Në Ministrinë e Drejtësisë nuk kanë komentuar lidhur me emrat e anëtarëve që do të kandidojnë për postin e kryetarit dhe zëvendëskryetarit të Këshillit, duke sqaruar se emërimi i kryesisë së re të Këshillit Gjyqësor do të hap dyert e emërimit të kryetarëve të gjykatave themelore dhe atë të Apelit në Shkup, gjykata këto që mbeten me muaj pa kryetarë ose me ushtrues detyre
Ilir IVANOVSKI
Këtë të premte mund të dihet emri i kryetarit të ri të Këshillit Gjyqësor. Janë të dhënat zyrtare të Ministrisë së Drejtësisë ato që zbardhin caktimin e seancës në të cilën të premten pritet të zgjidhet kryetari i ri i këtij Këshilli, por edhe zëvendësi i tij. Në Ministrinë e Drejtësisë nuk kanë komentuar lidhur me emrat e anëtarëve që do të kandidojnë për postin e kryetarit dhe zëvendëskryetarit të Këshillit, duke sqaruar se emërimi i Kryesisë së re të Këshillit Gjyqësor do të hap dyert e emërimit të kryetarëve të gjykatave themelore dhe atë të Apelit në Shkup, gjykata këto që mbeten me muaj pa kryetarë ose me ushtrues detyre.
“Në bazë të informatave që posedojmë ne si ministri, këtë të premte do të zhvillohet seanca për zgjedhjen e kryetarit të Këshillit Gjyqësor, ndërsa pas emërimit të kryetarit të këtij Këshilli, do të vijojnë procedurat për edhe për zgjedhjen e kryetarëve në gjykatat përkatëse, në të cilat aktualisht janë caktuar vetëm ushtrues detyre”, tha Valdet Xhaferi, zëdhënësi i Ministrisë së Drejtësisë. Sipas tij, i njëjti proces do të vijojë edhe për zgjedhjen e kryetarit të Akademisë së gjykatësve dhe prokurorëve publik, institucion ky që gjithashtu është pa kryetar mbi gjysmë vit.
Megjithëse vetë ministri i Drejtësisë, Adnan Jashari, nga fundi i muajit mbështeti idenë e emërimit të një shqiptari në krye të Këshillit Gjyqësor, të dhënat jozyrtare që vijnë nga vetë këshilli bëjnë të ditur se organi më i lartë i pushtetit gjyqësor do të vazhdojë të drejtohet nga njëri nga anëtarët e tanishëm maqedonas, me mundësi që një nga anëtarët shqiptarë të emërohet në detyrën e zëvendëskryetarit të Këshillit. “Unë nuk shoh pengesa që një shqiptar të emërohet në detyrën e kryetarit të këshillit. Megjithatë, si në shumë raste të tjera, çështja konkrete duhet të fitojë edhe mbështetjen politike”, tha ministri Adnan Jashari nga fundi i muajit janar. Megjithatë, sipas të gjithë gjasave, dy anëtarët shqiptarë që kishin pretendime për postin e kryetarit të ri të Këshillit Gjyqësor nuk fituan mbështetjen e duhur politike. Ndërkohë, në pritje të kreut të ri të Këshillit Gjyqësor, Gjykata e Apelit në Shkup, Gjykata Themelore Shkupi 2 dhe tetë gjykata të tjera të shkallës së parë me muaj vazhdojnë të funksionojnë pa kryetarë. Primatin vazhdon ta mbajë Gjykata Themelore Shkupi 2, rreth 20 muaj me radhë nuk ka arritur të zgjedh kreun e saj, duke e lënë në krye të gjykatës më të madhe civile ushtruesin e detyrës Gjorgji Radojkov. Këtij trendi nga fundi i vitit të kaluar iu bashkëngjit edhe Këshilli Gjyqësor, organ ky që bën emërimin dhe shkarkimin e kryetarëve të gjykatave. Ky këshill mbeti pa kryetar pas skadimit të dy mandateve të njëpasnjëshme të kryetares Aleksandsra Zafirovska. Sipas vlerësimit të ekspertëve, funksionimi shumëmujash i gjykatave pa kryetarë lë të kuptohet se në shumë raste kemi të bëjmë me mosmarrëveshje politike. Pra partitë nuk mund të merren vesh lidhur me emrat e kryetarëve të gjykatave. Sipas tyre, për fat të keq është politika ajo që vazhdon të vendos për emrat e kryetarëve, në vend që kjo çështje t’u lihet organeve gjyqësore që janë formuar dhe kanë kompetenca të bëjnë zgjidhjen e tyre. Vlerësimet e tyre kohëve të fundit u konfirmuan edhe njëherë me telefonatat e përgjuara, që u zbardhën nga opozita maqedonase.
