Translate

Wednesday, January 21, 2015

"Xhihadisti" shqiptar alarmon organet italiane të sigurisë


"Xhihadisti" shqiptar alarmon organet italiane të sigurisë


Romë, 21 janar - Një 19-vjeçar shqiptar ka shqetësuar autoritetet italianë për shkak të përmbajtjes së faqes së tij në Fb.

Ai dyshohet të jetë një ekstremist islamik dhe përkrahës i xhihadistëve dhe kjo gjë ka vënë në alarm italianët.

Bëhet fjalë për Denis Jonuzin i cili jeton në qytetin Cividale në Itali.

Denis Jonuzi ka jetuar për tetë muaj në Itali dhe aktualisht ndodhet në shqipëri, por megjithë largimin e tij ai po mban ende në ankth autoritetet italiane të cilët dyshojnë për një aktivitet terrorist të tij.

Jonuzi kishte shkuar si emigran klandestin në Itali në shtator të vitit 2013 por sapo mbushi moshën madhore 18 vjeç ai u riatdhesua në Shqipëri.

Në faqen e tij të FB shihen foto me kallashnikov dhe kuran në dorë dhe shprehjet “Allahu është i madh” apo “Allahu është një”.

Autoritetet italiane dyshojnë se 19-vjeçari mban ende kontakte me persona që ka njohur në Itali.

Fotot e tij u zbuluan pasi Denis Jonuzi u regjistrua në faqen “Sei di Cividale” dhe italianët besojnë se kjo faqe shërben si mjet komunikimi midis shqiptarit dhe miqve të tij në Itali./MAPO
marrur  nga:© ZHURNAL.mk








0 comments :

Post a Comment