Translate

Friday, February 27, 2015

Së shpejti lidhur me BFI-në

Të nderuar lexues ju paralajmërojm se ditëve në vijim do të publikojmë një bombë lidhur me Bashkësinë Fetare Islame. Na ndiqni....!

Nishani: Bashkimi i shqiptarëve i pashmangshëm sipas modelit evropian

Presidenti i Shqipërisë, Bujar Nishani ka deklaruar se është i pashmangshëm bashkimi i shqiptarëve sipas modelit evropian.
“Pa diskutim që sipas modelit evropian dhe kjo është e pashmangshme. Të gjitha vendet ku shqiptarët jetojnë në rajon janë të orientuara drejt të modelit evropian, të bashkëjetesës, bashkekzistencës dhe funksionimit. Ky është një destinim i pashmangshëm, aq sa që është destinacion i pashmangshëm Bashkimi Evropian për Shqipërinë e Kosovën dhe gjithë rajonin. Pra, për sa kohë destinacioni tash i pranuar dhe angazhuar është BE-ja, nuk mund të përjashtohen shqiptarët rreth këtij destinacioni, i cili është destinacion që ka vlerën e një familjeje që është e organizuar me vlerat e ndryshme, me kultura të ndryshme, por që i harmonizon ato në mënyrë krejt normale dhe të ndërtuar te njëra-tjetra”, deklaroi presidenti Nishani në një intervistë për revistën dialogplus.ch.
Sipas tij, nuk ka askush pse shqetësohet nga konteksti dhe ideja e asaj që do të realizojë ky bashkim – shqiptarët në modelin evropian.
Ai në këtë intervistë ka folur për zhvillimet aktuale në Shqipëri, Kosovë, rajon, për diasporën shqiptare, dhe prioritetet e shtetit shqiptar.(INA)

“Lista Serbe po punon për rrënimin e shtetit të Kosovës”


Që nga shkarkimi i ministrit për Kthim dhe Komunitete, Aleksandër Jabllanovic në fillim të shkurtit, përfaqësues të Listës Serbe po i bojkotojnë institucionet e Kosovës.
Zëdhënësi i Lëvizjes Vetëvendosje, Erzen Vraniqi, pohon se, kjo listë nuk ish dashtë me ekzistua si subjekt politik, pasi punon për rrënimin e shtetit të Kosovës.
“Lista Serbe nuk ish dashtë të ekzistonte si subjekt politik në Kosovë, sepse ajo përbëhet nga strukturat paralele të Serbisë, të legjitimuara me marrëveshjet në Bruksel dhe si e tillë dirigjohet nga Beogradi. Lista Serbe punon aktivisht për rrënimin e shtetit të Kosovës, së këndejmi nga ata mund të pritet veç bojkot, sabotim etj.”, thotë Vraniqi për gazetën “Bota sot”.
Analisti politik, Armend Muja, thotë se, me futjen e Listës Serbe në kornizën e zgjedhjeve qendrore është parashikuar që më herët ndeshja e qëllimeve dhe polarizimi i skenës politike kosovare.
“Fillimisht, stili dhe lloji i shtemformimit të Kosovës është i karakterit civil ku shteti nuk identifikohet me një përkatësi të caktuar etnike por promovon një koncept të gjithmbarshëm shtetformues Kosovar - agjenda e Listës Serbe nuk është për ta ndërtuar por për ta penguar atë”, thotë Muja për gazetën “Bota sot”.
Sipas tij së dyti, heqja e Jabllanoviçit ka qenë një sinjal që Lista Serbe duhet të ndryshoj diskursin dhe fjalorin politik - diskursi i Kosovës Veriore nuk përputhet me realitetin e krijuar në Prishtinë
“Së treti, duhet të ketë kujdes që mos të jetë heqja e Jabllanoviçit si argument shtesë në taborët radikale etnike serbe që integrimi në institucionet e Kosovës nuk qon askund
Se katërti, Lista Serbe është duke ruajtur kreditet e saj negociuese për dy çështje tjera të rëndësishme: Statusi i Asociacionit të Komunave Serbe dhe Ushtrisë së Kosovës”, thotë Armend Muja.
Kurse, Gjergj Dedaj, kryetar i Partisë Liberale të Kosovës thotë se, Lista Serbe bënë politikë të dyfishtë, joetike dhe thjeshtë është degë e Beogradit në Republikën e Kosovës.
“Ata duhet të ndryshojnë rrënjësisht platformën e tyre nacionaliste dhe të pranojnë realitetin e ri në Kosovë duke u bërë pjesë e institucioneve dhe shoqërisë kosovare dhe duke hequr dorë nga të qenunit turist politik të Serbisë në Kosovë. Me vetë faktin se kanë marrë pjesë në zgjedhjet e fundit parlamentare dhe lokale, janë të përfshirë në institucionet e Republikës së Kosovës dhe marrin paga e privilegje në Kosovë duhet ta njohin Republikën e Kosovës dhe ti kontribuojnë përfshirjes së komunitetit serb në të gjitha segmentet e jetës, stabilitetit politik, barazisë etnike dhe shtetit ligjore të së drejtës konformë Kushtetutës së Republikës së Kosovës”, thotë Dedaj për gazetën “Bota sot”.
Ai pohon se, lidhja e tyre e ngushtë me forcat nacional shoviniste të Beogradit zyrtar në fakt e vështirëson vetë komoditetin e Listës Serbe në politikën e Kosovës por edhe dekurajon komunitetin serb i cili ndihet i pasigurtë dhe konfuz në të qenunit pjesë e barabartë e shoqërisë kosovare.
“Lista Serbe duhet ti kuptoj stinët politike dhe evoluimin e politikës në këtë pjesë të Evropës dhe në vetë Kosovën dhe nëse është pranverë në Kosovë nuk mund të jetë dimër dhe se gjërat kanë ndryshuar aq shumë sa nëse kështu vazhdon të sillet Lista serbe do mbetet në harresë dhe do gjykohet nga vetë komuniteti serb i Republikës së Kosovës”, thotë Gjergj Dedaj./ Bota sot

Letër e hapur e intelektualëve shqiptarë: Ndërkombëtarët të izolojnë këtë Qeveri


 Një letër e firmosur nga ekspertët Xheladin Murati, Mersel Bilalli, Osman Kadriu, Idriz Kovaçi, Aurora Ndrio Karameti, Sabaudin Zhuta, Afrim Osmani, Flutura Zavalina, Ismail Sinani, Ismet Ramadani, Afrim Gashi, Zeqirija Ibrahimi, Nazif Zejnullahu, Xhelal Neziri, Xhevat Limani dhe rreth 70 intelektual të tjerë dhe persona publik, i është drejtuar opinionit publik dhe ambasadave relevante në Maqedoni. Me këtë letër, intelektualët kërkojnë nga ndërkombëtarët që të mos i japin përkrahje Qeverisë aktuale, pas zbardhjes së telefonatave nga opozita. Në vazhdim ju sjellim letrën e plotë:
“Ne, si intelektualë, apelojmë te subjektet politike të cilët akoma mbajnë gjallë këtë regjim të pashembullt për ambientin evropian, që të mos i japin mëtej mbështetje qoftë direkte apo indirekte një regjimi të udhëhequr nga një grupi familjar, që ka shkaktuar kaos të gjithmbarshëmçdo fushë. Nuk mund të ketë asnjë argument racional të mbajmë në jetë strukturë që tani më ka privatizuar institucionet në shtet, duke shkelurmbi ligjet, duke përkëmbur lirinë dhe barazisë ennjerëzve dhe popujve, duke shkelë mbi dinjitetin njerëzor, duke përdhosur mendimin e lirë dhe informimin dheduke degradur ekzistencën njerëzore.

