Translate

Monday, March 9, 2015

Reshjet e fundit të borës kanë shkaktuar dëme të mëdha

Bora intensive që ra ditëve të fundit bllokoi fshatrat në disa rajone të vendit, ndërsa si pasojë e daljes së lumenjve nga shtrati janë vërshuar disa shtëpi dhe sipërfaqe bujqësore. Ky është bilanci pas reshjeve disa ditore, ndërsa nga Qendra për Menaxhim me Kriza thonë se institucioneve kompetente po punojnë në teren.

“Për momentin në pjesën e Pellagonisë gjendja është e njëjtë sikur dje. Mbi një mijë e 500 hektarë tokë bujqësore janë nën ujë. Uji po tërhiqet ndërsa për shkak të borës në komunën Staro Nagoriçane ka disa fshatra të bllokuara. Në terren gjendet një makinë për pastrimin e rrugëve ndërsa në këto fshatra nuk ka edhe energji elektrike. Në komunën e Kratovës i bllokuar është aksi rrugorë drejtë fshatrave Kunovë, Llukovë dhe Rezhillove për shkak të borës prej 50 cm. Në Kriva Pallankë të bllokuara janë disa akse rrugore, ndërsa situatë e njëjtë është edhe në Probishtip”, u shpreh Nadica Vçkova, Zëdhënëse e QMK-së.

Nga EVN Maqedoni thonë se ekipet e tyre prej orëve të hershme të mëngjesit janë në teren, por se nuk kanë mundur të depërtojnë deri në vendet ku është paraqitur defekti. Pritet që ekipet ta pastrojnë borën që më pas të evitohet defekti. Për shkak të borës në rrugë, ndalesë për qarkullimin e automjeteve të rënda të transportit ka në akset rrugore Mavrovë- Dibër dhe Tetovë- Kodra e Diellit. Në aksin rrugor Makedonski Brod- Prilep për shkak të dëmtimit të një pjese të urës në Sllanska Reka, është vendosur ndalesë për qarkullimin e rënda të transportit. Në rrugën Krupishtë- Probishtip për shkak të rrënimit të korsisë së majtë të rrugës, trafiku zhvillohet vetëm në një korsi./alsat-m

0 comments :

Post a Comment