Këtë të premte mund të dihet emri i kryetarit të ri të Këshillit Gjyqësor. Janë të dhënat zyrtare të Ministrisë së Drejtësisë ato që zbardhin caktimin e seancës në të cilën të premten pritet të zgjidhet kryetari i ri i këtij Këshilli, por edhe zëvendësi i tij. Në Ministrinë e Drejtësisë nuk kanë komentuar lidhur me emrat e anëtarëve që do të kandidojnë për postin e kryetarit dhe zëvendëskryetarit të Këshillit, duke sqaruar se emërimi i Kryesisë së re të Këshillit Gjyqësor do të hap dyert e emërimit të kryetarëve të gjykatave themelore dhe atë të Apelit në Shkup, gjykata këto që mbeten me muaj pa kryetarë ose me ushtrues detyre.
“Në bazë të informatave që posedojmë ne si ministri, këtë të premte do të zhvillohet seanca për zgjedhjen e kryetarit të Këshillit Gjyqësor, ndërsa pas emërimit të kryetarit të këtij Këshilli, do të vijojnë procedurat për edhe për zgjedhjen e kryetarëve në gjykatat përkatëse, në të cilat aktualisht janë caktuar vetëm ushtrues detyre”, tha Valdet Xhaferi, zëdhënësi i Ministrisë së Drejtësisë. Sipas tij, i njëjti proces do të vijojë edhe për zgjedhjen e kryetarit të Akademisë së gjykatësve dhe prokurorëve publik, institucion ky që gjithashtu është pa kryetar mbi gjysmë vit.
Megjithëse vetë ministri i Drejtësisë, Adnan Jashari, nga fundi i muajit mbështeti idenë e emërimit të një shqiptari në krye të Këshillit Gjyqësor, të dhënat jozyrtare që vijnë nga vetë këshilli bëjnë të ditur se organi më i lartë i pushtetit gjyqësor do të vazhdojë të drejtohet nga njëri nga anëtarët e tanishëm maqedonas, me mundësi që një nga anëtarët shqiptarë të emërohet në detyrën e zëvendëskryetarit të Këshillit. “Unë nuk shoh pengesa që një shqiptar të emërohet në detyrën e kryetarit të këshillit. Megjithatë, si në shumë raste të tjera, çështja konkrete duhet të fitojë edhe mbështetjen politike”, tha ministri Adnan Jashari nga fundi i muajit janar. Megjithatë, sipas të gjithë gjasave, dy anëtarët shqiptarë që kishin pretendime për postin e kryetarit të ri të Këshillit Gjyqësor nuk fituan mbështetjen e duhur politike. Ndërkohë, në pritje të kreut të ri të Këshillit Gjyqësor, Gjykata e Apelit në Shkup, Gjykata Themelore Shkupi 2 dhe tetë gjykata të tjera të shkallës së parë me muaj vazhdojnë të funksionojnë pa kryetarë. Primatin vazhdon ta mbajë Gjykata Themelore Shkupi 2, rreth 20 muaj me radhë nuk ka arritur të zgjedh kreun e saj, duke e lënë në krye të gjykatës më të madhe civile ushtruesin e detyrës Gjorgji Radojkov. Këtij trendi nga fundi i vitit të kaluar iu bashkëngjit edhe Këshilli Gjyqësor, organ ky që bën emërimin dhe shkarkimin e kryetarëve të gjykatave. Ky këshill mbeti pa kryetar pas skadimit të dy mandateve të njëpasnjëshme të kryetares Aleksandsra Zafirovska. Sipas vlerësimit të ekspertëve, funksionimi shumëmujash i gjykatave pa kryetarë lë të kuptohet se në shumë raste kemi të bëjmë me mosmarrëveshje politike. Pra partitë nuk mund të merren vesh lidhur me emrat e kryetarëve të gjykatave. Sipas tyre, për fat të keq është politika ajo që vazhdon të vendos për emrat e kryetarëve, në vend që kjo çështje t’u lihet organeve gjyqësore që janë formuar dhe kanë kompetenca të bëjnë zgjidhjen e tyre. Vlerësimet e tyre kohëve të fundit u konfirmuan edhe njëherë me telefonatat e përgjuara, që u zbardhën nga opozita maqedonase.
Comments
Post a Comment