Për shumë vitë kjo arsyetohej me gjoja legjitimitet të fituar në zgjedhje. Por, çdokush e di se nuk jepet legjitimitet për krime maramendëse, për urejtje dhe përçarje kolektive e individuale, për pasurim të paligjshëm dhe varfërim të skajshëm të popullatës. Nuk jepet legjitimitetpër raste të montuara politike, për gjykime të pafajshme, për tragjedi individuale e familjare, për keqërdorime të institucioneve dhe për grabitje finasiare shekullore. Legjitimiteti jepet për zhvillim dhe përparim të gjithanshëm dhe për funksionim të institucioneve konform ligjit dhe barazisë së njerëzve.

Legjitimiteti ivërtetë meritor fitohet si rezultat i votës që delë nga bindja dhe besimi i vërtet i votuesve, e cila më vonë arsyetohet apo kontestohet varsisht nga realizimi i qëllimeve. Mos plotësimi i tyre në vete tërheq humbjen e kredibilitetit moral dhe politik. Madje edhe vet legjitimiteti mbetet i kontestueshëm nëse ai është fituar si rezultat iuzurpimit mediatik,i keqpërdorimit të finansave publike, i keqpërdorimit të institucioneve dhenacionalizmave.

Ne intelektualët e poshtënënshkruar, kërkojmë nga të gjithë subjektet politike, veçanarisht të atyre shqiptare që të mos ndërmarin apo tolerojnë asgjë nga ajo që mund të jetë tentim nga kushdo qoftë për të siguruar edhe mëtej sundimin përmes forcë të një grupi familjar, duke uzurpuar shtetin dhe institucionet e tij. Çfardo përkrahje e mëtejme këtij grupi, drejtpërdrejtë nënkuptonpërgjegjsi për hapat e rrezikshëm që mund t’i ndërmer ky grup familjar icili synon mbështetjen nëpolitikën putiniane”.

Canoski: Bomba 5-të dëshmi shtesë për Gjykatën e Strazburit

Fiat Canoski thotë se nuk është i befasuar nga “bomba” e pestë e Zoran Zaevit. Sipas tij, ai ka qenë në dijeni se bëhet fjalë për vendim politik, por për të është interesant fakti që pse Qeveria shkatërron investitorët e vendit, a ndërkohë thotë se është në kërkim të investitorëve të huaj.
“3 vjet e gjysmë më parë kryetari i komunës së Gazi Babës më tha së urdhri vjen prej “lartë”. Megjithatë jam i befasuar me interesimin e kryeministrit për mua, edhe pse nuk kemi pas pengesa rreth ndërtimit dhe as nuk ka qenë ndërtim pa leje. Unë këtë rast e kam denoncuar në Strazbur, ndërkaq këto incizime janë dëshmi shtesë”, thotë Canoski për “NovaTV”, transmeton “Lajmpress”.

Janë përgjuar edhe ambasadorët e huaj?

Se në shënjestër të përgjimeve në Maqedoni kanë qenë edhe disa ambasadorë të akredituar në vend, këtë e konfirmoi edhe Ambasadori italian Ernesto Beleli. Në një intervistë për Radio Evropa e Lirë, ai ka deklaruar se lideri i opozitës Zoran Zaev e ka njoftuar se disa ambasadorë të akredituar në vend dhe disa diplomatë të cilët tashmë janë larguar nga vendi kanë qenë gjithashtu në listën e personave të përgjuar në vend. Në këtë kuadër, Ambasadori italian Beleli thekson se një mundësi e tillë ka shqetësuar jo vetëm atë por edhe diplomatët e tjerë në vend. “Konventa e Vjenës ndalon përgjimin e diplomatëve, as me urdhër nga gjykata. Bisedat telefonike janë pjesë e punës tonë, të dërgojmë porosi në vendet tona, prandaj gjykatësit nuk mund të urdhërojnë një gjë të tillë “, ka theksuar Beleli. Alsat-M

LSDM publikon “Bombën e 5”

Kryetari i Lidhjes socialdemokrate, Zoran Zaev, ka parlajmëruar se në ditët në vazhdim do të bëjë publike materialet komprementuese, ku sipas tij, kryeministri Nikolla Grievski është i përfshirë në “pazare” për emrin. Publikimi i “Bombës së 5” përfshinë bisedat për prishjen e kompleksit banesor “Cosmos”, mirëpo Zaev ka parlajmëruar se në ditët në vazhdim do të publikojë “pazarin” e Gruevskit për emrin dhe kurdisjen e rezultateve zgjedhore. “Do të dëgjoni në ditët e ardhme çfarë ka thënë Gruevski dhe si e ka shitur emrin dhe në çfarë rreziku e ka vendosur shtetin. Kemi dëshmi si janë bërë manipulimet më të mëdha në zgjedhjet e viteve të fundit. Kemi incizime jo vetëm të vitit 2010 por edhe më herët që tregon se si përgjimet janë bërë më herët dhe jo nga shërbimet sekrete. Kur janë publikuar videot se si Boshkovski ka shitur emrin ne donim gjithsesi të dalim me këto dëshmi por ajo nuk është strategjia jonë, strategjia jonë është të shkojmë hap pas hapi”, deklaroi Zaev në pyetjen e gazetarëve se a ka dëshmi të forta për të publikuar gjatë ditëve në vijim. Sipas Zaevit, janë përgjuar edhe telefonat fikse dhe posta elektronike. I pyetur nëse do të publikohen “bomba” edhe për funksionarë shqiptarë, Zev ka thënë se nuk do të kursehet askush, pa përjashtim. “Asnjë njeri nuk do të jetë i kursyer të gjithë dëshmitë do të publikohen, po shkohet me hapa të ngadalta me publikimin e bombave. Nuk do të kursehet asnjë partia e vetme shqiptare apo maqedonase në Maqedoni, qofshin në opozitë apo pushtet, të cilat kanë vepruar në mënyrë të kundërligjshme”, tha Zaev.
Ai theksoi se “bomba” e radhës që do të publikohet ka të bëj me, siç tha ai, dëshmitë nga mbyllja e televizionit A1. Ai gjithashtu informoi se janë përgjuar 6 ambasador më të rëndësishëm në vend, dhe të njëjtëve do të ju dorëzohen incizimet.
Ndërkohë në thelbin e bisedave të publikuara të premten, Zev tha se në rastin “Cosmos” bëhet fajël për hakmarrje poltike ndaj Fiat Canoskit. “Mijalkov dhe Gruevski kanë përgjuar pa leje dhe kështu e kanë mbajtur pushtetin. Gruevski me gënjeshtra tentoi ta shpëtojë veten në konferencë dhe mori rolin e prokurorit dhe policisë. Pas zgjedhjeve 2001 dhe mbylljes së A1 Gruevski i hakmerret Fiat Canoskit”, deklaroi Zaev.
Në 8 audio incizimet që u bënë publike në konferencën e pestë më radhë u dëgjuan bisedat telefonike midis kryeministrit Gruevski dhe ministrit Janakiveski, ku sipas Zaevit, Gruevski e porosit Janakievskin të përdorë të gjitha masat për të ndaluar ndërtimit e “Cosmosit”. Për t’ia arritur qëllimit, sipas Zaevit, Gruevski i tregon dhe orën e saktë Janakievskit se kur duhet t’ia japin vendimin për rrënimin e ndërtesës “Cosmos”. Gjithashtu në vazhdim të bisedës dëgjohet se si Gruevski i jep instruksione Janakievski si mos të lejojë ndërtimin e ndërtesës, duke e porositur që të ndryshojë të dyja planet urbanistike, Planin Urbanistik Ndërtimor dhe Planin e Detajuar Urbanistik, dhe në vendin ku po ndërtohet ndërtesa, parashihet të ndërtohet fontanë dhe park.  Gjithashtu Zaevi tha se në bisedën e radhës dëgjohet se si Gruevski i cakton dhe kohën se kur do të rrëzohet ndërtesa dhe për këtë 1 gushti është momenti më i mirë, pasi atëherë fillojnë pushimet. Se rrënimi i ndërtesës “Cosmos” bëhet për hakmarrje politike, sipas Zaevit këtë e dëshmon edhe biseda e radhës ku Gruevski i thotë Janakiveskit se nuk është i kënaqur me mënyrën se si rrëzohet ndërtesa, ndërsa Janakievski i ankohet se gjykatësit i bëjnë problem. Për të tejkaluar problemin me gjykatësit, Gruevski i sugjeron Janakievskit që “të flet me më të madhin” në gjykatë. Në audio incizimin e fundit Zaevi thotë se dëgjohet se si Gruevski i thotë Janakiveskit se në takimin që e kishte pasur me disa të huaj në kabinetin e tij, ato i kanë thënë  se rrënimi i “Kosmosit” bëhet në mënyrë selektive dhe e urdhëron Janakiveskin që të gjejë një ndërtesë të njëjtë dhe ta rrënojë edhe atë për të bindur ndërkombëtar se nuk është në pyetje hakmarrja politike. Për ketë Janakiveski i thotë Gruevskit se ka informacione se në Gostivar po ndërtohet një ndërtesë e përmasave të këtilla, pronë e një shqiptari, dhe se do të merr aksion që ta rrënojë këtë ndërtese./koha

