Translate

Thursday, March 19, 2015

Zaev publikon tani më “Bombën” e 12

"Bomba “ e 12 e liderit të LSDM-së, Zoran Zaev shpalos biseda për favore të gjykimeve gjyqësore dhe emërime të gjykatësve. Zaev gjatë konferencës për shtyp publikoi audio incizime te reja prezantoi biseda të ministres së Brendshme, Gordana Jankullovska, shefit të intelegjencës Sasho Mijallkov, gruas së ish ministrit të Drejtësisë, Filimena Manevska si dhe biseda telefonike midis ish-ministrit të Drejtësisë, Blerim Bexheti dhe zëvendëskryministrit Musa Xhaferi. Në bisedë mes Manevskës dhe kushëririt të Gruevskit dëgjohet se si ata bëjnë plane për ta bërë për vete një gjykatëse në një rast. Jankullovska në bisedë me Mijallkovin porositin një rast gjyqësor kundër një personi, poashtu të policisë, por që Jankullovska e ka inat. Në bisedën e Jankullovskës me Mijallkovin dëgjohet si ata i përzgjedhin gjykatësit sipas merakut të tyre. Jankullovska flet me Mijallkovin ku diskutohet se Blerim Bexheti ka kërkuar shërbim nga Mijallkov. Jankullovska mban një fletore me lista të gjykatësve dhe i referon Mijallkovit se kush çfarë punon dhe si e bëjnë punën dhe a punojnë sipas direktivave të tyre. Në një bisedë mes Jankullovskës dhe ish Prokurorit publik, Lupço Shvërgovski dëgjohet si ky i fundit i kërkon ndihmë Jankullovskës të intervenojë te ish ministri i drejtësisë, kuadër i BDI-së Blerim Bexheti. Kjo i thotë që do ta lus Bexhetin ta mbarojë këtë punë. Lidhur me këtë, Blerim Bexheti në bisedë me Musa Xhaferrin bisedojnë për zgjedhjen e prokurorëve për t’i liruar një vend VMRO-së e që i takon BDI-së. Blerim Bexheti në bisedën e prezantuar nga Zev i pranon Musa Xhaferit që tani më i ka dhënë VMRO-së dy vende të prokurorisë që i takojnë BDI-së. Xhaferi i thotë që të kërkojnë diçka kompensim për këto tre vende që i janë dhënë VMRO-së. Ish ministri Bexheti i kërkon Xhaferit që t’ia lëshojnë vendin VMRO-së sepse sipas tij “qenka vend i rëndësishëm” për ata. Gjithashtu për një rast tjetër Bexheti i kërkon Musa Xhaferit që BDI ta përkrahë gjykatësin Veli Vedat, sepse ky i paska ndihmuar atij ta bllokojnë me Bandenter PDSH-në. Ndërkaq, në bisedë mes Jankullovskës dhe ministrit të financave Zoran Stavreski dëgjohet si ata bëjnë plane për t’u hakmarrë një personit që i pengon Stavreskit. 
Ndërkaq në pyetjen se cilët ambasadore janë më të përgjuarit, Zaev duke i thirrur në Konventën e Vienës për punën e ambasadorëve, nuk ka pranuar të japë detaje. “Emrat nuk do t’i bëjmë publike sepse me këtë bëjmë shkelje të Konventës se Vjenës. Ndërsa, sa u përket materialeve ku janë përgjuar përfaqësuesit e huaj, ato të gjitha ua kemi dorëzuar ambasadorëve”, theksoi ai. I pyetur se si e komenton kërkesën e prokurorit Zverlevski që ekspertë ndërkombëtarë të monitorojnë procesin e zbardhjes se aferës së përgjimeve, Zaev tha se nëse Prokuroi publik mendon se procesi gjyqësor që ai do të hap të monitorohet nga ndërkombëtarët siç u monitorua dhe rasti “Mostra”, ai vetëm se e mashtron veten. “Prokuroi Zverlevski duhet të jep dorëheqje së bashku me Jovan Ilievski, udhëheqës në sektorin për krim të organizuar në Prokurori dhe njëkohësisht baxhanak i Mijallkovit. Të gjithë këta duhet të heqin kthetrat e tyre nga Prokuroria që të kthehet më në fund drejtësia”, tha Zaev. 

0 comments :

Post a Comment