Translate

Friday, July 3, 2015

Bejli: Multietniciteti është fuqi, por edhe sfidë

Zhvillimi i demokracisë është e një rëndësie të veçantë për përparimin e shtetit, tha ambasadori amerikan Xhes Bejli në solemnitetin që Ambasada amerikane në Shkup e ka organizuar me rastrin e 4 Korrikut – Ditës së Pavarësisë së SHBA-ve. “Kombet tona kanë shumë gjëra të përbashkëta. Ne jemi vende multi-etnike që nuk definohen me një grup etnik dhe një gjuhë. Kjo laramani është burim i fuqisë, të cilat në të njëjtën kohë paraqesin sfida që duhet të vazhdojmë t’i tejkalojmë”, tha ambasadori Bejli. Që të arrijmë përparim, patjetër duhet të punojmë së bashku, gjegjësisht çdo ditë t’u përkushtohemi vlerave të demokracisë, theksoi më tej ai. “Ne populli” dhe “bashkimi sa më i përsosur” janë frazat të cilat jehojnë tek amerikanët, por gjithashtu kanë të bëjnë edhe me popullin e kësaj demokracie të vogël. Amerikanët janë krenarë që janë miq dhe partnerë me popullin Maqedonisë, përderisa ato angazhohen të krijojnë demokraci prosperuese, dinamike dhe multietnike, tha Bejli. Ambasadori Bejli gjithashtu tha se sivjet solemniteti është edhe në shenjë të shënimit të 20 vjetorit të lidhjes së marrëdhënieve diplomatike mes SHBA dhe Maqedonisë. Të pranishëm kanë qenë presidenti Ivanov, kryeministri Nikolla Gruevski, kryetari i Parlamentit Trajko Vlejanovski, kryetari i BDI-së, Ali Ahmeti, kryetari i LSDM-së Zoran Zaev, si dhe personalitete tjera të shquara nga politika, arti, kultura dhe shoqëria civile.  

0 comments :

Post a Comment