Wednesday, February 25, 2015

Digjet xhamia në Bregun Perëndimor, në muret e saj mesazhe fyese në gjuhen hebraike

Kreu i asamblesë lokale në Bregun Perëndimor, Numan Hamdan ka thënë për AA se një grup i hebrenjve i kanë vënë zjarrin xhamisë në një fshat të Bregut Perëndimor.

TEL AVIV (AA) - Kolonët hebrenj në fshatin Jaba'a në Bregun Perëndimor i kanë vënë zjarr një xhamie dhe kanë lënë mesazhe fyese në gjuhen hebraike, raporton Anadolu Agency (AA).
Kreu i asamblesë lokale në Bregun Perëndimor, Numan Hamdan ka thënë për AA se një grup i hebrenjve i kanë vënë zjarrin xhamisë. "Një grup i kolonëve hebrenj mbrëmë kanë hyrë në fshat duke i vënë zjarrin xhamisë", theksoi ky zyrtar palestinez.
Ai ka deklaruar ndër të tjera se një pjesë e xhamisë u dogj, dhe se përhapja e zjarrit është ndalur nga banorët vendas. "Kolonët në muret e xhamisë kanë lënë mesazhe raciste kundër arabëve dhe muslimanëve", tha Hamdan. 
Zëdhënësja e policisë izraelite Luba Samri ka konfirmuar gjithashtu se xhamia në fshatin në Bregun Perëndimor është djegur dhe se në muret e këtij objekti kulti janë shkruar mesazhe në gjuhën hebraike. Ajo theksoi se ka nisur hetimi në lidhje me këtë incident.

Halep, ushtria siriane shkatërron zonat industriale me bombardime nga ajri

HALEP (AA) - Forcat e regjimit të presidentit Bashar al-Assad me bombat fuçi dhe vakuum kohët e fundit bombardojnë fabrikat dhe ambientet e ndryshme të bizneseve, të cilat ndodhen në pjesë të Halepit dhe që janë nën kontrollin e opozitës siriane, raporton Anadolu Agency (AA).
Në shënjestër të ushtrisë siriane ndodhen edhe fabrikat dhe ambientet e tjera në zonën industriale Seyh Nacara në veri të Halepit, ndërsa janë shkatërruar edhe disa ndërtesa biznesi. Qëllimi është, pa dyshim, shkatërrimi i ekonomisë në zonën në fjalë. 
Biznismeni Ebu Marzuk fabrika e të cilin është djegur nga bombardimet ka thënë për AA se fabrikat dhe qendrat e ndryshme në rajonin Seyh Nacara janë kthyer në gjendje të papërdorshme. Sipas tij, në kohë të fundit janë në shënjestër të ushtrisë siriane edhe fabrikat që ndodhen në komuna të tjera.
"Avionët e ushtrisë siriane kanë bombarduar fabrikën time të fibrave në Hayan. Gjatë bombardimit u përhap zjarri. Fabrika ka pësuar dëme në vlerë prej dy milionë dollarë", shpjegoi Marzuk.

Basha: Qeverisë i ka mbaruar koha

Edhe pse nuk e artikuloi drejt, kryetari i opozitës Lulzim Basha, sheh zgjedhjet e parakohshme si mundësinë e vetme që ti kthehet normaliteti ekonomik dhe social vendit.
Sipas Bashës, kjo qeveri e ka kthyer vendin në republikë të dramave dhe fatkeqësive njerëzore, duke u shtrënguar lakun të pamundurve.
Basha, tha se kësaj qeverie i ka mbaruar koha dhe janë qytetarët që do e vendosin këtë. Në këtë linjë ai u kërkoi deputetëve të ndalen çdo ditë me qytetarët dhe problemet e tyre.
Në mbledhjen e Grupit Parlamentar demokrat ishin të pranishëm dhe aleatët, përfshirë dhe deputetin e PDIU-së Dashamir Tahiri, ku prej disa muajsh mungonin në mbledhjet apo takimet e përbashkëta.

Mustafa shpalos detaje të planit qeveritar, premton punësim

Kryeministri i Kosovës, Isa Mustafa, ka shpalosur disa nga objektivat që planifikon t’i arrijë me programin katërvjeçar të qeverisjes.
Mustafa gjatë një konference për media, tha se ky plan do të shfrytëzohet edhe në konferencën donatorëve që do të mbahet më 6 mars, për të caktuar prioritetet e qeverisë për investime.
Numri një i qeverisë ka thënë se me këtë strategji, do të shtohet numri i të punësuarve, përfshirë edhe ata sezonal.
I pyetur nëse me këtë plan qeverisës do të arrihet të zbatohet premtimi parazgjedhor për punësim, Mustafa ka thënë se me punësim sezonal, brenda dhe jashtë vendit, do të mund të arrihet, por pa dashur të jep numra.
Kreu i ekzekutivit ka thënë se në kuadër të këtij plani, do të krijohet edhe fondi për zhvillim e punësim, përmes të cilit, sipas tij, do të arrihen këto objektiva.
Lidhur me problemin që dy partitë e koalicionit qeverisës, po hasin me partnerin e tyre nga komuniteti serbe “Listën Serbe”, Mustafa nuk ka pranuar të jep ndonjë hollësi.
Ai ka thënë se nuk është në dijeni për kohën se kur ky subjekt politik do t’i ribashkohet qeverisë. Ndërsa, ka bërë të ditur se deri më tani, nuk i është vënë asnjë kusht nga Lista Serbe.
Mustafa gjatë kësaj konference ka folur edhe për vdekjen e fëmijët të një familje nga komuna e Vitisë, në kufirin Serbi-Hungari, duke thënë se ndjenë keqardhje për këtë, por ka fajësuar prindërit e tij, për papërgjegjësinë e treguar.

