën e Maqedonisë është caktuar që të miratohet në seancën plenare në Strasburg që do të mbahet midis 7 dhe 10 marsit të vitit 2016./koha/

0 comments :

Post a Comment