Ajo që do ta trondisë mbarë opinionin e vendit, sipas
disa burimeve brendapartiake të partisë shqiptare në pushtet, BDI-së, do të
jenë përgjimet që kanë të bëjnë me kryetarin e BFI-së, Sulejman Rexhepin. Po ky
burim thotë se, telefonatat e përgjuara të efendi Rexhepit dhe të familjes së
tij janë edhe më skandaloze se sa telefonatat që flasin për seks-skandalet në
të cilat janë të përfshirë edhe politikanët shqiptarë
Shkruan Rafet Kasami
Në Maqedoni,
tashmë 24 prilli është caktuar si ditë kur do të mbahen zgjedhjet e
jashtëzakonshme parlamentare, si rrjedhojë e "Marrveshjes së
Përzhinës", të arritur në mes partieve kryesore në Maqedoni (VMRO, LSDM,
BDI, PDSH) e me ndërmjetësim të ndërkombëtarëve. Megjithatë, edhe pse po
vlerësohen si taktizime partiake, në esencë të gjitha këto parti janë për ta
shtyrë muaj tutje ditën e zgjedhjeve. Shkas janë bërë përgjimet masovike të
cilat akoma po e skandalizojnë shoqërinë dhe po i dridhin themelet edhe ashtu
të brishta të shtetit. Në këtë shtet po sundon një pasiguri totale. Të gjithë
janë në ndjekje të "shtrigave" që i posedojnë këto përgjime! LSDM-ja
që ishte "pronare" e këtyre përgjimeve kohë më parë zyrtarisht ia
dorëzoi Prokurorisë Speciale e cila do të merret me procesuimin e të gjitha
aferave. Në taborrin e partive opozitare po flitet se, arsyea kryesore që po e
nxit VMRO-në për t'i sabotuar zgjedhjet e 24 prillit janë pikërisht informatat
që dolën pas arrestimit të Zahir Beqirit-Çaushit, në shtëpinë e të cilit u
gjetën mbi 70 mij përgjime si dhe një numër i konsiderueshëm i pasaportave
false. Pas këtij arrestimi u shpërndanë shpekulime se i njëjti "set"
i përgjimeve është shpërndarë edhe te disa persona shumë të sigurtë të cilët do
të përkujdesen që t'i publikojnë të gjitha nëse kapet njëri prej poseduesve të
këtyre materialeve. Nga ana tjetër, për pushtetin aktual mjaft problematik del
edhe gazetari kontravers, Zoran Bozhinovski, i cili nga "biruci" i
tij në Novi Sad ka paralajmëruar se përgjatë ditëve të fushatave parazgjedhore,
do të nis t'i publikojë përgjimet dhe se tashmë paskësh arritur të nënshkruajë
kontratë me dy portale shqiptare mjaft me ndikim, një në Kosovë e një në
Shqipëri. Pra, pushteti tërthorazi angazhohet për shtyerjen e këtyre zgjedhjeve
deri sa t'i zbulojë "bunkerët" e këtyre përgjimeve, apo edhe të
detyrojë opozitën maqedonase që për ndonjë kompromis eventual t'i dorëzojë këto
"buknekrë". Edhe manovrimet politike të opozitës shkojnë në drejtim
të shtyerjes së zgjedhjeve me qëllim që të fitohet kohë për fillimin e
proceseve gjyqësore për aferat që peshojnë mbi pushtetin aktual. Opozita është
e sigurtë që nuk do të ketë zgjedhje në datën 24 prill, siç është e sigurtë se
opinion i vendit dhe ai ndërkombëtar do të tronditen nga aferat që do të
zbardhen nga publikimi i përgjimeve. Në taborrin opozitar thonë se, as vetë më
nuk dinë se në ç'duar gjenden të gjitha ato përgjime, veçse janë të sigurtë që
në kampusin politik shqiptar Ali Ahmeti dhe Musa Xhaferri do të tronditen shumë
keq, ndërsa nga kampusi maqedonas më së keqi do të kalojnë Nikolla Gruevski,
Sasho Mijallkov, Gordana Jankullovska, Mile Janakievski si dhe Zoran
Stavrevski. Gjithnjë e më shumë po flitet edhe emri i Ministres për Kulturë,
Elizabeta Kançevska Milevska, për zhdukjen (djegien) e tetë pakove të mbushura
me dokumentet e megaprojektit "Shkupi 2014"! Por, ajo që do ta
trondisë mbarë opinionin e vendit, sipas disa burimeve brendapartiake të
partisë shqiptare në pushtet, BDI-së, do të jenë përgjimet që kanë të bëjnë me
kryetarin e BFI-së, Sulejman Rexhepin. Po ky burim thotë se, telefonatat e
përgjuara të efendi Rexhepit dhe të familjes së tij janë edhe më skandaloze se
sa telefonatat që flasin për seks-skandalet në të cilat janë të përfshirë edhe
politikanët shqiptarë. Jo zyrtarisht mësohet se, Sylejman Rexhepi, kohë më
parë, gjatë orëve të vona të natës, fshehurazi ka zbrazur "dhomën" e
vet, duke i nxjerrë nga kabineti të gjitha gjërat dhe materialet kompremetuese.
Po kështu ka vepruar edhe shefi i tij i finansave, Azem Eminovski. Diçka e
madhe po zihet në BFI dhe, përgjithësisht, në Maqedoni!
Comments
Post a Comment