Beogradi kërkon “qartësi ligjore” për Asociacionin

Pas firmosjes së marrëveshjeve për strukturat e sigurisë dhe gjyqësorin në veri, Prishtina dhe Beogradi në një të ardhme të afërt pritet që të shtrojnë në tavolinën e dialogut çështjen e formimit të Asociacionit të komunave serbe.
Krijimi i kësaj bashkësie nga serbët e Kosovës dhe Beogradi zyrtar vlerësohet si prioritet i lartë, ndërkohë që Qeveria në Prishtinë ende nuk ka dhënë hollësi se si do të rrjedhë procesi.
Burime të besueshme të “Kohës Ditore” që kanë njohuri për dialogun që ndërmjetësohet nga Brukseli kanë bërë të ditur se palët ende nuk kanë arritur që t’i përafrojnë qëndrimet lidhur me legjislacionin për krijimin dhe funksionalizimin e Asociacionit.
“Serbia kërkon që Asociacioni të ketë sa më shumë kompetenca ekzekutive. Dhe kjo shkon në funksion të strategjisë së Beogradit që pas një kohe heqja e Kosovës si pjesë e saj nga Kushtetuta serbe të kushtëzohet me ndryshime kushtetuese edhe në Kosovë, ndryshime këto që do të njihnin sipas kërkesës serbe, tri territore me organizim të veçantë në Kosovë nën administrimin lokal të Asociacionit që Beogradi e quan bashkësi ose komunitet”, ka thënë ky burim./koha

Gruevski: Incizimet me porosi të Verushevskit kanë filluar në vitin 2010

Në pres konferencën e cila është në vijim, kryeministri Nikolla Gruevski thotë se përgjimet janë bë me pajisje të MPB-së, por me porosi të Zoran Verushevskit, i cili ka korruptuar dy të punësuar në MPB, , raporton "Lajm". 
Bisedat janë incizuar në dy mënyra, tha Gruevski. “Mënyra e parë: sipas dëshmisë dhe pranimit në procedurë hetimore, personi Z.v. Ka korruptuar dy persona që i kanë ndihmuar të incizojnë dhe për këtë kanë fituar para. Dy personat e kanë pranuar këtë vepër para gjykatës. 
Personi G.V. pasi është përballë me dëshmitë e prokurorisë e ka pranuar veprën dhe ka pranuar se e ka korruptuar personin Z.K. i cili ëhstë inxhinieri më me përvojë në MPB, që punon me mjetet për përcjellje të komunikimeve. Për këtë ai ka marrë para në disa raste. 
Personi Z.K e ka pranuar këtë ofertë dhe i ka përgjuar të gjitha personat që janë kërkuar me porosi të Z.V. Ata para organeve gjyqësore kanë pranuar se kanë qenë të bindur se materiali i përgjuar do të ju dorëzohet vetëm shërbimeve të huaja dhe se asnjëherë nuk do të publikohen. 
Incizimet kanë filluar që nga viti 2010. Me këtë ranë në ujë akuzat se pushteti qëdnron pas përgjimeve. Mënyra e dytë ka qenë përmes pajisjeve mobile, nga qendra e qytetit, në të shumtën e rasteve nga ora 12 deri në ora 18. MPB ende nuk ka arritur t’i zbulojë këta persona sepse bëhet fjalë për persona me përvojë”, tha Gruevski. Ai poashtu ka thënë se incizimi i bisedës me Zoran Zaevin në kabinetin e tij është bë me kërkesë të prokurorisë, pasi Gruevski ka paraqitur në prokurori se Zaev po e shantazhon. 

Berliner Cajtung: Gruevski sillet si diktator

Kryeministri Nikolla Gruevski sillet si një diktator. Kështu shkruante gazeta gjermane “Berliner Cajtung” në një shkrim kushtuar Maqedonisë. Gazeta shkruan edhe për aferën e përgjimeve ndërkohë që lidhur me kërcënimin për padinë ndaj liderit të socialdemokratëve Zoran Zaev për shkak të zbardhjes së përgjimeve joligjore, theksohet shqetësimi i qeverisë gjermane se përveç “përfaqësuesve të padëshiruar të shoqërisë civile qeveria sulmon dhe opozitën parlamentare. Gazeta nënvizon se “viktimat e parë nga përndjekja shtetërore në Maqedoni tani kanë fituar azil politik në Gjermani, mes tyre edhe një zyrtar i policisë nga pakica shqiptare”. Nga ana tjetër edhe pse vend kandidat për në BE, punët në Maqedoni zhvillohen si në Bjellorusi dhe Egjipt, theksohet në shkrim, ndërkohë që “në Shkup kryeministri Gruevski gjithnjë e më hapur vepron si një diktator” konstaton mes tjerash gazeta./alsat-m

Zaevi shpërtheu ‘bombën’ e 4-të, në mesin e të përgjuarve edhe qindra gazetarë

Zoran Zaev bëri sot daljen e katërt me radhë publike, në shpalosjen e materialeve komprometuese dhe përgjuese të qeverisë. Në fokus ishin gazetarët, dhe tentativat e pushtetit për të instaluar fuqishëm propagandën e saj në mediat pro-qeveritare, ndërkohë që nga ana tjetër u afishua edhe lista e gazetarëve më të përndjekur nga Drejtoria e Pestë e Ministrisë së Brendshme. Zaev publikoi bisedat që sipas tij dëshmojnë se si ministrat e Qeverisë Gruevski porosisin dhe ndalojnë kronika televizive, kryeredaktorët e televizioneve proqeveritare pranojnë se lajmet e tyre janë të përplot propagandë për VMRO-DPMNE-në, kryeministri Gruevski siguron 500 mijë euro fonde qeveritare për televizionet private dhe biseda të tjera që dëshmojnë lidhjen mes pushtetit dhe mediave. Sërish protagoniste ministrja Jankullovska, e cila kërcënon se do ta largojë nga puna një gazetare të MRTV-së, nëse vazhdon të trajtojë tema që nuk i përshtaten pushtetit. Zaev bëri publike gjithashtu se mes 100 gazetarëve të përgjuar nga pushteti, më i përgjuari ka qenë doajeni i gazetarisë Nikolla Mlladenov, dosjen e të cilit tha se do ta publikojë ditëve në vijim.    

Monday, February 23, 2015

Rouhani: Diskriminimi shkencor në vendet në zhvillim shkakton prapambetje, varfëri dhe pabarazi

TEHERAN (AA) - Presidenti i Iranit, Hassan Rouhani, tha se askush nuk mund të pretendojë se programi bërthamor i vendit të tij nuk është për qëllime paqësore. "Diskriminimi shkencor" dhe mos lejimi i përdorimit të arritjeve moderne "është një formë moderne e imperializmit", raporton Anadolu Agency (AA).
Në Konferencën e Ministrave të Shkencës dhe Teknologjisë të Lëvizjes së shteteve të painkuadruara, Rouhani foli për programin bërthamor të vendit të tij dhe lëvizjet e komunitetit ndërkombëtar për të kufizuar atë. Ai tha se qasja në shkencë është një nga të drejtat themelore të individëve dhe shteteve.
"Asnjë kombi, për shkak të arsyetimeve të pabazuara, nuk duhet ti mohohet qasja në shkencë. Diskriminimi shkencorë në vendet në zhvillim shkakton prapambetje, varfëri dhe pabarazi. Shtetet e pavarura të bashkuar duhet të dalin kundër këtyre dukurive," tha Rouhani.
Ai theksoi se vendet e Lëvizjes së shteteve të painkuadruara që janë të pavarura nga fuqitë e mëdha botërore dhe grupimit në blloqe politike, duhet të mbahen së bashku në mënyrë që të kenë bazë për zhvillimin në fushën e shkencës dhe teknologjisë. "Një nga prioritetet e kësaj lëvizje është që të promovojë përfitim dhe bashkëpunim të ndërsjellë" tha Rouhani.
President Iranian kritikoi sanksionet e imponuara të bashkësisë ndërkombëtare në vendin e tij. Ai tha se ata që kanë vendosur sanksione mbi programin bërthamor të Iranit, vënë në pyetje sigurinë dhe qëllimin e zhvillimit të energjisë bërthamore. Ai gjithashtu theksoi se këto shtete e dinë shumë mirë se cilat janë objektivat e popullit iranian dhe lidershipit të tij politik.
"Sot, askush në botë nuk mund të pretendojnë se programi bërthamor i Iranit nuk është për qëllime paqësore. Një sjellje e tillë agresive është shembulli më i qartë i diskriminimit shkencore," tha Rouhani në Konferencën e ministrave të shkencës dhe teknologjisë së Lëvizjes së shteteve të painkuadruara në Teheran.
Konferenca me temë "Shkenca, teknologjia dhe inovacioni për zhvillim të qëndrueshëm" në Teheran mblodhi përfaqësues të 58 vendeve. Qëllimi i konferencës është që të përcaktoj drejtimin e politikës së përgjithshme të vendeve anëtare për të përkrahur këtë çështje. Përpos kësaj konferenca synon zhvillimin e "Diplomacisë shkencore dhe teknologjike".

