Translate

Monday, February 16, 2015

Ahmeti: Brukseli të përfshihet në uljen e tensioneve politike

Shkup, 16 shkurt-Kryetari i Bashkimit Demokratik për Integrim, z. Ali Ahmeti, ka pritur sot në Tetovë në një takim të përbashkët Ambasadorin e Finlandës, z. Timo Rajakangas, dhe Ambasadorin e Suedisë, z. Mats Stafanson dhe zonjën Asa Pehrson, përfaqësuese e Suedisë në Bruksel.

Në takim u diskutua rrreth zhvillimeve të fundit në Maqedoni në lidhje me aferën e përgjimeve masive, marrëdhëniet ndëretnike, çështjen e emrit dhe integrimin EuroAtlantik të Maqedonisë.

Kryetari Ahmeti falënderoi Ambasadorët për vizitën dhe i njoftoi që Bashkimi Demokratik për Integrim konsideron që afera e përgjimeve masive nuk guxon që të pengojë agjendën Euro atlantike të Maqedonisë. Vëmendja nuk duhet të tërhiqet nga çështjet madhore dhe partitë politike duhet që bashkarisht të angazhohen për të ardhmen e vendit.

Brukseli duhet të angazhohet drejtpërdrejt në menaxhimin e situatës së ndërlikuar në vend nëpërmjet të angazhimit të një ekipi që do të vijoj dialogun politik në mes të partive politike si dhe menaxhimin e procesit të zbardhjes së aferës së përgjimeve.

Ambasadorët shprehën interesim gjithashtu edhe për marrëdhëniet ndëretnike dhe zbatimin e Marrëveshjes së Ohrit, ndërsa Kryetari Ahmeti elaboroi mbi dallimet midis shqiptarëve dhe maqedonasve në lidhje me zbatimin e Kushtetutës në pjesën e përdorimit zyrtar të gjuhës shqipe.

Por, Kryetari Ahmeti nënvizoi që problem kryesor i Maqedonisë është kontesti me emrin që Maqedonia e ka me fqiun jugor Greqinë sepse bllokimi I të ardhmes EuroAtlantike tensionon marrëdhëniet ndëretnike që janë shtyllë e stabilitet të vendit.

Kryetari Ahmeti ftoi Brukselin zyrtar dhe Vashingtonin që të kyçen drejtpërdrejt në tejkalimin e këtij kontesti nëpërmjet të mundësimit të dialogut të menjëhershëm midis Kryeministrave të Maqedonisë dhe Greqisë.
marrur nga: ZHURNAL.mk

0 comments :

Post a Comment