Ministrja e Brendshme Gordana Jankullovska shfajësohet sërish nga bisedat që publikon LSDM-ja, duke i cilësuar ata të montuara dhe krijuara. Ajo nuk deshi të komentonte as bisedën ku ofendon rëndë personalitetin e Adem Jasharit, por edhe zëdhënësin e BDI-së Bujar Osmani dhe shefin e kabinetit të Ahmetit Artan Grubin, ndërkohë që theksoi se me përfaqësuesit e BDI-së ka raporte korrekte.
“Në mungesë të ideve dhe propozimeve konkrete, Zoran Zaevi dhe bashkëpunëtorët e tij, si mënyrë të vetme për paraqitje para qytetarëve vendosën të publikojnë materiale të krijuara dhe montuara, të siguruara në mënyrë joligjore. Me secilën paraqitje të radhës, është evidente frika dhe shqetësimi tek lideri i LSDM-së Zoran Zaev, sepse sipas të gjitha gjasave, bëhet i vetëdijshëm për seriozitetin e veprave me të cilat ngarkohet. Ndryshe, sa i përket pyetjes suaj, me gjithë kolegët edhe në pushtetin ekzekutiv edhe në pushtetin ligjvënës kemi raporte korrekte profesionale”, deklaroi Gordana Jankullovska, Ministre e Brendshme.
Në kuadër të bombës së publikuar të shtunën, LSDM-ja publikoi një bisedë ku Jankullovska dëgjohet së bashku me shefin e kabinetit të kryeministrit Gruevski, Martin Protugjer, duke shfryrë urrejtje me terme fyese dhe nënçmuese për Adem Jasharin dhe përfaqësuesit e partnerit të saj të koalicionit.
Jankullovska mohoi edhe bisedën tjetër të publikuar nga opozita, që sipas LSDM-së dëshmon se ministrja e brendshme nuk i sanksiononte sulmuesit e shtabeve partiake të partisë së Lube Boshkovskit. Ajo tha se për të gjitha aktet e dhunës janë ngritur padi përkatëse, qoftë penale apo kundërvajtjeje./alsat/
“Në mungesë të ideve dhe propozimeve konkrete, Zoran Zaevi dhe bashkëpunëtorët e tij, si mënyrë të vetme për paraqitje para qytetarëve vendosën të publikojnë materiale të krijuara dhe montuara, të siguruara në mënyrë joligjore. Me secilën paraqitje të radhës, është evidente frika dhe shqetësimi tek lideri i LSDM-së Zoran Zaev, sepse sipas të gjitha gjasave, bëhet i vetëdijshëm për seriozitetin e veprave me të cilat ngarkohet. Ndryshe, sa i përket pyetjes suaj, me gjithë kolegët edhe në pushtetin ekzekutiv edhe në pushtetin ligjvënës kemi raporte korrekte profesionale”, deklaroi Gordana Jankullovska, Ministre e Brendshme.
Në kuadër të bombës së publikuar të shtunën, LSDM-ja publikoi një bisedë ku Jankullovska dëgjohet së bashku me shefin e kabinetit të kryeministrit Gruevski, Martin Protugjer, duke shfryrë urrejtje me terme fyese dhe nënçmuese për Adem Jasharin dhe përfaqësuesit e partnerit të saj të koalicionit.
Jankullovska mohoi edhe bisedën tjetër të publikuar nga opozita, që sipas LSDM-së dëshmon se ministrja e brendshme nuk i sanksiononte sulmuesit e shtabeve partiake të partisë së Lube Boshkovskit. Ajo tha se për të gjitha aktet e dhunës janë ngritur padi përkatëse, qoftë penale apo kundërvajtjeje./alsat/
Comments
Post a Comment