Serbia bojkoton takimin e ministrave të Jashtëm në Tiranë

Serbia bojkoton takimit të ministrave të Punëve të Jashtme të vendeve të Evropës Juglindore, vetëm për shkak se pjesë e tij do të bëhet edhe Kosova. Tirana është caktuar si qendra e takimit 2-ditor të përfaqësuesve të 13 vendeve pjesëmarrëse të SEECP, përfaqësues të BE-së, të Presidencës Letoneze të BE-së dhe të Këshillit të Bashkëpunimit Rajonal (RCC).
Ky takim bëhet në kuadër të Presidencës Shqiptare të Procesit të Bashkëpunimit të Vendeve të Evropës Juglindore (SEECP). Serbia mori këtë vendim për shkak të pjesëmarrjes së Kosovës, e cila do të përfaqësohet në këtë konferencë nga zv/kryeministri, njëherësh ministri i Jashtëm, Hashim Thaçi.
BIRN raporton se, pjesëmarrjen e ka konfirmuar Malit i Zi, Maqedonia, Turqia, Greqia dhe Moldavia, ndërsa Serbia e ka bojkotuar.
Konferencës së SEECP-së, që kryesohet nga ministri i Jashtëm i Shqipërisë, Ditmir Bushati, do t’i drejtohet me një fjalim edhe kryeministri i Shqipërisë, Edi Rama.
Ndërkaq, në takimin e nesërm, ku ministrat e disa prej shteteve të Evropës Juglindore do të diskutojnë rreth fuqizimit të bashkëpunimit ndërshtetëror, pjesëmarrës do të jenë edhe zyrtarë të lartë të BE-së, përfaqësues të Presidencës Letoneze të BE-së dhe të Këshillit të Bashkëpunimit Rajonal (RCC).

AAK kundër Gjykatës Speciale

As në seancën e radhës deputetët e Kuvendit të Kosovës nuk do të flasin për projektligjin për Gjykatën Speciale, e cila do të merret me pretendimet për krime të kryera nga Ushtria Çlirimtare e Kosovës.
Kjo çështje nuk ishte në diskutim as sot në mbledhjen e Kryesisë së Kuvendit në të cilën u caktua seanca e ardhshme plenare.
Por, është opozita ajo e cila do të jetë kundër këtij projektligji, të cilin e konsideron shumë të keq dhe që pretendon ta bëjë Kosovën agresor, ndonëse dihet që është Serbia ajo që ka kryer gjenocid në Kosovë.
Shefja e Grupit Parlamentar të AAK-së, Donika Kadaj-Bujupi pas mbledhjes së Kryesisë së Kuvendit, tha se nuk ka qenë temë e debatit diskutimi për Gjykatën Speciale dhe nuk do të jetë temë e debatit as në seancë.
Por, tha se edhe kur të shkoj në seancë për diskutim, ata do të jenë kundër atij projektligji.
“Do të kërkojmë që i njëjti të mos votohet në Parlament, sepse konsiderojmë se gjenocid në Kosovë ka bërë Serbia e jo anasjelltas. Ky projektligj vjen si dështim i drejtësisë në vend”, tha Kadaj-Bujupi.
Sipas saj, pavarësisht kërcënimit se nëse nuk miratohet në Kuvendin e Kosovës, atë projektligj mund ta miratojnë instanca tjera, Kuvendi nuk duhet ta miratoj atë.
“Kuvendi i Kosovës, Republika e Kosovës dhe përfaqësuesit e qytetarëve nuk guxojnë ta aprovojnë një projektligj të tillë që parasheh aktakuza jo vetëm për individë por edhe për kauzën tonë për luftën e pastër të UÇK-së dhe për shtetin e Kosovës. Në Kosovë ka ndodh gjenocid nga Serbia, ndërsa projektligji siç është sjell në fakt pretendon të kundërtën”, theksoi ajo.
Kryesia e Kuvendit në këtë mbledhje vendosi që seanca plenare të mbahet të enjten, më 26 shkurt, në orën 10:00, në të cilën do të shqyrtojë disa projektligje dhe disa propozime. /kp/

Benzina shtrenjtohet për 3 denarë për litër, dizeli 4 denarë

Nga mesnata në Maqedoni sërish do të shtrenjtohen derivatet e naftës.
Sipas komisionit rregullator për energjetikë këto do të jenë çmimet e naftës, pasi që benzina do të shtrenjtohet për 3 denarë për litër, dizeli për 4 denarë për litër. 

Eurosuper BS-95 65 denarë
Eurosuper BS-98  67 denarë
Dizeli D-1 55 denarë
Nafta shtëpiake 43,5 denarë për litër
Do të shtrenjtohet edhe çmimi i mazutit 26 denarë për kilogram. 

Davutoglu: Turqia është krenare për operacionin e zhvendosjes së eshtrave të Sulejman Shahut

ANKARA (AA) - Kryetari i Partisë për Drejtësi dhe Zhvillim (Partia AK) dhe Kryeministri i Turqisë, Ahmet Davutoglu në lidhje me operacionin e zhvendosjes së eshtrave Sulejman Shahut tha se "nata e të shtunës, duke gdhirë e diela për ne ka qenë një natë e nderit. Por komentet e opozitës ditën e diel, për këtë çështje do të jenë në cilësinë e një ngjarjeje që do të mbahet mend si një njollë në histori", raporton Anadolu Agency (AA).
Davutoglu i cili mori pjesë në një takim të komiteteve të partisë në selinë e Partisë për Drejtësi dhe Zhvillim (Partia AK), theksoi se kjo parti ka stafin më dinamik, më të qëndrueshme, më harmonik dhe më të mirë kombinuar me njëri-tjetrin në historinë politike turke. Ai ka deklaruar më tej se kur ata bashkohen së bashku ata shikojnë "durim, entuziazëm, pasion, dashuri dhe miqësi".
Kryeministri i Turqisë ka theksuar se me operacionet ushtarake turke në territorin e Sirisë ata kanë për qëllim të mbrojnë tre çështje kryesore si, shpëtimin e jetëve të ushtarëve turq jashtë vendit në krye të zhvendosjes së varrit në një lokacion më të sigurt,  ruajtjen e trashëgimisë kulturore dhe historike, dhe mbrojtjen e të drejtës ndërkombëtare në territorin sovran të Turqisë.
Davutoglu në lidhje me sigurinë e jetës së qytetarëve ka theksuar se gjatë luftës civile në Libi Turqia ka treguar forcën e saj duke evakuuar qytetarët e saj brenda 10 ditëve dhe ka pohuar se "Në Libi nuk kemi lënë as edhe një qytetarë tonin, asnjë qytetar i yni nuk ishte në pozicionin e të harruarit, viktimës apo i vetmuar. Më pas kudo dhe kurdo që kanë qenë në malet e Afganistanit, ndonjëherë në Ukrainë, në Somali apo brenda Afrikës i kemi dalë për zot të gjithë qytetarëve tanë".
Aiduke theksuar se synimi i dytë është ruajtja e trashëgimisë kulturore dhe historike ka vlerësuar se: "Sulejman Shahu, është paraardhësi ynë dhe Suleyman Shahu jo vetëm është i rëndësishëm për rolin e tij në histori si një i vdekur, por në të njëjtën kohë është gjithashtu i rëndësishme si për natyrën e simbolit në përpjekjet për krijimin e tokës së kombit tonë. Mbrojtja e  trashëgimisë së Sulejman Shahut, në fakt ishte një mbrojtje e historisë tonë, identitetit tonë, dhe nderit tonë".
- Dy flamuj turq janë valëvitur
Ushtria turke me 57 automjete të blinduara, 40 tanke dhe 572 ushtarë në natën nga e shtuna duke u gdhirë e diela vajtën në Siri dhe filluan dy operacione të ndara. I pari ishte evakuimi i rojeve të nderit dhe varri i Sulejman Shahut, ndërsa një operacion paralel është bërë në Siri duke hyrë në fshatin kufitar të Eshme dhe pasi e kanë marrë nën kontroll është ngritur flamurin turk në ato toka. Sipas Davutoglu çështja e tretë është ajo e mbrojtjes të së drejtës ndërkombëtare.

