Translate

Friday, May 8, 2015

Protesta e qetë në ditën e tretë, forca të mëdha policore

Shumica e protestuesve para Parlamentit në Shkup janë shpërndarë në orët e vona, ndërsa kanë ngelur grupe të vogla.(FOTO)
Një pjesë e protestuesve kanë bllokuar udhëkryqet në pjesën qendrore të Shkupit, në shenjë revolte, për shkak se Qeveria nuk i lejoi ata të protestojnë para Qeverisë. Protesta para Parlamentit ka kaluar qetë dhe se vërehen forca të mëdha policore. 
Numri i protestuesve kësaj radhe ka qenë më i vogël dhe se turmat po shpërndaheshin pasi që ato janë shëtitur, fillimisht duke mos u lejuar të protestojnë para Qeverisë, më pas para Prokurorisë Publike dhe më në fund duke mbërritur përmes bulevardeve para Parlamentit. 
Protestuesit kanë vazhduar të brohorasin për dorëheqjen e Qeverisë, kryeministrit Nikola Gruevski dhe ministres së brendshme, Gordana Jankullovska. Kjo është dita e tretë e protestave. 
Protesta të ngjajshme kanë vazhduar sot në mbrëmje edhe në Strumicë, Prilep, etj. (INA)

Protesta para Parlamentit, thirrje për dorëheqjen e Qeverisë
Mijëra protestues janë tubuar para Parlamentit, duke bërë thirrje për dorëheqjen e Qeverisë. (FOTO)Turmat e protestuesve po bëjnë thirrje për dorëheqjen e Qeverisë dhe kryeministrit Nikola Gruevski.  Forca të mëdha policore janë në të gjitha anët e Parlamentit.
Një grup protestuesish po i ofrojnë lule njësiteve speciale policore, por ato po refuzojnë pranimin e tyre. Situata është e qetë dhe se deri tani nuk rezulton në ndonjë incident.
Protestuesit kryesisht janë të rinj, dhe se bëhet e ditur për praninë edhe të grupeve të tifozëve të grupeve sportive. Protestuesit kanë vazhduar me brohoritjet antiqeveritare. (INA)

0 comments :

Post a Comment