Translate

Friday, May 15, 2015

Protestë për Kumanovën para selisë së OKB-së në Gjenevë

Në Gjenevë nesër para selisë së OKB-së mbahet protestë masive me moton kundër "terrorit maqedonas dhe shkatërrimit të lagjes shqiptare në Kumanovë.
Sipas nje komunikate derguar mediave nga ana e organizatorëve thuhet se “Terrori shtetëror i IRJM nuk ka të ndalur mbi vendbanimet shqiptare. Ngjarjet e Kumanovës edhe njëherë dëshmuan se forcat policore dhe ushtarake të udhëhequra nga zyrat e shtetit janë në gjendje brenda dy ditësh të rrënojnë çdo gjë shqiptare”, transmeton portali ‘Presheva Jonë’.
Shoqata “Liria Kombëtare” në Zvicër së bashku me shoqatat tjera, në bashkëpunim me intelektualë, veprimtarë të çështjes kombëtare, sportistë dhe artistë fton të gjithë mërgimtarët në protestë.
“Terrori shtetëror i IRJM nuk ka të ndalur mbi vendbanimet shqiptare. Ngjarjet e Kumanovës edhe njëherë dëshmuan se forcat policore dhe ushtarake të udhëhequra nga zyrat e shtetit janë në gjendje brenda dy ditësh të rrënojnë çdo gjë shqiptare. Faktet mbi Masakrën e Kumanovës, dëshmuan dhe dëshmojnë se në IRJM zbatohen projekte antishqiptare të cilat janë të dënueshme sipas të gjitha ligjeve ndërkombëtare”, theksojnë organizatorët. (INA)

0 comments :

Post a Comment