Anulohet takimi i Gruevskit me presidentin e KE-së


Është anuluar takimi i paralajmëruar i kryeministrit Nikolla Gruevski me presidentin e Komisionit Evropian, Jean Claude Juncker.

Ky takim ishte caktuar për të zhviluar të enjten, por zhvillimet e fundit aktuale kanë bërë që ai të anulohet. Zëdhënësja e Komisionit Evropian, Mina Andreeva ka deklaruar sot se presidenti Juncker ka anuluar takimin me kryeministrin e Maqedonisë, Nikola Gruevski, i cili më parë ishte i paralajmëruar. 
Siç mësohet takimi është vlerësuar si jo i përshtatshmë në periudhën e zhvillimeve të reja politike në Maqedoni. “Në këtë moment nuk është e përshtatshme që të ketë takim, për shkak të zhvillimeve të situatës në Maqedoni”, deklaroi Andreeva. 
Kryeministri Nikola Gruevski sot i është shmangur përgjigjes rreth kësaj vizite dhe takimi në Bruksel, që ishte paralajmëruar me pompozitet gjatë fundjavës nga ana e mediave proqeveritare. Ministri i jashtëm Nikola Popovski sot deklaroi se nuk ka dëgjuar për një vizitë të tillë dhe se nuk ka hasur në njoftime për këtë vizitë. (INA)

Shilegov: Gruevski është izoluar politikisht nga ndërkombëtarët

Zëdhënësi i LSDM-së, Petre Shilegov në konferencën e sotme për shtyp ka deklaruar se kryeministri  i vendit Nikolla Gruevski, është izoluar politikisht nga autoritetet evropiane.
“Mesazhi i fuqishëm i fundit vjen nga kryetari i Komisionit Evropian Zhan Klod Junker  i cili sot anuloi takimin me Gruevskin që parashihej të mbahej të enjten. Këtu nuk ndihmon mbulesa dhe fshehja e turpshme e ministrit të punëve të jashtme Nikolla Poposki i cili mundohet të gënjej për anulimin skandaloz të takimit të parë me kryetarin e KE-së, Junker, për shkak të situatës në vend”, tha Shilegov.
Shilegov tha se heshtja e kryeministrit Gruevski dhe bashkëpunëtorëve të tij për aferat e montimeve skandaloze, përgjimeve  është shkatërrimtare jo vetëm për opinionin e brendshëm, por edhe për bashkësinë ndërkombëtare dhe strukturat politike në nivel ndërkombëtarë.

Afera e përgjimit, SHBA: Ndalesa udhëtimi për zyrtarët?

Shtetet e Bashkuara mund të shfuqizojnë vizat apo të ndalojnë hyrjen në Amerikë, të politikanëve, gazetarëve, përfaqësuesve gjyqësor dhe afaristëve, njoftoi gazeta "Vest". Lista sipas gazetës është më e gjerë, pra i përfshin të gjithë zyrtarët të cilët janë të dyshuar për korrupsion, pastrim parash dhe shkelje të të drejtave të njeriut. Sipas informatave jozyrtare të këtij mediumi të shkruar, aktivizimi i masës do të varet drejtpërdrejt nga zhvillimi i krizës politike. 

“Një masë e këtillë do të mund të merret në rast se kriza politike në Maqedoni do të çonte drejt shkeljes dramatike të të drejtave të njeriut dhe të lirive themelore.Kjo masë nuk është e kufizuar vetëm për ndalim të hyrjes, por edhe ngrirjen e llogarive dhe ndalim të zotërimit të pronave që këta njerëz ndoshta i kanë në territorin e Shteteve të Bashkuara”.  

Alsat M kërkoi qëndrim edhe nga Ambasada e SHBA-ve. Në përgjigjen e tyre thuhet

“Janë hapur çështje serioze, parasëgjithash përgjegjësia është e qytetarëve dhe Institucioneve që ti zgjidhin në mënyrë transparente dhe me sundimin e ligjit. Ka faktorë të ndryshëm që mund të pengojnë për dhënien e vizave për SHBA ose shfuqizimin e tyre. Këto faktorë janë informata publike’, thuhet në përgjigjen e ambasadës së SHBA-ve. 

Sipas gazetës, në Maqedoni edhe deri tani ka pasur dhe ka shembuj të zyrtarëve të lartë të cilët janë privuar nga e drejta për të udhëtuar dhe për të pasur në dispozicion prona dhe llogari bankare në Shtetet e Bashkuara. Kujtojmë rastin e ish kryeministrit Ljubço Georgievski, të cilit i është revokuar viza amerikane në vitin 2006 që pastaj në vitin 2011 ti kthehet. /Alsat-M

Friday, February 20, 2015

Qytetarët e revoltuar spontanisht po grumbullohen para Qeverisë (FOTO)

Vazhdon të ritet numri i qytetarëve të cilët spontanisht po grumbullohen para qeverisë së Republikës së Maqedonisë të revoltuar nga informacionet pas press konferencës së sotme të liderit të LSDM-së Zoran Zaev.
Ato mbajnë transparente “Vrasës”, “psikopat”, dhe “sadist”.
Ato thonë se nuk janë atje për të mbrojtur dikën por janë shokuar nga sjellja e personave që janë në incizim. Qytetarët ftojnë të gjithë ata që ndjehen të revoltuar që t’ju bashkëngjiten. Për momentin është bllokuar një korsi në bulevardin “Ilinden”.
Numri i qytetarëve vazhdon të rritet, ndërkaq qytetarët thonë se organizohen nëpërmjet rrjeteve sociale dhe nuk janë të organizuar nga ndonjë parti.






Shpërthen bomba e 3-të e Zaevit, shpalosen detaje nga arrestimi i Boshkovskit

Lideri i LSDM-së Zoran Zaev publikoi sot bombën e radhës, që sipas tij dëshmon procesin e montuar politik kundër Ljube Boshkovskit, i arrestuar 1 ditë pas zgjedhjeve të vitit 2011. Në bisedën e publikuar mes drejtorit të Drejtorisë për Zbulim dhe Kundërzbulim Sasho Mijallkov dhe kryeredaktorit të televizionit Sitell Dragan Pavlloviq Llatas, Mijallkov kërkon që përmes televizioneve të poshtërohet sa më shumë Boshkovski.
Në vazhdim disa pjesë nga pressi i kreut të LSDM-së Zoran Zaev.

Han: Publikoni të gjitha dëshmitë

Brukseli bën thirrje sërish që të publikohen të gjitha materialet që përmbajnë aktivitete kriminale. Komisioneri evropian për zgjerim, Johanes Han në konferencën e parë para mediave pas vizitës në Shkup, theksoi se dëshmitë duhet t’u dorëzohen prokurorisë dhe gjykatave, të cilët  duhet të procedojnë rastin në mënyrë plotësisht të pavarur dhe transparente. Alsat-M

BFI peng e personave për llustrim


Gjatë këtyre ditëve po shohim një luftë të madhe mes kreut të BFI, Sulejman Rexhepi dhe gazetës ditore në gjuhën maqedonase Dnevnik gjegjësisht me gazetarin Branko Gjorgjevski lidhur me bombat e kreut politik të LSDM, Zoran Zaev. Dnvenik dhe shumë media të tjera të shkruara dhe elektronike kanë publikuar në vazhdimësi skandalet dhe megaskandalet e Sulejman Rexhepit lidhur me nipin e tij Sulo Junior që lozte me revole, me xhirimin e po të njejtit nip me xhip BMW X5, me qëndrimet e tij lidhur me torbeshët, me orën e dorës ROLEX që i kushtonte 35.000 euro, me hotelin në Ulqin të Malit të Zi, me bizneset tjera pikërisht në Ulqin, me keqpërdorimin e konviktit të Medresesë Isa Beu nga djali i tij Zeglul Rexhepi i cili ushtronte xhudistë, me daljen në shesh të puçit nga Sulejman Rexhepi për Muftiun e Shkupit, përmes publikimit të bisedës së dy imamëve në Viber, për punësimin e bashkëfshatarëve të tij në Rijaset, shef kabineti, me punësimet e tjera në BFI, Medrese, Fkultetin Teologjik, etj. Këto dhe shumë të tjera kanë bërë që kreu i BFI të vjell sert mbi këtë gazetar dhe këtë medium. Ndryshe kreu i BFI në vazhdimësi është sulmuar edhe nga media të tjera si Alsat-m, Lajm, Almakos, Tetova sot, Portalb, Nova Makedonija, Utrinski Vesnik,Kanal 5, Sitel, etj. Të gjitha mediat në gjuhën shqipe kohëve të fundit e kanë kursyer për shkak autoritetit që posedon institucioni i BFI e jo ai.
Pas gjithë kësaj lind dilema për çfarë arsye Sulejman Rexhepi është më i zëshëm në çështjen e përgjimit? Ajo që doli në shesh sot ishte pikërisht friga që ka Sulejman Rexhepi për publikim e dosjes së tij për bashkëpunimin që ka pasur me shërbimin e shtetit. Slobodan Bogojevski flet për llustrimin e dy figurave fetare të cilët kanë dosje të vërteta. Njëri prej tyre ka qenë dekan në Fakultetin Teologjik në Shkup i cili ka punuar edhe si profesor në të njejtin institucion shkencor i njejti është në pozitë të lartë në institucinonin e BFI-së, ndërsa tjetri drejton një nga organet e BFI-së në një qytet të Maqedonisë Perëndimore. Lidhur me llustrimin në Gusht të vitit 2013 ka folur edhe Tome Adziev, kryetar i komisonit për verifikim të fakteve, citojmë:" Ligji i lustracionit ofron për inspektimin e mëparshëm dhe të tanishëm dekanët dhe profesorët e të gjitha fakulteteve, duke përfshirë atë të studimeve teologjike dhe islame, tha presidenti i këtij organi Tome Adziev. Kjo procedurë tashmë i shkon të gjtha fakultetet. Verifikimet janë bërë permanente, disa janë kontrolluar, tha kreu i komisionit për lustrim Tome Adziev. Në mesin e atyre që nuk janë testuar, sipas Adziev janë aktuale dhe ishdekanë dhe profesorë të teologjisë dhe Fakulteti i Studimeve Islame. Mbetet përgjegjësi ligjore për kontrollin e tyre, thotë presidenti Adziev."( këtë deklarat marrim nga portalb)
 Vallë, a ka nuhatur diçka Sulejman Rexhepi meqë doli në anën e Zoran Zaevit pikërisht gjatë këtyre ditëve? A do publikohen përgjimet që iu kanë bërë Sulejman Rexhepit nga shteti? Realiteti është shumë i hidhur kur tërë institucioni i BFI-së përmes Sulejman Rexhepit mbahet peng, andaj përgjigjet do të jenë sigurisht ditëve në vijim! 

  

Thursday, February 19, 2015

Rektori i USHT-së, Ameti vizitoi Myftininë e Bashkësisë Fetare Islame në Tetovë (FOTO)

Rektori i Universitetit Shtetëror të Tetovës, Prof. dr. Vullnet Ameti, sot e vizitoi Myftininë e Bashkësisë Fetare Islame në Tetovë. Ai u prit në takim nga myftiu i ri i Myftinisë së Tetovës, Prof. dr. Qani Nesimi dhe me këtë rast rektori i shprehu urimet  e për zgjedhjen e tij në krye të Myftinisë së Tetovës.
“Ne drejtuesit e Universitetit Shtetëror të Tetovës, në emër të stafit akademik dhe të studentëve, si dhe të gjithë atyre gjeneratave që kanë studiuar në Universitetin e Tetovës, i jemi mirënjohës Bashkësisë Fetare Islame në Maqedoni, sidomos Myftinisë së Tetovës, për kontributin e dhënë  për sigurimin e hapësirave për mbajtjen e ligjëratave të para  të Universitetit të Tetovës. Ne të gjithë e dimë se atë kohë, në vitin 1995, edhe përkundër shtypjes dhe trysnisë që po ushtronte pushteti i atëhershëm, Myftinia e Tetovës i hapi dyert për të gjithë studentët e gjeneratës së parë të UT-së”, vlerësoi Rektori i USHT-së, Prof. dr. Vullnet Ameti.
Ai, po ashtu shtoi se, deri më tani bashkëpunimi mes Universitetit Shtetëror të Tetovës dhe Myftinisë së Tetovës ka qenë mjaftë i shkëlqyer dhe i frytshëm, duke shtuar se USHT-ja edhe në të ardhmen do ta vazhdojë  bashkëpunimin me Myftininë e Tetovës.
Në këtë takim, Rektori i USHT-së, Prof. dr. Vullnet Ameti, myftiut të ri të Myftinisë së Tetovës, Prof. dr. Qani Nesimit i dhuroi një mirënjohje me logon e USHT-së. Kjo mirënjohje Myftinisë së Tetovës i jepet: “Në shenjë falënderimi dhe mirënjohjeje për kontributin e dhënë në ngritjen dhe zhvillimin e Universitetit Shtetëror të Tetovës dhe për përkushtimin ndaj arsimit, shkencës dhe kulturës kombëtare”. Në këtë takim, Rektori i USHT-së, Prof. dr. Vullnet Ameti ishte i shoqëruar edhe nga Prorektori për Arsim, Prof. dr. Fehari Ramadani dhe Sekretari i përgjithshëm i universitetit, z. Adem Beadini.

Ambasadori amerikan vazhdon agjendën e takimeve për krizën në Maqedoni

Ambasadori i ri amerikan në Shkup, Jess Baily ka vazhduar agjendën e tij dhe misionin diplomatik në mbështetje të tejkalimit të krizës politike në Maqedoni.

Pas takimeve me liderin e VMRO-s, Nikolla Gruevski dhe liderin e LSDM-së, Zoran Zaev, ai sot ka takuar liderin e BDI-së, Ali Ahmetin dhe  zv.kryeministrin e Maqedonisë, Musa Xhaferi. 
Në këto takime  është biseduar lidhur me krizën e krijuar politike dhe tensionimin e saj pas publikimit të afersë së përgjimeve nga ana e opozitës.
Diplomati amerikan ka theksuar se SHBA do të ndihmojnë Maqedonisë në rrugën drejtë prosperitetit, demokracisë së zhvilluar dhe shtetit ligjor. 
Ambasadori Baily tha se SHBA gjithashtu mbështet anëtarësimin e Maqedonisë në NATO dhe në BE dhe se në realizimin e këtij synimi nevojitet edhe zbatimi i reformave të nevojshme.
Ndërkaq, lidhur me aferën masive të përgjimeve,  Ahmeti  ka theksuar nevojën e veprimit pa emocione dhe me racionalitet si dhe të përfshirjes sa më të shpejtë të komunitetit ndërkombëtar në lehtësimin e dialogut politik si dhe hetimin dhe procedimin e rastit të përgjimeve masive bashkë më autoritetet vendore.
“Ky shqetësim serioz ka vënë në sprovë institucionet e vendit dhe kapacitetin demokratik, por kjo çështje mund të tejkalohet me ndihmën e komunitetit ndërkombëtar dhe angazhimin shumë serioz dhe të menjëhershëm të Brukselit, ka shtuar Ahmeti. 
Zëvendëskryeministri Xhaferri e njohu ambasadorin Baily për dinamikën e implementimit të obligimeve që burojnë nga Marrëveshja e Ohrit, duke theksuar se zbatimi i kësaj marrëveshje dhe integrimi në strukturat euro-atlantike, NATO dhe BE, mbetet prioritet i Qeverisë së Republikës së Maqedonisë. (INA)

Prej 'Bombave' të Zaevit, Gruevski mbrohet me kërcënimin për luftë qytetare?!

"Prej 'Bombave' të Zaevit, Gruevski mbrohet me kërcënimin për luftë qytetare?!", ky është titulli i Gazetës Slloboden Peçat për numrin e saj të nesërm, raporton Almakos.
Tutje kjo gazetë shkruan se, - "Po thuajse të gjitha mediet pro-qeveritare intenzivisht manipulojnë dhe denziformojnë opinionin gjoja për grupe të armatosura, lajmërojnë për bomba misterioze e vënie flake, ndryshojnë deklaratat e opozitës, ndërkaq intelektualët e opozitës flasin për urrejtje dhe i frynë konfliktit. Ky konflikt Maqedoninë mund ta çojë drejt një rrugë qorre. Nëse dikush ka mundësi për të inicuar konflikt ndërpartiak apo ndëretnik, është pikërisht Qeveria e Nikolla Gruevsit" - theksojnë personalitete dhe eskpertë të nryshëm"./Almakos

Wednesday, February 18, 2015

Çka biseduan Mourinho dhe Blanc pas takimit?

Jose Mourinho dhe Laurent Blanc patën një debat të shkurtër pas përfundimit të ndeshjes së djeshme ndërmjet PSG-s dhe Chelseas.
Trajneri i PSG-s, Laurent Blanc ka zbuluar për media se Mourinho i ka thënë se atij që skuadra e tij ka kapacitetin e duhur për të fituar të gjitha trofe gjatë këtij sezoni.
Trajneri i Chelseas dukej në disponim mjaft të mirë në mbrëmjen e kaluar, pasi ishte pothuajse gjatë tërë kohës duke qeshur.
“Mourinho dhe unë njihemi shumë mirë. Ne kemi biseduar për syimet tona respektive të sezonit. Ai më ka thënë se skuadra ime mund ta fitojë secilën garë këtë sezon”, përfundoi Bland.

Qirezi: Kosova vendi më i izoluar në rajon. Qytetarët s’besojnë në institucione

Arben Qirezi, doktor i shkencave politike, thotë se, prej shpalljes së pavarësisë së Kosovës e arritura më e madhe është përfundimi i mbikëqyrjes ndërkombëtare, ndërsa në planin e integrimeve evropiane Kosova nuk ka pasur aspak përparim.
Qirezi për gazetën “Bota sot”, thekson se, zhvilli i Kosovës mbetet peng i procesit të bisedimeve me Serbinë, duke shtuar se integrimi i komunitetit serb nuk mund të arrihet përmes Beogradit.
“Në pikëpamje të shtetndërtimit, e arritura më e madhe e Kosovës është përfundimi i mbikëqyrjes ndërkombëtare. Në pikëpamje të demokratizimit, janë zgjedhjet në të cilat nuk ka patur ankesa shumë të mëdha nga akterët politik. Në anën tjetër, zhvillimi i Kosovës në thelb mbetet peng i procesit të bisedimeve me Serbinë dhe këtu është shënuar një prapakthim. Ashtu si në vitin 2001, edhe tani, Beogradi është bërë pjesë e sistemit institucional. Edhe një herë, ndarja po ngatërrohet me integrim. Integrimi i komunitetit serb nuk mund të arrihet përmes Beogradit dhe ky është një gabim në konceptimin e këtyre bisedimeve”, thotë Qirezi për “Bota sot”.
Ai potencon se, po ashtu, partitë politike nuk kanë arritur të fillojnë reformën e sistemit zgjedhor që tregon për një mungesë vullneti ose vizioni për konsolidimin e brendshëm politik të Kosovës.
“Ka mungesë të institucionalizimit të procedurave dhe kjo tregon për një papjekuri demokratike. Në planin e integrimeve evropiane, nuk ka pasur aspak përparim. Kosova mbetet vendi me i izoluar në rajon e më gjerë, kurse qytetarët kanë humbur besimin në institucione. Nuk mund të thuhet se nuk ka pasur përparim të caktuar në sistemin e drejtësisë, por ai është i pamjaftueshëm. Kjo edhe për faktin se drejtësia është peng i rrethanave më të gjëra”, thotë Qirezi.
Në fund, doktori i shkencave politike, me një fjalë thekson se, përfundimi i mbikëqyrjes ndërkombëtare nuk tregon konsolidimin e shtetësisë sepse funksionaliteti si shtet nuk është arritur./botasot/

'Shqiptarët duan të dinë pse u likuiduan dhe kush i likuidoi ish ushtarët UÇK-së!'

Aferat korruptive dhe ndikimet në proceset gjyqësore nuk janë një gjë e panjohur për qytetarët e Maqedonisë. Analistët mendojnë se opusi i gjerë i përgjimeve të prezantuara nga LSDM fsheh edhe realitetin që prek më shumë shqiptarët dhe që ka të bëjë me aferat e likuidimeve dhe burgosjeve.
Ata mendojnë se kjo është një çështje shumë delikate që përveç kurajës së liderit të LSDM-së, Zoran Zaev do të kërkojë edhe impenjimin më të madh të faktorit ndërkombëtarë. Çështja që shtrohet është nëse këto raste do të hedhin më shumë dritë mbi rastet e montuara apo do të heshten nga droja e përkeqësimit të situatës?
Ismet Ramadani thotë për Portalb se aferat dhe rastet e fundit që po zbulohen do të hedhin dritë mbi shumë raste të montuara.
“Duhet që të gjithë të insistojnë që materialet të cilat i posedon opozita të publikohen me qëllim që të lirohen personat e  pafajshëm. Të gjithë u bindëm që ka pasur intervenime nga pushteti të cilat kanë ndikuar në gjykata. Më mirë është që njëherë e përgjithmonë të del e vërteta në shesh”, thotë Ismet Ramadani.
Sipas tij zbardhja e proceseve të montuara nuk do të prish marrëdhëniet ndëretnike në vend, por të nxjerr të pah fajtorët nga të cilët të gjithë do të distancohen.
“Në rastet më të rënda si vrasja e Harun Aliut, rasti Monstra, mund të ketë ndonjë bashkëpunim eventual mes disa personave i cili duhet të zbulohet dhe të dihet se kush i montoi këto raste. Është mjaft delikate kjo situatë prandaj mendoj se duhet të kyçen ndërkombëtarët, si NATO, OSBE,BE dhe me ndihëm e tyre mund të kemi rifillim të ndërtimit të institucioneve të pavarura shtetërore dhe demokratike”, thotë Ismet Ramadani.
Alajdin Demiri thotë për Portalb se me të drejtë shqiptarët presin që të sqarohen të gjitha ato afera të vrasjeve dhe likuidimeve që populli ka bindje se nuk janë ashtu siç thuhet por janë të montuara.
“Duke filluar nga ngjarjet e 97 dhe rastet si Sopoti, Brodeci dhe së fundi Monstra, likuidimet e shumë prej ish ushtarëve të UÇK-së, si i ndjeri Harun Aliu etj. Presin që të zbardhen kush dhe si i likuidoi, kujt dhe pse i penguan ata. Natyrisht kjo varet nga ajo se deri ne çfarë doze do të bën zbulime Zaevi dhe çka posedon. Po të zbardhen këto raste ashtu si mendon populli, i mundur është që shqetësimi aq i madh te shndërrohet në trazira në Maqedoni dhe përgjegjësia e pushtetit do të jetë shumë e madhe”, thotë Alajdin Demiri.
Sipas tij aferat e përgjimeve ne një dozë të shkallëzimit sipas përmbajtjes së tyre kanë për qëllim rinimin e pushtetit bazuar në keqpërdorimet, manipulimet dhe inskenimet e pushtetit.
Deri më tash thotë Demiri,  dëgjuam pjesën hyrëse, fazën e parë dhe pjesën e dytë, në të cilën u zbuluan detaje mbi keqpërdorimin e gjyqësisë si dhe manipulimin dhe shfrytëzimin e saj./ ALMAKOS/